ކޮވިޑް-19: އެންމެ ފަހުގެ

އެންމެ ފަހުގެ ޑޭޓާތައް ދައްކާގޮތުން މިއަދު އެކަނިވެސް ސްޕެއިނުން 2,442 މީހުން ކޮވިޑް-19 އަށް ޕޮޒިޓިވްވިއެވެ. އަދި 300 މީހުން ފަރުވދެމުން ދަނިކޮށް މަރުވެފައިވެއެވެ.

މިއާއެކު، ސްޕެއިންގައި ވައިރަސްއަށް ޕޮޒިޓިވްވީ މީހުންގެ ޖުމުލަ އަަދަދަކީ 172,541އެވެ. އަދި މަރުވި މީހުންގެ އަދަދު ވަނީ 18,056 އަށް އަރާފައެވެ.

ޔޫރަޕުގެ ޤައުމުތަކުގެ ތެރެއިން ވައިރަސްގެ ނުރައްކާ އެންމެ ބޮޑީވެސް ސްޕެއިންގައެވެ.

ކޮވިޑް-19 އާ ގުޅިގެން އިންޑިޔާގެ ބެންގަލޫރާއި, ކޮޗިންގައި ރާއްޖެއަށް ނާދެވިފައި ތިބި 159 ދިވެހިން ރާއްޖެ ގެނެސްފިއެވެ.

ޢަރަބި ޤަލްފުގެ ޤައުމުތަކުން މިހާތަނަށް 15،000އަށް ވުރެ ގިނަ މީހުން ނޮވެލް ކޮރޯނާވައިރަސްއަށް ޕޮޒިޓިވްވެފައިވާކަމަށް ގަލްފުގެ މީޑިއާތަކުން ރިޕޯޓުކޮށްފިއެވެ.

ކޮވިޑް-19 ރާއްޖޭގައި ފެތުރުނަ ނުދިނުމަށް ރާއްޖޭގައި އަޅާފައިވާ ރައްކާތެރިކަމުގެ ފިޔަވަޅުތަކާއެކުވެސް، ރައްޔިތުންގެ މަޖިލީހުގެ މަސައްކަތްތައް ކުރިއަށް ގެންދަންޖެހޭ ކަމަށާއި، އަޅާފައިވާ ފިޔަވަޅުތަކަކީ، މަޖިލީހުގެ މަސައްކަތްތައް މަޑު ޖައްސާލައިގެން ތިބުމުގެ އުޒުރެއް ނޫންކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.

ކޮރޯނާވައިރަސް (ކޮވިޑް-19) ގެ ސަބަބުން ރާއްޖޭގެ ކްލަބުތަކަށް ދިމާވާނެ މާލީ ގޮންޖެހުންތަކުން އަރައިގަތުމަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ކްލަބުތަކާއެކު މަޝްވަރާކުރަން ފަށައިފި އެވެ.

ކޮވިޑް-19 ގެ އަސަރު ރާއްޖެއަށްވެސް ކޮށްފައިވާއިރު، މީގެ ކުރިން އެފްއޭއެމުން ވަނީ 2019/2020 ވަނަ އަހަރުގެ ފުޓްބޯޅަ ސީޒަންގެ ބާކީބައި ކެންސަލް ކުރަން ނިންމާފައެވެ.

ކޮވިޑް-19ގެ މިޙާލަތުގައި މިއަހަރު އިތުރު ސްޓޫޑަންޓް ލޯނު ސްކީމެއް ހުޅުވާލާފިނަމަ، އެއީ ޒިންމާދާރު ކުޑަ ޢަމަލެއް ކަމަށް ދެކިވަޑައިގަންނަވާ ކަމަށް ހަޔަރ އެޑިއުކޭޝަން މިނިސްޓަރު ޑރ. އިބްރާހީމް ޙަސަން ވިދާޅުވެއްޖެއެވެ.

ދުނިޔޭގެ އެންމެ ބާރުބޮޑު ވައިގެ ބަނދަރުތަކުގެ ތެރޭގައި ހިމެނޭ، އިނގިރޭސިވިލާތުގެ ލަންޑަން ހީތްރޯ އެއަރޕޯޓަށް އަންނަ ދަތުރުވެރިންގެ ޢަދަދު އެޕްރީލް މަހުގެތެރޭގައި 90 އިންސައްތަ ދަށަށް ދާނެކަމަށް އަންދާޒާ ކޮށްފިއެވެ.

