އާދީއްތަ ދުވަހުން ފެށިގެން 12 އަހަރުން މަތީގެ ކުދިންނާއި، ވަކި ކެޓަގަރީގައި ހިމެނޭ މީހުންނަށް ފައިޒަރ ވެކްސިން ދޭން ފަށަނީ
ދިފާއީ ނިޒާމް ބަލިކަށި މީހުންނާއި މާބަނޑު މީހުންނަށް ފައިޒަރ ވެކްސިން ޖެހޭނެ
2021 ވަނަ އަހަރަށް ދިރާސީ އައު އަހަރު ހުޅުވި ދުވަހު ދަރިވަރުން ސްކޫލަށް ހާޒިރުވަނީ
އާދީއްތަ ދުވަހުން ފެށިގެން 12 އަހަރާ 17 އަހަރާއި ދެމެދުގެ ކުދިންނަށް ކޮވިޑް ދިފާއު ވެކްސިން ދޭން ފަށާނެ ކަމަށް ހެލްތް ޕްރޮޓެކްޝަން އެޖެންސީ (އެޗްޕިއޭ)އިން ބުނެފިއެވެ.
އެޗްޕީއޭއިން ބުނީ ކޮވެކްސް ފެސިލިޓީ މެދުވެރިކޮށް ޔޫއެސްގެ އެހީގައި ރާއްޖެއަށް 128,600 ޑޯޒް ފައިޒަރ ވެކްސިން ލިބިފައިވާ ކަމަށެވެ. އަދި މިވެކްސިން އާދީއްތަ ދުވަހުން ފެށިގެން މާލެއާއި އަތޮޅުތަކުގައި ޖަހަން ފަށާނެ ކަމަށެވެ. ފައިޒަރ ވެކްސިނަކީ އުމުރުން 12 އަހަރުން މަތީގެ މީހުންނަށް ޖެހުމަށް ހުއްދަ ލިބިފައިވާ ވެކްސިނެއް ކަމުން މި ފަހަރު ލިބިފައިވާ ފައިޒަރ ވެކްސިން ޖަހާނީ ވަކި އުމުރު ފުރާތަކަކަށް ކަމަށް އެޗްޕީއޭއިން ބުނެއެވެ.
އެޗްޕީއޭއިން ބުނީ އުމުރުން 12 އަހަރާ 17 އަހަރުގެ ކުދިންގެ ތެރެއިން މިހާރު ސްކޫލްގައި އުޅޭ ކުދިން އަދި މިދިޔަ ދިރާސީ އަހަރު 10 ނިންމި ކުދިންނަށް ވެކްސިން ދިނުމަށް ހަމަޖެހިފައިވަނީ މިނިސްޓްރީ އޮފް އެޑިއުކޭޝަން އާ ގުޅިގެން ސްކޫލްތައް މެދުވެރިކޮށް ކަމަށެވެ. އާދީއްތަ ދުވަހުން ފެށިގެން މާލެ ސަރަހައްދުގައި މި ވެކްސިން ދޭން ފަށާއިރު އާއްމުންނަށް މި ވެކްސިނަށް ޚާއްޞަކުރެވިފައިވާ ވެކްސިން ސެންޓަރުތަކަކީ އިސްލާމީ މަރުކަޒު (ހެނދުނު 9ން ހަވީރު 4ށް) ހުޅުމާލޭ ހޮސްޕިޓަލް (މެންދުރުފަހު 1ން 4ށް)އެވެ.
ވިލިމާލޭގައި އާއްމުކޮށް ޖަހަންފަށާނީ ހޯމަ ދުވަހުން ފެށިގެން ވިލިމާލެ ޔޫތް ސެންޓަރުގައި މެންދުރު 1ން 4ށެވެ. އަދި ސްކޫލްތަކުގެ ދަރިވަރުންނާއި މިދިޔަ ދިރާސީ އަހަރު 10 ނިންމި ކުދިން ފިޔަވައި، 12 އަހަރާއި 17 އަހަރުގެ ކުދިންނާއި މާބަނޑުމީހުންނާއި މި ވެކްސިން ޖެހުމަށް ޝަރުތުހަމަވާ އެހެން ފަރާތްތައް ވެކްސިން ޖެހުމަށްbook.hpa.gov.mvމެދުވެރިކޮށްއެޕޮއިންޓްމަންޓް ހައްދަވައިގެން ވެކްސިންޖެހުމަށް ވަޑައިގަތުމަށް އެދިފައިވެއެވެ. އަދި ލިސްޓްކުރެވިފައިވާ ކެޓަގަރީތަކުގައި ހިމެނޭ ފަރާތްތައް ވެކްސިން ޖަހަން ދާއިރު އައިޑީކާޑް ނުވަތަ ޕާސްޕޯޓާއި އެކުކަމާއި ގުޅުންހުރި ލިޔެކިޔުމުގެ ފޮޓޯ ހާޑްކޮޕީ ނުވަތަ ސޮފްޓް ކޮޕީ ގެނައުމަށް ވަނީ އެދިފައެވެ.
