ކޮވިޑް-19: އެންމެ ފަހުގެ

ކޮވިޑް-19 އާއި ގުޅިގެން އިއުލާނުކޮށްފައިވާ ޞިއްޙީ ކުއްލި ނުރައްކަލުގެ ޙާލަތުގައި، ކޮލެޖް އަދި ޔުނިވަރސިޓީތައް ބަންދުކުރުމުގެ މުއްދަތު އިތުރުކުރުމަށް ސަރުކާރުން ނިންމާފައިވާތީ، އޮންލައިންކޮށް ކިޔަވައި ދިނުމުގައި ދަރިވަރުންނަށް އިންޓަރނެޓްގެ ޚިދުމަތް ފޯރުކޮށްދިނުމަށް އެހީތެރިވުމުގެ ގޮތުން ދަރިވަރުން މޮބައިލް ފޯނުގެ ޚިދުމަތް ހޯދާ ފަރާތުގެ(ދިރާގު/އޫރީދޫ) މަޢުލޫމާތު އެއްކުރުމުގެ ސާރވޭ ފޯމު ހުރިހާ ދަރިވަރުންވެސް ފުރުމަށް އިލްތިމާސްކޮށްފިއެވެ.

bit.ly/MobileData-IUM

ކޮވިޑް-19 ގައި މަރުވި މީހުންގެ އަދަދު 90،000 އަށްވުރެ މައްޗަށް އަރައިފި އެވެ.

އެންމެފަހުގެ ހިސާބުތައް ދައްކާގޮތުން ކޮވިޑް-19 ގައި މަރުވި މީހުންގެ އަދަދު 91,830 އަށް ވަނީ އަރާފަ އެވެ. އަދި ޖުމްލަ 1,555,019 މީހަކު ވައިރަހަށް ޕޮޒިޓިވްވެފައިވާއިރު، 345,834 މީހަކު ވަނީ ބަލިން ރަނގަޅުވެފަ އެވެ.

މިވަގުތުގެ އެކްޓިވް ކޭސްތަކުގެ ޖުމްލައަކީ 1,117,355 އެވެ. އަދި އޭގެތެރެއިން 48,510 މީހުންނަށް ކްރިޓިކަލް ހާލަތުގައި ފަރުވާދެމުން އަންނަކަމަށް ހިސާބުތައް ދައްކަ އެވެ.

ހިސާބުތައް ދައްކާގޮތުން މިވަގުތު ވައިރަހަށް އެންމެ ގިނަ މީހުން ޕޮޒިޓިވްވެފަިއވަނީ އެމެރިކާގަ އެވެ. އެ ޤައުމުގައި ޖުމްލަ 440,735 ޕޮޒިޓިވްވެފައިވާއިރު، 15,826 މީހުން ވަނީ މަރުވެފަ އެވެ. އަދި ފާއިތުވި 24 ގަޑިއިރުގައި 5,808 އިތުރު ކޭސްއެއް ފެނިފައިވެއެވެ.

ދަރުބާރުގޭގައި ބާއްވަމުން އަންނަ ނޫސްވެރިންގެ ބައްދަލުވުމުގައި ޑރ. އަލީ ލަތީފް ވިދާޅުވީ ކާފިއުގެ ވަގުތު ހަމަވުމުން ގިނަ ބަޔަކު ރަށުތެރެޔަށް ނިކުމެ އުޅުނު މަންޒަރު ފެނުނު ކަމަށެވެ. އަދި އެހީ ވަރަށް ދެރަކަމެއްކަން ފާހަގަކުރައްވާ ޑރ. އަލީ ލަތީފް ވިދާޅުވީ އެކަމުގެ ސަބަބުން ކާފިއުގެ ބޭނުން ކެނޑޭކަމަށެވެ. އަދި ކާފިއުގެ ވަގުތު ޤައުމުތަކުން އިތުރުކުރިނަމަވެސް، ރާއްޖެގެ ހާލަތަށް ބަލާއިރު ކޮމިއުނިޓީ ސްޕްރެޑްއެއް ނެތުމަކީ އުފާކުރަންޖެހޭ ކަމެއް ކަމަށް ޑރ. އަލީ ލަތީފް ވިދާޅުވި އެވެ.