ކޮވިޑް-19 އާ ގުޅިގެން މާލީ އިދާރާތައް މެދުވެރިކޮށް ވިޔަފާރިވެރިންނަށް ސަރުކާރުން ފޯރުކޮށްދޭ އެހީގެ ކްރައިޓީރިއާ ލުއިކޮށްދިނުމަށް ނެޝަނަލް ބޯޓިންގ އެސޯސިއޭޝަން އޮފް މޯލްޑިވްސް (އެންބީއޭއެމް) އިން ގޮވާލައިފިއެވެ.

ކޮވިޑް-19 އާ ގުޅިގެން ސަރުކާރު ބަންދުކުރެވިފައިވާ ދުވަސްތަކުގައި ހައިކޯޓަށް ހުށަހެޅޭ މައްސަލަތައް ކުރިޔަށް ގެންދިޔުމުގައި އިދާރީ ގޮތުން ޢަމަލުކުރާނެ އުޞޫލުގެ 2 ވަނަ މާއްދާ އިޞްލާޙު ކޮށްފިއެވެ.

ކޮވިޑް-19 ފެތުރުން ކޮންޓްރޯލްކުރުމަށް ފްރާންސް ލޮކްޑައުންކޮށްފައި އޮތް މުއްދަތު މެއި މަހުގެ 11 އާ ހަމައަށް އިތުރުކޮށްފައިވާ ކަމަށް އެޤައުމުގެ ރައީސްފްރާންސްގެ ރައީސްއެމަނުއަލް މެކްރޮން ވިދާޅުވެއްޖެއެވެ.

ކޮވިޑް-19 އެންމެ ހަލުވި މިނުގައި ފެތުރެމުންދާ އެމެރިކާގައި ވައިރަސް ޖެހިގެން މަރުވީ މީހުންގެ ޢަދަދު 23،000 ށް ވުރެ މައްޗަށް އަރައިފިއެވެ.

ކޮވިޑް-19 ރޯގާއާއި ގުޅިގެން އިންޑިއާގައި އިޢުލާނުކޮށްފައިވާ ލޮކްޑައުންގެ މުއްދަތު އަނެއްކާވެސް އިތުރުކޮށްފިއެވެ.

ޔުނައިޓެޑް އަރަބް އެމިރޭޓްސްގައި ކޮވިޑް-19 ފެތުރެމުންދާތީ ސަލާމަތާއި ރައްކާތެރިކަމުގެ ފިޔަަވަޅެއްގެ ގޮތުން އޮންލައިން މެދުވެރިކޮށް ކައިވެނީގެ ކަންކަން ކުރުމުގެ އިންތިޒާމުތައް އެޤައުމުގެ ސަރުކާރުން ހަމަޖައްސައިދީފިއެވެ.

ސައުދީގެ ހޮސްޕިޓަލުތަކުގައި ޑޮކްޓަރުންދެއްވާ ބޭސް ސިޓީއަށް ބޭސް ހެލްތު މިނިސްޓްރީގެ ބެލުމުގެ ދަށުން އެޤައުމުގެ ރައްޔިތުންނަށާއި، އެޤައުމުގައި ދިރިއުޅޭ އެހެން ޤައުމުތަކުގެ ރައްޔިތުންނަށް ގެންގޮސްދޭގޮތައް ހަމަޖައްސައިފިއެވެ.

ކޮވިޑް-19 ގެ ދެ ވެކްސިންއެއް އިންސާނުންނަށް ޓެސްޓު ކުރުމުގެ ހުއްދަ ޗައިނާ ސަރުކާރުން ދޭން ނިންމައިފި އެވެ.

ކޮވިޑް-19ގެ މިޙާލަތުގައި އަބުރާ "ނޯމަލް" ޙާލަތަކައް ނުދެވޭނެ ކަމަށާއި، ދެން ދާން ޖެހޭނީ އާ "ނޯމަލްއަށް" ކަމަށް ޑރ. ނަޒްލާ ރަފީޤް ވިދާޅުވެއްޖެއެވެ.

ރާއްޖެއަށް ކޮންމެހެން އަންނަން ނުޖެހޭ ފަރާތެއް ނަމަ މި ދަނޑިވަޅުގައި ރާއްޖެ ނައިސް މަޑުކޮށްލައްވައި، އެ ފުރުޞަތު ހާލުބޮޑު ނުވަތަ އެކަމަށް ބޭނުން ޖެހިފައިވާ މީހަކަށް ދޫކޮށްލުމަށް ކޮވިޑް-19 އާ ގުޅިގެން އުފައްދާފައިވާ ޓާސްކްފޯހުގެ ތަރުޖަމާނު މަބްރޫކް އަޒީޒު އެދިވަޑައިގެންފިއެވެ.

