ކޮވިޑް-19: އެންމެ ފަހުގެ

މާލެއިން ކޮވިޑް-19 އަށް ޕޮޒިޓިވްވި މީހާގެ ކިބައިން އަލާމާތްތައް ފެނުނީ އިއްޔެގެ ވަގުތެއްގައި. ނަތީޖާ ލިބުނީ މިއަދު. އެމީހާއަކީ ރާއްޖެއިން ބޭރަށް ދަތުރުކޮށްފައިވާ މީހެއް ނޫން. އޭނާއާއި ބަލިޖެހުނު މީހަކާއި ޑައިރެކްޓް ކޮންޓެކްޓް ވެފައި ނުވޭ. އެމީހާއަށް ބަލިޖެހުނު ގޮތް ދެނެގަތުމުގެ މަސައްކަތް ދަނީ ކުރަމުން.

ޖެނުއަރީ މަހުން ފެށިގެން ކޮވިޑް-19 ގެ ހާލަތަށް އަންނަނީ ތައްޔަރުވަމުން.

މާލެއިން މީހަކު ޕޮޒިޓިވްވެދާނެކަަމަށް ވެސް އޮތީ ތައްޔާރަށް.

ކޮވިޑް-19 ފެތުރިދާނެ ހާލަތަަކަށް އޮތޯ ތައްޔާރަށް، މުއައްސަސާތައް ވެސް ތިބީ މިކަމަށް ތައްޔާރުވެފައި

ބޭންކް އޮފް މޯލްޑިވްސްގެ ހުރިހާ އޭޓީއެމްތަކުން ދެމުން އައި ހިދުމަތްތައް ވަގުތީ ގޮތުން މެދުކަނޑާލައިފި.

އެމްޓީސީސީން މާލެސިޓީގެ ސަރަހައްދުގައި ދެމުންދާ ހުރިހާ ދަތުރުފަތުރުގެ ހިދުމަތް ހުއްޓާލައިފިއެވެ.

މާލެ ސިޓީ "ލޮކްޑައުން" ހާލަތަކަށް ގެނެވިފައިވާ މި ދަނޑިވަޅުގައި، މާލެ ސިޓީގެ އެއްވެސް ސަރަހައްދެއްގައި ބަނދަރުކޮށްފައިވާ އެއްވެސް އުޅަނދެއްވެސް ފުރުމަކީވެސް މަނާކަމެއްކަމަށް އެޗްޕީއޭއިން ބުނެފިއެވެ.

3:30 ގެ ކުރިން ގެއަށް ވަނުމަށް މޯލްޑިވްސް ޕޮލިސް ސާރވިސް އިން އަންގައިފިއެވެ.

އަސްރު ނަމާދަށް ފަހު ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ގައުމާއި މުހާތަބް ކުރައްވާނެކަމަށް ރައީސް އޮފީހުގެ ތަރުޖަމާނު އިބްރާހިމް ހޫދު ވިދާޅުވެއްޖެއެވެ.

މާލެ ތެރެއިން ފުރަތަމަ ފަހަށް ކޮވިޑް-19 އަށް މީހަކު ޕޮޒިޓިވްވުމާއި ގުޅިގެން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ޤައުމާ މުހާތަބު ކުރައްވަން ހަމަޖެހިއްޖެއެވެ.

ރާއްޖެ.އެމްވީ އަށް މައުލޫމާތު ދެއްވި ސަރުކާރުގެ އިސް އޮފިޝަލަކު ވިދާޅުވީ، މިއަދުގެ ވަގުތެއްގައި ރައީސް ސޯލިހު ޤައުމާ މުހާތަބު ކުރައްވާނެ ކަމަށެވެ. އެކަމަކު ރައީސް މުހާތަބު ކުރައްވާނީ ކޮން ވަގުތެއްގައި ކަމެއް އޮފިޝަލު ހާމައެއް ނުކުރައްވައެވެ.

ޓްރެވެލް ހިސްޓްރީއެއް ނެތް މީހަކު ރާއްޖެއިން ކޮވިޑް-19 އަށް ޕޮޒިޓިވް ވުމާއި ގުޅިގެން މާލެ ސަރަހައްދު 24 ގަޑިއިރަށް ލޮކްޑައުންކޮށްފިއެވެ.