ޑރ. ވިދާޅުވީ ކާފިއު އުވާލިނަމަވެސް މަގުތަކަށް ނުނިކުތުމަށް އިލްތިމާސްކުރާކަމަށެވެ. އަދި މިއީ ސީރިއަސްކަމެއްގެ ގޮތުގައި ނެގުމަށް ޑރ. އެދިވަޑއިގެންނެވި އެވެ.

ދަރުބާރު ގޭގައި ބައްވަމުން އަންނަ ނޫސްވެރިންގެ ބައްދަލުވުމުގައި ނޫސްވެރިޔަކު ކުރި ސުވާލަކަށް ޖަވާބުދެއްވަމުން މިނިސްޓަރ އަމީން ވިދާޅުވީ ކާފިއު އުވާލުމަށް ނިންމީ މަޝްވަރާތައް ކުރުމަށްފަހު އެ ލުއި ދިނުމަށް ފެނުމުން ކަމަށެވެ. އަދި އެގޮތަށް ނިންމުމުގައި މިވަގުތު ހާލަތަށް ރިޔާއަތްކޮށްފައިވާނެކަމަށް މިނިސްޓަރ ވިދާޅުވި އެވެ. މިނިސްޓަރ ވަނީ ކާފިއު ކުރިއަސްގެންދިޔައިރު ރައްޔިތުންގެ ފަރާތުން ލިބުނު އެއްބާރުލުމަށް ޝުކުރު އަދާކޮށްފަ އެވެ.

ދަރުބާރު ގޭގައި ބާއްވަމުން އަންނަ ނޫސްވެރިންގެ ބައްދަލުވުމުގައި އެޑިއުކޭޝަން މިނިސްޓަރ ޑރ. އާއިޝަތު އަލީ ވިދާޅުވީ ކޮވިޑް-19 އާއި ގުޅިގެން އެމެޖެންސީ ހާލަތުގައި އަމަލުކުރާނެ ގޮތުގެ ޕްލެންތައް އެކުލަވާލާފައިވާކަމަށެވެ. އަދި އެކި ލެވަލްތަކުގައި އަމަލުކުރާނެ ގޮތްތައް ވަކިވަކިން އެކުލަވާލާފައިވާކަމަށާއި، ދަރިވަރުންނަށް ކްލާސްތައް ނަގައިދިނުމުގައި ދުނިޔޭގެ އެހެން ޤައުމުތަކުން އަމަލުކުރަމުން އަންނަ ގޮތްތައް ބަލައި ދިރާސާކޮށްފައިވާކަމަށެވެ.

މިނިސްޓަރ ވިދާޅުވީ ޓެލަކްލާސްތަކުގެ އިތުރުން ގޫގުލް ކްލާ މެދުވެރިކޮށް ދަރިވަރުންނާއި މުއާމަލާތްކޮށްގެން ކްލާސްތައް ނަގައިދެމުން އަންނަ ކަމަށެވެ. އަދި އިންޓަނެޓް އަދި ޓީވީ ނުލިބޭ ފަރާތްތައްވެސް ދެނެގެނެ، އެ ކުދިންނަށް ތައުލީމް ފޯރުކޮށްދެވޭނެ އިންތިޒާމްތައްވެސް ހަމަޖައްސާފައިވާކަމަށް މިނިސްޓަރ ވިދާޅުވި އެވެ.