ސަރުކާރުގެ ޚަރަދުގައި ބޭސްފަރުވާ އަށް އިންޑިއާގެ ކޮޗިން އަދި ބެންގަލޫރަށް ގޮސް ތިބި 152 ދިވެއްސަކު އަންގާރަ ދުވަހު ރާއްޖެ ގެނައުމުގެ މަސައްކަތް ކުރަމުންދާ ކަމަށް ސަރުކާރުން ބުނެފި އެވެ.

ކޮލެޖް ތަކާއި ޔުނިވަރސިޓީތައް ހުޅުވުމާއި ގުޅޭގޮތުން ޓެކްނިކަލް އެޑްވައިޒަރީ ގްރޫޕާއެކު އަންގާރަ ދުވަހު މަޝްވަރާކުރައްވާނެ ކަމަށް ހަޔަރ އެޑިއުކޭޝަން މިނިސްޓަރ ޑރ. އިބްރާހިމް ހަސަން ވިދާޅުވެއްޖެ އެވެ.

ޔޫއޭއީގައި ދިރިއުޅޭ ދިވެހިންނަށް ކެއަރ ޕެކެޖްތައް ފޮނުވަން ސަރުކާރުން ހުޅުވާލައިފިއެވެ.

ހޮނިހިރު ބާޒާރު ވަކި އުޞޫލު ތަކަކާއި އިންތިޒާމުތަކެއްގެ މަތިން އަލުން ފެށުމަށް މަޝްވަރާ ކުރާ ކަމަށް ކުޅުދުއްފުށީ ކައުންސިލްގެ އިދާރާއިން ބުނެފިއެވެ.

ބިދޭސީންގެ ތެރެއިން ރެންޑަމްކޮށް ސާމްޕަލް ނެގުމުގެ މަސައްކަތް ކުރާނަން، އެގޮތުން ބައެއް ކަހަލަ މަސައްކަތްތައް ކުރާ ފަރާތްތައް ބަަލައި ރެންޑަމްކޮށް ސާމްޕަލް ނަގައި ޓެސްޓް ކުރާނަން، އަދި އޭގެ އިތުރުން ސިއްހި ޚިދުމަތުގައި މަސައްކަތް ކުރާ މީހުންގެ އެންޓިބޮޑީ ޓެސްޓް ކުރުމަށްވެސް ވަނީ ހަމަޖެހިފައި، - ޑރ ނަޒްލާ

ރާއްޖެއަށް ކޮންމެހެން އަންނަން ނުޖެހޭ ފަރާތެއް ނަމަ މި ދަނޑިވަޅުގައި ރާއްޖެ ނައިސް މަޑުކޮށްލައްވައި، އެ ފުރުސަތު ހާލުބޮޑު ނުވަތަ އެކަމަށް ބޭނުން ޖެހިފައިވާ މީހަކަށް ދޫކޮށްލުމަށް މަބްރޫކު އެދިވަޑައިގެންފިއެވެ. އަދި ސަރުކާރުން އެފަދަ ފަރާތްތަކަށްވެސް ދޭންޖެހޭ ހުރިހާ އެއްބާރުލުމެއް ދޭނެ ކަމަށް މަބްރޫކް ވިދާޅުވިއެވެ.

މަބްރޫކު ވިދާޅުވީ، އެހެން މީހުން ގެނައުމުގެ މަސައްކަތް ސަރުކާރުން ކުރަމުންދާ ކަމަށެވެ.

ޑޮކްޓަރުންނާއި ނަރުހުން ގެނެސްގެން އެކަމަށް ހޭދަކުރަން ޖެހޭ ފައިސާވެސް ހޭދަ ކުރުމުގެ މަސައްކަތް ސަރުކާރުން ކުރާނެ، މިވަގުތު ދުނިޔޭގެ ޙާލަތަށް ބަލައި ދަތުރުފަތުރު ކުރުމުގައި ހުރި ދަތިތަކާއެކު އިތުރު ޑޮކްޓަރުންނާއި ނަރުހުން ހޯދުމުގައި ވަރަށް ދަތި، މިހާރު ތިބި ޑޮކްޓަރުންނާއި ނަރުހުންގެ އިތުރުން ޑޮކްޓަރުން ހޯދުމަށް އަދި މާ ބޮޑު ކުރިއެރުމެއް ލިބެމުންނެއް ނުދޭ

