ލަގްޒަމްބަރގްގެ ބޮޑުވަޒީރު ކޮވިޑަށް ޕޮޒިޓިވްވެއްޖެ

ލަގްޒަމްބަރގްގެ ބޮޑުވަޒީރު ކޮވިޑަށް ޕޮޒިޓިވްވެ، ފަރުވާ ހޯއްދަވަން ފައްޓަވައިފިއެވެ.

ބޮޑުވަޒީރު ޒަވިއަރ ބެޓެލް ކޮވިޑަށް ޕޮޒިޓިވްވެ، އެކަހެރިވެވަޑައިގަތީ، އާދީއްތަ ދުވަހުއެވެެ. އެކަހެރިވެވަޑައިގެން ހުންނަވާ 10 ދުވަހުވެސް މަގާމުގެ މަސްއޫލިއްޔަތު އަދާކުރެއްވުމުގެ ގޮތުން އޮންލައިކޮށް ހުރިހާ ކަމެއްވެސް ކުރައްވާނެ ކަމަށް، ސަރުކާރުން ނެރުނު ނޫސްބަޔާނުގައިވެއެވެ. މި ބަޔާނުގައި ބުނެފައިވަނީ މިހާރު ހުމުގެ އަސަރު ކޮންމެވެސް ވަރަކަށް ފެންނަ ކަމަށެވެ.

ލަގްޒަމްބަރގްގެ މިޑީތަކުން ރިޕޯޓުކޮށްފައިވާ ގޮތުގައި، ބޮޑުވަޒީރު ޒަވިއަރ ވެކްސިންގެ ފުރަމަ ޑޯޒް ފުރިހަަމަ ކުރެއްވީ، މެއި މަހުގެ 6ވަނަ ދުވަހުއެވެ. ޖޫން މަހުގެ 24ން 25ށް ބްރަސަލްސްގައި އޮތް ޔޫރަޕިއަން ޔޫނިއަން ސަމިޓްގައިވެސް ބޮޑުވަޒީރު ޒަވިއަރ ބައިވެރިވެވަޑައިގެންނެވިއެވެ.