ދަރުބާރުގޭގައި ބާއްވަމުން އަންނަ ނޫސްވެރިންގެ ބައްދަލުވުމުގައި މިނިސްޓަރ އަބްދުﷲ އަމީން ވިދާޅުވީ ރާއްޖެއިން ޕޮޒިޓިވް ކޭސްތަކެއް ނުފެންނަތާ ދުވަސްކޮޅެއްވުމަކީ ނުވަތަ ޝައްކުކުރެވޭ މީހުންގެ އަދަދު މަދުވުމަކީ ކަން ފަސޭހަކޮށްލަންވީ ވަގުތު ނޫން ކަމަށެވެ. އަދިވެސް ވަރަށް ގިނަ ކަންތައްތަކެއް ކުރަން ހުރިކަން ފާހަގަކޮށް، މިނިސްޓަރ ވިދާޅުވީ ރިސޯޓުތަކުންވެސް ތެދު މައުލޫމާތު ހިއްސާކުރުމަށް އެދޭކަމަށެވެ. އަދި ބަޔެއްފަހަރު ހުމާއި ރޯގާގެ ކޭސްތައް ފެނުމުން ކަން ފަސޭހަކޮށްލާ ނުވަތަ މައުލޫމާތު ހިއްސާކުރުމަށް ޖެހިލުންވާ ވަގުތު އަންނަ ކަމަށެވެ. މިނިސްޓަރ ވަނީ އެކަން އެގޮތަށް ނުކުރުމަށް ތަކުރާރުކޮށް އެދިވަޑައިގެންފަ އެވެ.

ކޮވިޑް-19 އާއި ގުޅިގެން ބަހްރައިންގައި ތާށިވި ސައުދީޢަރަބިއްޔާގެ ރައްޔިތުންގެ ތެރެއިން 196 މީހުން މިއަދު ސައުދީއަށް ގެންގޮސްފިއެވެ.

ބޮލީވުޑްގެ އެކްޓަރ ސޯނޫ ސުއޫދުގެ ހޮޓެލް ޞިއްޙީ މަސައްކަތްތެރިންނަށް ހުޅުވާލައިފިއެވެ.

ކޮރޯނާވައިރަސް (ކޮވިޑް-19) އަށް ޕޮޒިޓިވްވި އޭސީ މިލާނުގެ ކުރީގެ ކެޕްޓަން ޕައޮލޯ މަލްޑިނީ އާއި އޭނާގެ ދަރިފުޅު އުމުރުން 18 އަހަރުގެ ޑެނިއަލް މަލްޑިނީ ރަނގަޅުވެއްޖެ އެވެ.

ދެބަފައިން މި ވައިރަހުން ރަނގަޅުބެފައިވާ ކަމަށް އިޓަލީގެ ނޫސްތަކުން ވަނީ ރިޕޯޓުކޮށްފައެވެ. އޭސީ މިލާނުގެ ޓެކްނިކަލް ޑިރެކްޓަރު ޕައުލޯ މަލްޑިނީ އާއި އެޓީމުގެ މިޑްފީލްޑަރު ޑެނިއަލް މަލްޑިނީ ވައިރަހަށް ޕޮޒިޓިވްވީ މިދިޔަ މާޗު މަހުގެ 21 ވަނަ ދުވަހު އެވެ. ރިޕޯޓުތައް ބުނާ ގޮތުން މި ވައިރަހުގެ ސަބަބުން ދެބަފައިންގެ ތެރެއިން އެންމެ ބޮޑަށް އަސަރުކުރީ ޑެނިއަލް އަށެވެ.

ކޮވިޑް-19 އަށް ޕޮޒިޓިވްވި ބިދޭސިއަކާއި ޑައިރެކްޓް ކޮންޓެކްވި ދިވެއްސެއްގެ ސާމްޕަލް ނަގުމުގެ މަސައްކަތް ކުރަމުންދާކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.

ވީޑިއޯ ކޮންފަރަންސް މެދުވެރިކޮށް ޝަރީޢަތް ކުރުމުގެ ނިޒާމަކީ ޢަދުލުގެ ނިޒާމަށް ލިބުނު ވަރަށް ބޮޑު ކުރިއެރުމެއްކަމަށް ޕްރޮސެކިއުޓަރ ޖެނެރަލް (ޕީޖީ) ހުސައިން ޝަމީމު ވިދާޅުވެއްޖެ އެވެ.