މިހާރު ތިބި ސިއްޙީ ޚިދުމަތްތެރިންގެ ތެރެއިން 45 އިންސައްތަ އެހެނިގެން ބަލިތަކަށް ބަހައްޓަންޖެހޭ، ކޮވިޑް-19 އަށް ބޭނުންކުރަނީ 55 އިންސައްތަ ޑޮކްޓަރުން

ނަމަވެސް އިތުރު ވެންޓިލޭޓަރުތައް ގެނައުމުގެ މަސައްކަތް ދަނީ ކުރަމުން. - މަބްރޫކް

4 ޕޯޓެބަލް ވެންޓިލޭޓަރެއް ގެނައުމަށް 16 ފަރާތަކަށް ގުޅައި، އޭގެ ތެރެއިން ބައެއް ފަރާތްތަކަށް ބިޑް ކުރެވިފައިވޭ.

މާލިއްޔަތު ޤަވާއިދުގެ ދަށުން އިތުރު ވެންޓިލޭޓަރުތައް ގެނައުމުގެ މަސައްކަތް ދަނީ ކުރަމުން، އަދި 2 ކުންފުންޏާއެކު އެގްރީމަންޓް ކުރެވިފައިވޭ (އެއް ކުންފުނި 50 އަނެއް ކުންފުނި 30 ވެންޓިލޭޓަރ) އަދި އެއިން ކުންފުންޏަކަށް ފައިސާ ދައްކާފައެއް ނުވާނެ

އިތުރު ވެންޓިލޭޓަރުތައް ޑަބްލިއުއެޗްއޯއާ ގުޅިގެން ގެނައުމުގެ މަސައްކަތް ދަނީ ކުރަމުން- މަބްރޫކް

1218 މީހުން މިހާތަނަށް އިކޮނޮމިކް މިނިސްޓްރީގެ ޖޮބް ސެންޓަރުގައި ރަޖިސްޓްރީ ކޮށްފައިވާ ކަމަށް ކޮވިޑް-19 ތަރުޖަމާނު މަބްރޫކު އަޒީޒް ވިދާޅުވި. (ހޯމަ ދުވަހުގެ ނިޔަލަށް)

އޭގެ ތެރޭގައި ނޯޕޭ ނުދިނުމާއި، ބައި މުސާރައަށް މަސައްކަތް ކުރުވުމާއި، ވަޒީފާއިން ކަނޑާލުން ފަދަ މައްސަލަތައް ހިމެނޭ

ކޮއްދިއްޕަރުން ބަލަމުން ދިޔަ މީހާގެ 2 ވަނަ ސާމްޕަލްވެސް ނެގެޓިވް ވެފައިވާކަމަށް މަބްރޫކު ވިދާޅުވި.

އޭގެ އިތުރުން، ފިލިޕީންސްއިން އައި މީހަކު ޕޮޒިޓިވްވުމާ ގުޅިގެން އެރިޔަދޫއިން ބަޔަކު ވަނީ ކަރަންޓީން ކުރެވިފައި.

މިވަގުތު ނިންމާފައިވަނީ އެރިޔަދޫއިން ދޫކޮށްލަން ނިންމާފައި ތިބި އެންމެން މަޑު ކުރުވުމަށް، އިތުރު ފިޔަވަޅުތައް އެޅުމާމެދު ދަނީ މަޝްވަރާ ކުރެވެމުން.

2710 ސާމްޕަލް ނެގިފައި

ޕޮސިޓިވް 20

ނުލިބި 18

14 ފަރާތެއް ބަލިން ފަރުވާދީ ރަނގަޅުވެފައި

އައިސޮލޭޝަންގައި 11

ކަރަންޓީންގައި 817

މުވައްޒަފުންގެ މުސާރަ ކުޑަކުރުމަށާއި، ބައެއް މުވައްޒަފުން ނޯޕޭ ލީވްއަށް ފޮނުވާލަން ޓޮޓެންހަމް ހޮޓްސްޕާއިން ނިންމި ނިންމުން ބަދަލުކުރަން ނިންމައިފި އެވެ.

ދުނިޔޭގައި މިހާރު ފެތުރެމުން އަންނަ ކޮރޯނާވައިރަސް (ކޮވިޑް-19) ގެ ސަބަބުން ދިމާވާ މާލީ ގޮންޖެހުންތަކުން އަރައިގަތުމަށް ޓޮޓެންހަމުން މީގެ ކުރިން ވަނީ އެ ކްލަބުގެ 550 މުވައްޒަފުންގެ މުސާރައިން 20 އިންސައްތަ އުނިކުރަން ނިންމާފައެވެ. އަދި މުސާރަ ކުޑަކުރަން އެއްބަސްނުވާ މުވައްޒަފުން ނޯޕޭ ލީވްއަށް ފޮނުވާލުމަށް ވަނީ ނިންމާފައެވެ.

