11 އަހަރު ފަހުން ރޮއިސްއާއެކު ޑޯޓްމުންޑް ފައިނަލަށް
އެކަކު ވެސް ފައިނަލަށް ދިޔަ ގޮތެއް ނުބަލާނެ: ރޮއިސް
ބޮރޫޝިޔާ ޑޯޓްމުންޑްގެ މާކޯ ރޮއިސް
11 އަހަރު ފަހުން ޖަރުމަނުގެ ބޮރޫޝިޔާ ޑޮޓްމުންޑް ޗެމްޕިއަންސް ލީގު ފުޓްބޯޅަ މުބާރާތުގެ ފައިނަލުން ޖާގަ ހޯދައިފި އެވެ.
އެ ޓީމު ފައިނަލަށް ދަތުރުކުރީ ފްރާންސްގެ ޕީއެސްޖީއާ އެކު ކުޅުނު ސެމީ ފައިނަލްގެ ދެ މެޗު ވެސް 1-0އިން ކާމިޔާބުކޮށްގެންނެވެ. ރޭ ޕީއެސްޖީގެ ދަނޑުގައި ކުޅުނު މެޗުން އެ ޓީމު މޮޅުވީ ފަހު ހާފުގައި މެޓްސް ހުމެލްސް ޖެހި ގޯލުންނެވެ. މި މެޗަށް ފަހު މިކަމުގެ އުފާ އެންމެ ބޮޑަށް ފާޅު ކުރީ މި ސީޒަނަށް ފަހު ޓީމާ ވަކިވާ ކުރީގެ ކެޕްޓަން މާކޯ ރޮއިސް އެވެ. އޭނާ އަކީ ޑޯޓްމުންޑް އެންމެ ފަހުން ފައިނަލްގައި ކުޅުނުއިރު 2012 ވަނަ ޓީމުގައި ހިމެނުނު ކުޅުންތެރިއަކަށް މިވަގުތު ހުރި ހަމައެކަނި ކުޅުންތެރިޔާ އެވެ.
އޭނާ މިހެން ބުނީ ރޭގެ ސެމީ ފައިނަލް މެޗުގެ ބޮޑުބައި ކޮންޓްރޯލްކޮށް ޕީއެސްޖީން ފޮނުވާލި ހަތަރު ބޯޅައެއް ގޯލް ދަނޑީގައި ޖެހިފައިވުމުން ބައެއް މީޑިއާތަކުން އެވާހަކަ ދައްކާތީ އެވެ.
ޑޯޓްމުންޑްގެ ކޯޗު އެޑިން ޓާޒިކް މެޗަށް ފަހު ބުނީ އަމިއްލަ ލީގުގައި މާބޮޑު ކާމިޔާބީއެއް ނުހޯދުނަސް ޗެމްޕިއަންސް ލީގުގައި މަސައްކަތްކޮށްފިނަމަ ކުރިއަށް ދެވިދާނެކަން އޭނާގެ ޓީމުން ދައްކައިދީފި ކަމަށެވެ.
މުބާރާތުގެ ފައިނަލުގައި ޑޯޓްމުންޑް ބައްދަލުކުރާނީ ޖަރުމަނުގެ ބަޔާން މިއުނިކާއި ސްޕޭނުގެ ރެއާލް މެޑްރިޑް މިރޭ ކުޅޭ ސެމީ ފައިނަލް މެޗުން މޮޅުވާ ޓީމަކާ އެވެ.