މިހާރު ދުނިޔޭގައި ހަލުވިކަމާއެކު ފެތުރެމުންދާ ނޮވެލް ކޮރޯނާވައިރަސް(ކޮވިޑް-19)ގެ ބަލިމަޑުކަމާއި ކުރިމަތިލުމަށް މެންބަރު ޤައުމުތައް ގުޅިގެން ފިޔަވަޅު އެޅުމަށް އޯގައިނައިޒޭޝަން އޮފް އިސްލާމިކް ކޮންފަރެންސް(އޯއައިސީ) ގެ ސެކްރެޓަރީ ޖެނެރަލް ޑރ. ޔޫސުފް އަލް އުޘައިމީން ގޮވާލައްވައިފިއެވެ.

އަންނަ ހަފުތާގައިވެސް ތަޢުލީމު ފޯރުކޮށްދޭ އެންމެހާ ތަންތަން ބަންދު ކުރުމަށް ސަރުކާރުން ނިންމައިފިއެވެ.

ކޮވިޑް-19 އެންމެ ފުރަތަމަ ފެނުނު ޗައިނާގެ ވުހާން ސިޓީ ލޮކްޑައުން ކޮށްފައި އޮތްއޮތުން އޭޕްރީލް މަހުގެ 8 ވަނަ ދުވަހު ނިމުމަކަށް ގެނައުމާއެކު އެދުވަހު އެކަނިވެސް އެގައުމުގެ 620،000 ށް ވުރެ ގިނަ މީހުން އެއް ތަނުން އަނެއްތަނަށް ދަތުރުކޮށްފައިވާކަމަށް އެސިޓީގެ ޓްރާންސްޕޯޓް ޑިޕާޓްމަންޓުން ބުނެފި އެވެ.

މާލެސިޓީގައި އިއުލާނުކުރި ކާފިއުގެ އަމުރު އުވާލައިފިއެވެ.

ބުރާސްފަތި ދުވަހު ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ނެރުނު ބަޔާނެއްގައި ބުނީ، އޭޕްރީލް މަހުގެ 9 ވަނަ ދުވަހުން ފެށިގެން ކާފިއު އުވާލާފައިވާ ކަމަށެވެ.

އާންމު ސިއްހަތު ރައްކާތެރިކުރުމުގެ ގާނޫނުގެ ދަށުން ރާއްޖޭގައި ފުރަތަމަ ފަހަރަށް އިއުލާންކޮށްފައިވާ ސިއްހީ ކުއްލި ނުރައްކަލުގެ ހާލަތު ދިގު ކުރުމާ މެދު މިއަދު ގޮތެއް ނިންމާނެކަމަށް ނޭޝަނަލް އެމަޖެންސީ އޮޕަރޭޝަން ސެންޓަރުން ބުނެފިއެވެ.

ރާއްޖޭގެ މިނިސްޓަރ އޮފް ފޮރިން އެފެއަރޒް ޢަބްދުﷲ ޝާހިދު، ޖަޕާނުގެ ސްޓޭޓް މިނިސްޓަރ ފޮރ ފޮރިން އެފެއަރޒް ކެންޖީ ވަކާމިޔާއާއި މަޝްވަރާ ކުރައްވައިފިއެވެ. މިމަޝްވަރާއަށް ފަހު ފޮރިން މިނިސްޓަރ ޝާހިރު ކުރެއްވި ޓްވީޓެއްގައި ވިދާޅުވެފައިވަނީ، ކާމިޔާބު މަޝްވަރާއެއް ކެންޖީއާއެކު ކުރެއްވުނު ކަމަށެވެ. އަދި ކޮވިޑް-19 ފެތުުރިފައިވާ ނާޒުކު ޤައުމުތަކަށް އެހީތެރިވުމަށް ދުނިޔޭގެ ފެންވަރުގައި ކުރަމުންދާ މަސައްކަތުގައި ޖަޕާނުން އަދާކުރަމުންދާ މުހިންމު ދައުރު ރާއްޖެއިން ބަލައިގަންނަކަމަށް ވިދާޅުވެފައިއެވެ.