ޓޮޓެންހަމްގެ މި ނިންމުމަށް އެޓީމުގެ ސަޕޯޓަރުން ފާޑު ކިޔުމާ ގުޅިގެން ހޯމަ ދުވަހު އެ ކްލަބުން ވަނީ އެ ނިންމުން ބަދަލުކުރަން ނިންމާފައެވެ.

ކޮރޯނާވައިރަސް (ކޮވިޑް-19) ގެ ކަންކަމުގައި އެހީވުމުގެ ގޮތުން އައިވަރީ ކޯސްޓާއި ޗެލްސީގެ ކުރީގެ މަޝްހޫރު ފުޓްބޯޅަ ކުޅުންތެރިޔާ ޑިޑިއޭ ޑްރޮގްބާ، އޭނާގެ ހޮސްޕިޓަލް ސަރުކާރަށް ދީފި އެވެ.

ޑްރޮގްބާގެ ލޯރެންޓް ޕޯކޯ ހޮސްޕިޓަލް ހުންނަނީ އައިވަރީ ކޯސްޓުގެ އަބިޖާން ސަރަހައްދުގައެވެ. މި އަހަރުގެ ފަހުކޮޅު ހުޅުވަން ތާވަލުކޮށްފައިވާ މި ހޮސްޕިޓަލް ސަރުކާރާ މި ވަގުތަށް ހަވާލުކުރަން ޑްރޮގްބާ ނިންމީ ކޮވިޑް-19 ގެ ކަންތައްތަކުގައި ސަރުކާރަށާއި ގިނަ ބަޔަކަށް ލުޔެއް ހޯދައިދިނުމުގެ ގޮތުންނެވެ.

ރާއްޖޭގެ އެކި ސަރަހައްދުތަކުގައި ކޮވިޑް-19 އަށް ޓެސްޓު ކުރެވޭނެ އިންތިޒާމު ހަމަޖެއްސުމުގެ މަސައްކަތް ކުރަމުންދާ ކަމަށް ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.

އާދިއްތަ ދުވަހުގެރޭ ނެޝެނަލް އެމަޖެންސީ އޮޕަރޭޝަން ސެންޓަރުގައި އޮތް ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ ރާއްޖޭގެ 5 ރީޖަނަލް ހޮސްޕިޓަލެއްގައި ކޮވިޑް-19 އަށް ޓެސްޓް ކުރެވޭނެ އިންތިޒާމު ހަމަޖެއްސުމުގެ މަސައްކަތް ކުރަމުންދާ ކަމަށެވެ. އަދި އެ ހޮސްޕިޓަލުތަކުގައި ހުރި ޓީބީ އަށް ޓެސްޓު ކުރާ މެޝިންތައް ހުންނަކަން ފާހަގަކުރައްވާ މަބްރޫކް ވިދާޅުވީ އެ މެޝިންތަކަށް ލައްވާ ވަކި ވައްތަރެއްގެ ކާޓްރިޖެއް ކޮވިޑް-19 އަށް ޓެސްޓް ކުރެވޭގޮތަށް އީޖާދު ކުރެވިފައިވާ ކަމަށެވެ. އަދި އެތަކެތި ރާއްޖެ ގެނައުމުގެ މަސައްކަތް ކުރަމުންދާ ކަމަށާއި އެތަކެތި ރާއްޖެ ގެނެވުމުން ޓެސްޓް ކުރެވޭނެ އިންތިޒާމު ހަމަޖެހިގެންދާނެ ކަމަށް މަބްރޫކް ވިދާޅުވިއެވެ.

ދަރުބާރުގޭގައި ބާއްވަމުން އަންނަ ނޫސްވެރިންގެ ބައްދަލުވުމުގައި މަބްރޫކް ވިދާޅުވީ ޤައުމުތަކުން ރާއްޖެއަށް ދިވެހިން ގެންނައިރު ޓިކެޓް ދޫކުރާނެ އުސުލުތައް އާންމުކޮށްފައިވާކަމަށެވެ. އަދި އެކަމުގައި އަމަލުކުރާނެގޮތްތައް މޯލްޑިވިއަންއިންވެސް ހާމަކޮށްފައިިވާއިރު، ވަކި މީހަކު ނުފޫޒް ބޭނުންކޮށްގެން ވަކި މީހަކަށް ޓިކެޓު ހޯދައިދިނުމަށް މަސައްކަތްކުރުމަކީ ހަޑިމުޑުދާރު އަމަލެއް ކަމަށް މަބްރޫކް ވިދާޅުވި އެވެ.

