ގަމު ކެމްޕަހުގައި ނަރުސްކަން ކިޔަވާ ދަރިވަރުންވެސް ގައުމީ ޚިދުމަތަށް
27 މެއި 2021 | ބުރާސްފަތި 16:34ނަރުސްކަން ކިޔަވާ ދަަރިވަރުންގެ އިމްތިހާނު ފަސް ކުރުމަށް އެމްއެންޔޫއިން ވަނީ ނިންމާފައި
އެމްއެންޔޫ ގަން ކެމްޕަހުގައި ނަރުސްކަން ކިޔަވާ ދަރިވަރުންގެ އިތުރުން ސްޓާފުން
ލ. ގަމު ކެމްޕަހުގައި ނަރުސްކަން ކިޔަވާ ދަރިވަރުންވެސް ގަމު ރީޖަނަލް ހޮސްޕިޓަލުގައި ހިލޭ ސާބަހަށް ޚިދުމަތް ކުރުމަށް ނުކުމެއްޖެއެވެ.
ގަމުގައި ކޮވިޑްގެ ހާލަތު ގޯސްވެ ސިއްހީ ޚިދުމަތްތެރިންގެ ބޭނުން ޖެހިގެން ހިލޭ ސާބަހަށް ޚިދުމަތް ކުރާ މީހުން ހޯދުމަށް އެ ރަށު ހޮސްޕިޓަލުން ވަނީ އެދިފައެވެ. މި އެދުމުގެ މަތިން ގަމު އެމްއެންޔޫ ކެމްޕަހުގެ ނަރުސްކަން ކިޔަވާ ދަރިވަރުން ވަނީ އެ ޚިދުމަތަށް ނުކުމެފައެވެ.
އެމްއެންޔޫ ގަމު ކެމްޕަހުން ބުނީ ގައުމީ ޚިދުމަތަށް ނުކުމެފައި ވަނީ އެ ކެމްޕަހުގައި ޑިޕްލޮމާއަށް ކިޔަވަމުން ގެންދާ ދަރިވަރުން ކަމަށާއި، އެމްއެންޔޫ އަދި ގަމު ކެމްޕަހުގެ ދަރިވަރުންތިބީ ގައުމީ ޚިދުމަތުގައި ސާބިތުކަމާއިއެކުގައި ކަމަށެވެ. އަދި ގަމު ކެމްޕަހުގެ ދަރިވަރުންގެ އިތުރުން ގަމު ކެމްޕަހުގެ ސްޓާފުންވެސް އަންނަނީ ގައުމީ ޚިދުމަތެއް ކަމުގައި މިކަން ދަނެގެން ގަމު ރީޖަނަލް ހޮސްޕިޓަލުގެ މަސައްކަތަށް ނުކުމެފައި ކަމަށް އެމްއެންޔޫއިން ބުނެއެވެ.
ގަމު ކެމްޕަހުގެ ދަރިވަރުން އެރަށު ރީޖަނަލް ހޮސްޕިޓަލުގެ މަސައްކަތައް ނުކުމެފައިވާއިރު، އެމްއެންޔޫ މާލޭ ކެމްޕަހުގެ ދަރިވަރުން ވަނީ ހުޅުމާލޭ ފެސިލިޓީގެ މަސައްކަތަށް ނުކުމެފައެވެ. ދާދިފަހުން އެމްއެންޔޫއިން ވަނީ ނާސިންގ ދަރިވަރުންގެ އިމްތިހާނު ފަސްކުރުމަށް ވެސް ނިންމައިފައެވެ.