ކޮވިޑް-19 އާއި ގުޅިގެން އަންނަ ހަފuތާވެސް ސަރުކާރުން ބަންދުކުރަން ނިންމާފައިވާތީ އެސްއެމްއީ ޑިވެލޮޕްމެންޓް ފައިނޭންސް ކޯޕަރޭޝަންގެ ޚިދުމަތް އަންނަ ހަފުތާގައި ލިބޭނީ ހޯމަ، އަންގާރަ އަދި ބުރާސްފަތި ދުވަހުކަމަށް އެ ބޭންކުން ބުނެފިއެވެ.

ކޮރޯނާވައިރަސް (ކޮވިޑް-19) ގެ ސަބަބުން ދިމާވާނެ މާލީ ދަތިތަކުން އަރައިގަތުމަށް، ކުޅުންތެރިންގެ މުސާރަ ކުޑަކުން އިނގިރޭސި ޕްރިމިއާ ލީގުގައި ވާދަކުރަމުން އަންނަ ސައުތެމްޓަނުން ނިންމައިފި އެވެ.

ކުޅުންތެރިންގެ މުސާރަ ކުޑަކުރަން ސައުތެމްޓަނުން ނިންމިއިރު، މިއީ ޕްރިމިއާ ލީގުގެ ކްލަބަކުން ކުޅުންތެރިންގެ މުސާރަ ކުޑަކުރި ފުރަތަމަ ފަހަރެވެ.

އިންޑިއާގެ ޓެމިންނާޑޫގެ ހޮސްޕިޓަލަކުން އޮޅިގެން ކޮވިޑް-19 ޖެހިފައިވާ 4 މީހަކު ދޫކޮށްލައިފިއެވެ.

އެމެރިކާގެ ރައްޔިތެއްކަމަށްވާ ކޮމްޕިއުޓަރ ޕްރޮގްރާމަރ އަދި މަޝްހޫރު ސޯޝަލް ނެޓްވަރކް ޓްވިޓަރގެ ފައުންޑަރ އަދި ސީއީއޯ ޖެކް ޕެޓްރިކް ޑޯސީ އޭނާގެ މާލިއްޔާއިން 1 ބިލިއަން ޑޮލަރު ކޮވިޑް-19 ރިލީފް ފަންޑަށް ހަދިޔާ ކުރައްވައިފިއެވެ.

ކޮވިޑް-19 އާއި ގުޅިގެން އަންނަ ހަފުތާވެސް ސަރުކާރު ބަންދުކޮށްފައިވާތީ މިދުވަސްތަކުގައި މޯލްޑިވްސް މަނިޓަރީ އޮތޯރިޓީ (އެމްއެމްއޭ) އާއި ބޭންކުތައް ހުޅުވާފައި ހުންނާނީ އަންނަ ހަފުތާގެ ހޯމަ، އަންގާރަ އަދި ބުރާސްފަތި ދުވަހު ކަމަށް އެމްއެމްއޭއިން ބުނެފިއެވެ.

ކޮވިޑް-19 އާއި ގުޅިގެން ޓްރިވެންޑްރަމް އާއި ކޮޗިންގައި ދިރިއުޅޭ ދިވެހިންގެ ގިނަ އަދަދެއްގެ ބަޔަކަށް ޒަރޫރީ ބޭނުންތަކަށް ބޭނުންވާ ބައެއް ތަކެތި ހޯދުމަށް ދަތިތަކެއް ކުރިމަތިވެފައިވާތީ، މިފަދަ ފަރާތްތަކަށް ސަރުކާރުން އެހީތެރިކަން ފޯރުކޮށްދިނުމުގެ ގޮތުން 11 އޭޕްރީލް ގައި ޓްރިވެންޑްރަމް އަށް ދަތުރުކުރާ ފްލައިޓުން އެތާނގައި ދިރިއުޅޭ ދިވެހިންނަށް ތަކެތި ފޮނުވުމަށް ބޭނުންވާ ފަރާތްތަކަށް ފޯމު ހުށަހެޅުމުގެ ފުރުޞަތު ހުޅުވާލައިފިއެވެ.