މަބްރޫކް ވިދާޅުވީ ނުފޫޒް ބޭނުންކޮށްގެން މި ދަނޑިވަޅުގައި ޓިކެޓުތަކެއް ހޯދުމަށް މަސައްކަތްކުރާނަމަ އެކަމެއްގެ މައުލޫމާތު ސަރުކާރާއި ހިއްސާކުރުމަށް އެދޭކަމަށެވެ. އަދި އެފަދަ މައްސަލަތައްވެސް ސަރުކާރުން ބަލާނެކަމަށް މަބްރޫކް ވިދާޅުވި އެވެ.

ދަރުބާރުގޭގައި ބާއްވަމުން އަންނަ ނޫސްވެރިންގެ ބައްދަލުވުމުގައި ވާހަކަދައްކަވަމުން ޑރ. މުރާދު ވިދާޅުވީ ކޮވިޑް-19 އަށް ސީދާ ވަކި ފަރުވާއެއް ހޯދިފައިނުވާއިރު، ދިވެހިރާއްޖޭގެ ޓީމުންވެސް މަސައްކަތްކުރަނީ އޯޕަން މައިންޑެއްގައި ކަމަށެވެ. އަދި "ހައިޑްރޮކްސިކްލޮރޯކުއިން" އަކީ އިންޑިއާ އަދި އެމެރިކާއިންވެސް ބޭނުންކުރަމުން އަންނަ ބޭސްއެއް ކަމަށާއި، އަދި ބޭހުގެ ބައެއް ދިރާސާތައްވެސް ހެދެމުންދާއިރު، ބޭސް ރާއްޖެގައި ހުރުމަކީ މައްސަލައެއް ނޫންކަމަށް ޑރ. ވިދާޅުވި އެވެ. ޑރ. ވިދާޅުވީ ބޭސް ބޭނުންކުރަންޖެހޭ ހާލަތެއް އަތުވެއްޖެނަމަވެސް އެ ބޭސް ބޭނުންކުރެވޭނީ ބޭސް ރާއްޖޭގައި ހުރުމުންކަމަށެވެ.

ދިވެހިރާއްޖެއިން ކޮވިޑް-19 އަށް ޕޮޒިޓިވްވި ފަސް ދިވެހިންގެ އެކަކު ބަލިން ރަނގަޅުވެއްޖެ އެވެ.

އެމީހާ އަކީ އިނގިރޭސިވިލާތުން އައި ހަތަރު ދިވެހިންގެ ތެރެއިން އެކަކެވެ. މި މީހާއާ އެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ތެރެއިން 14 މީހަކު މިވަނީ ބަލިން ރަނގަޅުވެފައެވެ. އެންމެ ފަހުން މީހަކު ޕޮޒިޓިވްވެފައިވަނީ އާދިއްތަ ދުވަހުއެވެ. އެމީހާ އަކީ ފިލިޕީންސް އައި ދިވެއްސެކެވެ.

ކޮވިޑް-19 އަށް ރާއްޖެއިން ޕޮޒިޓިވްވެފައިވަނީ 20 މީހުންނެވެ. އޭގެ ތެރެއިން ދެ މީހުން ޕޮޒިޓިވްވީ ރާއްޖެއިން ފުރައިގެން ދިޔަ ފަހުންނެވެ.

ކޮވިޑް-19 އާ ގުޅިގެން ރާއްޖޭގެ ވައިގެ ބަނދަރު ބަންދުކޮށް ފަތުރުވެރިން އައުން މަނާކޮށްފައިވާއިރު، ކުރިޔަށް އޮތް ތަނުގައި އެންމެ އަވަހަށްވެސް ފަތުރުވެރިން ގެނެވެނޭ ދުވަހެއް ހޯދުމުގެ ދިރާސާއެއް ކުރުމަށް ގައުމީ ޔުނިވަރސިޓީ އާ ހަވާލުކުރަން ރައްޔިތުންގެ މަޖިލީހުގެ ސަލާމަތީ ހިދުމަތްތަކާއި ބެހޭ ކޮމިޓީން ފާސްކޮށްފި އެވެ.

