ކޮވިޑްގެ ބަލި މީހުންނަށް އެންޓިބައޯޓިކްސް ދިނުމާއި ހަކުރު މަތިވުމާ ގުޅުމެއް ނެތް
30 މެއި 2021 | އާދީއްތަ 02:19ފުއްޕާމޭގެ ބަލިތަކުގެ މީހުންނަށް ފަރުވާދިނުމަށް އެކިކަހަލަ ބޭސްތައް ދޭންޖެހޭ
ޑރ. އިބްރާހިމް އަފްޒަލް
ކޮވިޑްގެ ބަލި މީހުންނަށް އެންޓިބައޯޓިކްސް ދިނުމުގެ ސަބަބުން ހަކުރު މައްޗަށް ދާކަމަށް ދެކެވޭ ވާހަކައާއި ގުޅޭގޮތުން އެކަން ވަމުންދާ ގޮތް ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ އެޕިޑަމޮލޮޖިސްޓް ޑރ އިބްރާހީމް އަފްޒަލް ސާފުކޮށްދެއްވައިފިއެވެ.
އެޗްއީއޯސީން ހޮނިހިރު ދުވަހު ބޭއްވި ނޫސްވެރިންގެ ބައްދަލުވުމުގައި ޑރ އަފްޒަލް ވިދާޅުވީ ފާއިތުވި ދެތިން ދުވަހެއްގައި ތެރޭގައި އެފަދަ ވާހަކަތަކެއް ދެކެވެމުންދާ ކަމަށެވެ. ނަމަވެސް ހަގީގަތަކީ އެންޓިބައޯޓިކްސް ދިނުމަކުން ހަކުރު ހުންނަ ލެވެލް އަށް އަސަރެއް ނުކުރާނެ ކަމަށް އަފްޒަލް ވިދާޅުވިއެވެ.
އެހެންނަމަވެސް ނޭވާލާ ނިޒާމަށް ޖެހޭ ބަލިތައް ވަކިން ޚާއްސަކޮށް ފުއްޕާމޭގެ ބަލިތަކުގެ މީހުންނަށް ފަރުވާދިނުމަށް އެކިކަހަލަ ސްޓޮރޮއިޑްސް ދޭން ޖެހޭކަމަށް އަފްޒަލް ވިދާޅުވިއެވެ.
މީގެއިތުރުން ޑރ އަފްޒަލް ވިދާޅުވީ ކޮވިޑް ބަލިޖެހިގެން ހުޅުމާލެ ކޮވިޑް ފެސިލިޓީގައި އެޑްމިޓްކޮށްގެން ފަރުވާދެމުންދާ މީހުންގެ ތެރޭގައި ގިނަ އަދަދަަކަށް ހަކުރު ބަލީގެ މީހުންނާއި ލޭމައްޗަށް ދިޔުމުގެ ބަލި ހުންނަ މީހުން ތިބި ކަމަށެވެ. އަދި ސަރުބީ ކޮންޓްރޯލްނުވުމުގެ މައްސަލަ ދިމާވާ މީހުންނާއި ހިތުގެ ބައްޔާއި ކިޑްނީ ބަލި ތަހައްމަލު ކުރާ މީހުންގެ އަދަދުވެސް ނިސްބަތުން ގިނަ ކަމަށް އަފްޒަލް ވިދާޅުވިއެވެ.