ކޮވިޑް-19 އާއި ގުޅިގެން ސައުދީޢަރަބިއްޔާއިން ބޭރުނުވެވި ތިބި ބިދޭސީ މަސައްކަތްތެރިންނަށް، ހިލޭ 3 މަސްދުވަހަށް ވިސާ އިތުރުކޮށްދިނުމަށް ސައުދީ ރަސްގެފާނު ސަލްމާން އަބްދުލް ޢަޒީޒު އަމުރުކުރައްވައިފިއެވެ.

އެމެރިކާގައި އެއް ދުވަހާއި 33،000 ށް ވުރެ ގިނަ މީހުންނަށް ވައިރަސް ޖެހިފައިވާކަމަށް އެގައުމުން ބުނެފި އެވެ. ބުދަ ދުވަހު އެގައުމުން 33,323މީހުންނަށް ވައިރަސް ޖެހިފައިވާއިރު ބުދަ ދުވަހު ވައިރަސް ޖެހިގެން 1,922 މީހުން ވަނީ އެގައުމުން މަރުވެފަ އެވެ. އެއާއެކު އެގައުމުން ވައިރަސް ޖެހިގެން މަރުވި މީހުންގެ އަދަދު ވަނީ 14,817 އަށް އަރާފަ އެވެ. އެމެރިކާގެ ހުރިހާ ސްޓޭޓްތަކަކުން ވަނީ ވައިރަސް ޖެހިފައިވާ މީހުން ފެނިފަ އެވެ.

އެމެރިކާގެ ނިއުޔޯކުގައި ކޮވިޑް-19 ޖެހިގެން މަރުވީ މީހުންގެ ޝަރަފުގައި ދިދަ ބައިދަނޑިއަށް ތިރިކޮށްފިއެވެ.

ނިއުޔޯކްގެ ގަވަރުނަރު އެންޑްރީ ކުއޯމޯ ވިދާޅުވެފައިވަނީ، ބުދަ ދުވަހަކީ އެ ސިޓީގައި އެންމެ ގިނަ މީހުން ކޮވިޑް-19 ގައި މަރުވި ދުވަސްކަމަށެވެ. ވައިރަސް ފެތުރެމުންދާ ޒާތައް ބަލާއިރު، އޭގެ ޝިކާރައަކަށް އެންމެ ގިނައިން ވަމުންދަނީ ނާޒުކު ޙާލަތްތަކުގައި ދިރިއުޅެމުންދާ މީހުންކަމަށާއި، އަދި މުޖުތަމަޢުގެ ޒިންމާއަކީ މިފަދަ މީހުން މި ނުރައްކާތެރި ވަބާއިން ސަލާމަތްކުރުން ކަމުގައި ގަވަރުނަރު ވިދާޅުވެފައިވެއެވެ.

އެމެރިކާގެ ހުރިހައި ސްޓޭޓަކަށް މިހާރު މިވައިރަސް ފެތުރެމުންދާއިރު، ވައިރަސްގެ އެންމެ ނުރައްކާ ބޮޑީވެސް އަދި އެންމެ ހަލުވިމިނެއްގައި ފެތުރެމުންދަނީވެސް ނިއުޔޯކުގައެވެ.

ކޮރޯނާވައިރަސް (ކޮވިޑް-19) ގެ ސަބަބުން ދިމާވާނެ މާލީ ދަތިތަކުން އަރައިގަތުމަށް، މުސާރަ ކުޑަކުރަން ރެއާލް މެޑްރިޑްގެ ކުޅުންތެރިންނާއި އޮފިޝަލުން ނިންމައިފި އެވެ.

މާލީ ގޮންޖެހުންތަކުން އަރައިގަތުމަށް ރެއާލްގެ ކުޅުންތެރިންނާއި ކޯޗުގެ އިތުރުން އޮފިޝަލުންގެ މުސާރައިން 10-20 އިންސައްތަ ކުޑަކުރަން ވަނީ ނިންމާފައެވެ. ރެއާލުން ބުނީ މިގޮތަށް ނިންމީ ކްލަބުގެ އެހެން މުވައްޒަފުންނަށް ބަރާބަރަށް މުސާރަ ދިނުމަށްޓަކައި ކަމަށެވެ.