ފަތުރުވެރިކަމާއި ބެހޭ ދިރާސާ އެއް ހެދުމަށް، އެމްއެންޔޫ އާ ހަވާލުކުުރުމަށް ހުށައެޅުއްވީ ހުޅުދޫ ދާއިރާގެ މެމްބަރު އިލްޔާސް ލަބީބް އެވެ. އެ ހުށައެޅުން ހުށައަޅުއްވަމުން އިލްޔާސް ވިދާޅުވީ، އެންމެ އަވަހަށް ރާއްޖެެއަށް ފަތުރުވެރިން ގެނެވޭނެ ކަމަށް ލަފާކުރެވޭ ކަމަށް ރިޕޯޓެއް އެކުލަވާލާފައިވޭތޯ ބަލަން ޓޫރިޒަމް މިނިސްޓްރީން ހުށައަޅަން ޖެހޭ ކަމަށެވެ. ގިނަ އިދާރާތަކުން އެފަދަ ދިރާސާއެއް ހެދިފައި ނުވާތީ އިލްޔާސް ހުށައެޅުއްވީ، މަޖިލީހުގެ ކޮމިޓީން އެކަމަށް ދިރާސާއެއް ހެދުން ނުވަތަ ތާޑް ޕާޓީއަކާއި ބަޔަކާއި ހަވާލުކޮށްގެން އެކަން ކުރުމަށެވެ. އެގޮތުން ގައުމީ ޔުނިވާސިޓީ އިން ފޯކާސްޓެއް އެކުލަވާލުމަށް އޭނާ ހުށައެޅުއްވިއެވެ.

ކޮވިޑް-19 އާ ގުޅިގެން ރާއްޖޭގެ ވައިގެ ބަނދަރު ބަންދުކޮށް ފަތުރުވެރިން އައުން މަނާކޮށްފައިވާއިރު، ކުރިޔަށް އޮތް ތަނުގައި އެންމެ އަވަހަށްވެސް ފަތުރުވެރިން ގެނެވެނޭ ދުވަހެއް ހޯދުމުގެ ދިރާސާއެއް ކުރުމަށް ގައުމީ ޔުނިވަރސިޓީ އާ ހަވާލުކުރަން ރައްޔިތުންގެ މަޖިލީހުގެ ސަލާމަތީ ހިދުމަތްތަކާއި ބެހޭ ކޮމިޓީން ފާސްކޮށްފި އެވެ.

ފަތުރުވެރިކަމާއި ބެހޭ ދިރާސާ އެއް ހެދުމަށް، އެމްއެންޔޫ އާ ހަވާލުކުުރުމަށް ހުށައެޅުއްވީ ހުޅުދޫ ދާއިރާގެ މެމްބަރު އިލްޔާސް ލަބީބް އެވެ. އެ ހުށައެޅުން ހުށައަޅުއްވަމުން އިލްޔާސް ވިދާޅުވީ، އެންމެ އަވަހަށް ރާއްޖެެއަށް ފަތުރުވެރިން ގެނެވޭނެ ކަމަށް ލަފާކުރެވޭ ކަމަށް ރިޕޯޓެއް އެކުލަވާލާފައިވޭތޯ ބަލަން ޓޫރިޒަމް މިނިސްޓްރީން ހުށައަޅަން ޖެހޭ ކަމަށެވެ. ގިނަ އިދާރާތަކުން އެފަދަ ދިރާސާއެއް ހެދިފައި ނުވާތީ އިލްޔާސް ހުށައެޅުއްވީ، މަޖިލީހުގެ ކޮމިޓީން އެކަމަށް ދިރާސާއެއް ހެދުން ނުވަތަ ތާޑް ޕާޓީއަކާއި ބަޔަކާއި ހަވާލުކޮށްގެން އެކަން ކުރުމަށެވެ. އެގޮތުން ގައުމީ ޔުނިވާސިޓީ އިން ފޯކާސްޓެއް އެކުލަވާލުމަށް އޭނާ ހުށައެޅުއްވިއެވެ.

ކަރަންޓީނު ފެސިލިޓީތަކަށް ދާން ނިންމާފައިނުވާ ކަމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން ބުނެފިއެވެ.

އެޗްއާރްސީއެމުން އެހެން ބުނެފައިމިވަނީ ''ހިއުމަން ރައިޓްސް ކޮމިޝަނުން ކަރަންޓީން ފެސިލިޓީތަކަށް ދާން ބޭނުންވެއްޖެ" މި މައޫޝޫގެ ދަށުން ރާއްޖެ.އެމްވީން ޝާއިއު ކޮށްފައިވާ ހަބަރަކާއި ގުޅިގެންނެވެ.

އެކަމާއި ގުޅިގެން އެ ކޮމިޝަނުން އާދިއްތަ ދުވަހު ނެރެފައިވާ ބަޔާނެއްގައި ބުނީ، ކޮވިޑް-19 އިން ރައްކާތެރިވުމަށް "ސަބްކޮމިޓީ އޮން ޕްރިވެންޝަން އޮފް ޓޯޗަރ" އެސްޕީޓީ އިން ފެބްރުއަރީ މަހުގެ 10 އިން 14 އަށް ކުރިޔަށް ގެންދިޔަ އެސްޕީޓީގެ 40 ވަނަ ބައްދަލުވުމުގައި ނޭޝަނަލް ޕްރިވެންޓިވް މެކޭނިޒަމް (އެންޕީއެމް) ތަކުން ކަރަންޓީނު ފެސިލިޓީތަކަށް ޒިޔާރާތްކުރުމާ ގުޅޭގޮތުން މަޝްވަރާކޮށް، އޮޕްޝަނަލް ޕްރޮޓޮކޯލް ޓު ދަ ކޮންވެންޝަން އަގެއިންސްޓް ޓޯޗަރ (އޮޕްކެޓް) އިން އެންޕީ އެމްތަކަށް ދީފައިވާ ބާރުގެ ދަށުން، އެފަދަ ތަންތަނަށް ޒިޔާރާތްކުރުމަކީ އެންޕީއެމްގެ އިހްތިސާސް ތަކުގެ ތެރޭގައި ކުރެވޭނެކަމެއް ކަން ބަޔާންކޮށްފައިވާކަމަށެވެ.

ދުވާލެއްގެ މައްޗަށް މިހާރު ވެލާނާ އިންޓަރނޭޝަނަލް އެއަރޕޯޓް (ވީއައިއޭ) ގައި ޖައްސަނީ އިންޓަރނޭޝަނަލް ދެ ފްލައިޓްކަމަށް، އެ އެއަރޕޯޓު ހިންގާ، މޯލްޑިވްސް އެއާރޕޯޓްސް ކޮމްޕެނީ ލިމިޓެޑް (އެމްޢެސީއެލް) އިން ބުނެފިއެވެ.

ވެލާނާ އިންޓަރނޭޝަނަލް އެއަރޕޯޓު (ވީއައިއޭ) ގެ 54 ވަނަ އަހަރީ ދުވަސް ފާހަގަކުރުމުގެ ގޮތުން ބޭއްވި ދިދަ ނެގުމުގެ ރަސްމިއްޔާތުގައި ވާހަކަދައްކަވަމުން އެމްއޭސީއެލްގެ އެކްޓިންގ މެނޭޖިންގ ޑިރެކްޓަރ މޫސާ ޞޯލިހް ވިދާޅުވީ 2019 ވަނަ އަހަރަކީ އެއަރޕޯޓުގެ ހަޔާތުގައި ކާމިޔާބު އަހަރެއް ކަމަށެވެ. އެގޮތުން ނިމުނު އަހަރު އެއަރ ޓްރެފިކް މޫވްމެންޓް 16 އިންސައްތަ އިތުރުވެފައިވާ ކަމަށާއި، އެއަރޕޯޓު ބޭނުންކުރާ ފަސިންޖަރުންގެ އަދަދު 13 އިންސައްތަ އިތުރުވެގެންދިޔަ ކަމަށެވެ. ނަމަވެސް ކޮވިޑް-19 އާއި ގުޅިގެން އެއަރޕޯޓަށް ބޮޑު ހުއްޓުމެއް އައިސްފައިވާކަން އޭނާ ފާހަގަކުރެއްވިއެވެ.

މޫސާ ސޯލިހް ވިދާޅުވި ގޮތުގައި މީގެކުރިން ދުވާލެއްގެ މައްޗަށް 40 އިންޓަރނޭޝަނަލް ފްލައިޓް، އެއަރޕޯޓުގައި ޖައްސައެވެ. ނަމަވެސް މިހާރު އެ އެއަރޕޯޓުގައި ޖައްސަނީ ދުވާލެއްގެ މައްޗަށް އެންމެ 2 އިންޓަރނޭޝަނަލް ފްލައިޓުކަމަށް އޭނާ ވިދާޅުވިއެވެ. އަދި އެތެރޭގެ އުދުހުންތައްވެސް 50 ފްލައިޓުން 5 ފްލައިޓަށް މަދުވެފައިވާކަމަށް މޫސާ ސޯލިހް ވިދާޅުވިއެވެ.