ޗައިނާގައި ކޮވިޑް-19 ގެ ކޭސްތައް ރިޕޯޓުކުރެވޭ މިންވަރު އަނެއްކާވެސް އިތުރުވާން ފަށާފައިވާކަމަށް އެޤައުމުގެ ނެޝަނަލް ހެލްތު ކޮމިޝަނުން ބުނެފިއެވެ.

މުޅި ދުނިޔެއިން ކޮވިޑް-19 ޖެހުނު މީހުންގެ ޢަދަދު 1.5 މިލިއަނަށްވުރެ މައްޗަށް އަރައިފިއެވެ.

ކޮރޯނާވައިރަސް (ކޮވިޑް-19) އާ ގުޅިގެން އިނގިރޭސިވިލާތުން ކަނޑައަޅާފައިވާ ގަވާއިދުތަކާ ޚިލާފަށް އަމުލުކުރެވުމުން، ޓޮޓެންހަމް ހޮޓްސްޕާސްގެ ކޯޗު ހޯސޭ މޮރީނިއޯ މާފަށް އެދިއްޖެ އެވެ.

ކޮވިޑް-19 ގެ ސަބަބުން އިންގްލެންޑް ވަނީ ލޮކްޑައުން ކޮށްފައެވެ. އެކަމަކު ޓޮޓެންހަމްގެ ކުޅުންތެރިން ކަސްރަތުކުރުމަށް ނުކުމެ އުޅޭއިރު، ސޯޝަލް ޑިސްޓެންސިންގެ ގަވާއިދުތަކާ ޚިލާފަށް ގައިގޯޅުވެ އުޅެމުންދާ ކަމަށް ވަނީ ރިޕޯޓުކޮށްފައެވެ. އެގޮތުން އެޓީމުގެ ކޯޗު ހޯސޭ މޮރީނިއޯ އާއި މިޑްފީލްޑަރު ޓަންގުއީ އެންޑޮމްބެލޭ އަދި ހޭޑްލީ ކޮމޮން އެކުގައި ބޭރުގައި ކަސްރަތު ކުރަން އުޅުނުއިރު، ސޯޝަލް ޑިސްޓެންސިންގެ ގަވާއިދުތަކާ ޚިލާފަށް އަމަލުކޮށްފައިވާ ކަމަށް ވަނީ ރިޕޯޓުކޮށްފައެވެ.

ޓީބީ ބަލިން ދިފާއުވުމަށް ދެމުން އަންނަ ބީސީޖީ ވެކްސިނުން ކޮވިޑް-19 ބަލިން ދިފާއު ވުމުގެ ފަރުވާ ހޯދިދާނެ ކަމުގެ އުއްމީދު ބޮޑު ކަން ޖޯންސް ހޮޕްކިންސް ބްލޫމްބާގް ސްކޫލް އޮފް ޕަބްލިކް ހެލްތުގެ ސައިންސްވެރިން ގެ ދިރާސާ އަކުން ހާމަވެއްޖެއެވެ.

މިހާރު ހިނގަމުންދާ ކައުންސިލްތަކަށް އަންނަ ޤާނޫނީ ހުސްކަން ފިލުވުމަށް ހެންވޭރު ހުޅަނގު ދާއިރާގެ އެމްޑީޕީ މެންބަރ ޙަސަން ލަޠީފު ހުށަހެޅުއްވި ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުން ކަށަވަރުކުރުމުގެ ޚާއްޞަ ބިލު ޤާނޫނީ އަސާސީގެ ރޫޙާ ޚިލާފުނޫންކަމަށް ބިލު ހުށަހެޅުއްވި މެންބަރ ވިދާޅުވެއްޖެއެވެ.

ކޮރޯނާވައިރަސް (ކޮވިޑް-19) އާ ދެކޮޅަށް އިނގިރޭސިވިލާތުގައި މަސައްކަތް ކުރާ ނެޝަނަލް ހެލްތު ސާވިސަސް އަށް އެހީވުމުގެ ގޮތުން އިނގިރޭސި ޕްރިމިއާ ލީގުގެ ކުޅުންތެރިން ހާއްސަ ކެމްޕޭނެއް ފަށައިފި އެވެ.

"ކުޅުންތެރިން އެކުގައި" މި ނަމުގައި ފެށި މި ކޭމްޕޭން މެދުވެރިކޮށް ނެޝަނަލް ހެލްތު ސާވިސަސް އަށް ފަންޑު ހޯދުމަށް ޕްރިމިއާ ލީގުގެ ކުޅުންތެރިން މަސައްކަތް ކުރާނެ އެވެ. އަދި މި ކެމްޕޭން ކުރިއަށް ގެންދަނީ ނެޝަނަލް ހެލްތު ސާވިސަސް ޗެރިޓީސް ޓުގެދާ އާ ގުޅިގެންނެވެ.

ސައުދީއަރަބިއްޔާއާއި ޔޫއޭއީގެ ގުޅިފައިވާ ލަޝްކަރުން ޔަމަނަށް ދޭ ޙަމަލާތައް މެދުކަނޑާލަން ނިންމައިފިއެވެ.

މިހާރު ދުނިޔޭގައި ފެތުރެމުންދާ ކޮވިޑް-19 ރޯގާއާ ގުޅިގެން އެންމެ ކުދި، ކުދި، އަދި މެދު ފަންތީގެ ވިޔަފާރިތަކަށާއި، ޢާމްދަނީ ހޯދުމަށް އަމިއްލަ މަސައްކަތްކުރާ ފަރާތްތަކަށް ދިމާވެފައިވާ މާލީ ދަތިތަކުން އަރައި ގަތުމަށް އިތުރު ފުރުޞަތުތަކެއް ފަހިކޮށްދިނުމަށްޓަކައި، ސަރުކާރުގެ އިޤުތިޞާދީ ރިކަވަރީ ޕެކޭޖްގެ ދަށުން 'ކޮވިޑް-19 ވިޔަފާރި އެހީ' ގެ ނަމުގައި މިނިސްޓްރީ އޮފް ފިނޭންސް އާއި ގުޅިގެން ލޯނެއް ތަޢާރަފުކޮށްފިއެވެ.

ކޮވިޑް-19 ސިޔާސީ ހަތިޔާރަކަށް ބޭނުން ނުކުރުމަށް ދުނިޔޭގެ ޞިއްޙަތު ޖަމްޢިއްޔާ (ޑަބްލިއުއެޗްއޯ)ގެ ޑިރެކްޓަރ ޖެނެރަލް ޓެޑްރޯސް އެދެެނޯމް ގެބްރިއޭސަސް ވިދާޅުވެއްޖެއެވެ.

ކޮވިޑް-19އަށް ޝައްކުވެގެން ޓެސްޓު ކުރާ މީހުން ބާކީކޮށް، ތަފާތުކުރުންތައް ގެންގުޅޭ ކަމަށާއި، އެގޮތަށް އެކަން ނުކުރުމަށް އައިޖީއެމްއެޗްގެ އެތެރެހަށީގެ ޑރ. މޫސާ މުރާދު އިލްތިމާސް ކުރައްވައިފިއެވެ.

މިހާރު ފެތުރެމުންދާ ކޮވިޑް-19 އާއި ގުޅިގެން ދުބާއީގައި ކައިވެނި ކޮށްދިނުމާއި ވަރިކޮށްދިނުން މުއްދަތެއް ނެތް ގޮތަށް މަޑުޖައްސާލައިފިއެވެ.

ކޮވިޑް-19 އިން ރައްކާތެރިވުމުގެ ގޮތުން ކާފިއު އިޢުލާނުކޮށްފައިވާ ގަޑީގައި ބުދަ ދުވަހު ބޭރަށް ނިކުމެ އުޅުނު 215 މީހަކަށް ނަޞޭހަތް ދީފައިވާކަމަށް ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

ހުޅުމާލޭ މެޑިކަލް ފެސިލިޓީގެ ނަމުގައި އިތުރު ކަރަންޓީން ފެސިލިޓީއެއް ޤާއިމު ކުރުމުގެ މަސައްކަތް ކުރަމުންދާކަމަށް ކޮވިޑް-19 ޓާސްކްފޯހުގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.