ކ. ކާށިދޫ އެއްކޮށް ކަރަންޓީން ކޮށްފައިވާ ކަމަށްބުނެ، ސޯޝަލް މީޑިއާގައި ފަތުރަމުންދާ ލިޔުމަކީ "ފޭކް" ލިޔުމެއް ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.

ކޮވިޑް-19 އާއި ގުޅިގެން ސަރުކާރުން ވަނީ ތައްޔާރުވެފައި ކަމަށާއި، ރައްޔިތުން ކަންބޮޑު ނުވުމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.

ހެލްތު ޕްރޮޓެކްޝަން އޭޖެންސީން މިއަދު އެންމެ ފުރަތަމަ ޕްރެސް ބާއްވާނެކަމަށް ބުނެފައިވަނި 12:00 ޖަހާއިރުއެވެ. އަދި އެއަށްފަހު 12:30 އަށް ފަސްކުރިއެވެ. އެހެންނަމަވެސް ދާދި ދެންމެއަކު ބުނެފައިވަނީ އަނެއްކާވެސް ޕްރެސް ފަސްކުރެވިފައިވާކަމަށެވެ. އަދި ޕްރެސް ބާއްވާ ގަޑި އަވަހަށް އަންގާނެކަމަށެވެ.

އިޖުތިމާއީ ގައިދުރުކަން ދެމެހެއްޓުމާއި، މާސްކާއި އަންގި އެޅުމަށް ދެވުނު ހަރުކަށި އިރުޝާދުތަކާއެކު ދެކުނު ކޮރެއާގެ ޕަރލިމެންޓްރީ އިންތިހާބުގައި ވޯޓުލާން ފަށައިފިއެވެ.

ކޮވިޑް-19 އާގުޅިގެން މިމަހުގެ ދެ ވަނަ ދުވަހުގެ ނިޔަލަށް 280 މިލިއަނަށްވުރެ ގިނަ ރުފިޔާ ޚަރަދުކޮށްފައިވާ ކަމަށް ފިނޭންސް މިނިސްޓަރ އިބްރާހީމް އަމީރު ވިދަޅުވެއްޖެއެވެ.

މާލެ އިން ކޮވިޑް-19 އަށް ޕޮޒިޓިވްވި މީހާގެ ފަހުގެ ޓްރެވަލް ހިސްޓްރީ އެއް ނެތްކަމަށް ރާއްޖެއެމްވީ އަށް މައުލޫމާތު ލިބިއްޖެ އެވެ.

ކޮވިޑް-19 އަށް ޕޮޒިޓިވްވި މީހުންގެ އަދަދު 2 މިލިއަނަށް އަރައިފި އެވެ.

ކޮވިޑް-19 އާއި ބެހޭ އެންމެ ފަހުގެ މަޢުލޫމާތު ހިއްސާ ކުރުމަށް ސަރުކާރުގެ ފަރާތުން ބާއްވާ ޕްރެސް ކޮންފަރެންސެއް މިއަދު މެންދުރު 12:30 ގައި ނޭޝަނަލް އެމަރޖެންސީ ސެންޓަރުގައި އޮންނާނެއެވެ. މިބައްދަލުވުމުގައި މިނިސްޓަރ އޮފް ހެލްތު އަބްދުﷲ އަމީނާއި، ޑރ. އަލީ ލަޠީފުގެ އިތުރުން، ކޮވިޑް-19 ޓާސްކްފޯރސްގެ ތަރުޖަމާނު މަބްރޫކު އަޒީޒު ބައިވެރިވަޑައިގަންނަވާނެއެވެ.

މި ޕްރެސް ރާއްޖެޓީވީން ވަގުތުން ދުރަށް ދައްކާނެއެވެ.

މާލެ ފްލޫ ކްލިނިކަށް ދައްކަން ދިޔަ ދިވެއްސެއް ކޮވިޑް-19 އަށް ޕޮޒިޓިވްވެއްޖެ އެވެ.

ކޮވިޑް-19 އާއި ގުޅިގެން ރާއްޖެ ނާދެވި އިންޑިޔާގައި ތާށިވެފައިވާ މީހުންގެ ތެރެއިން އަންގާރަ ދުވަހު އިންޑިޔާއިން ގެނައި މީހުންގެ ތެރެއިން 9 މީހަކު ކަރަންޓީނުކޮށްފައިވަނީ އިންދިރާ ގާންދީ މެމޯރިއަލް ހޮސްޕިޓަލްގައި ކަަމަށް ކޮވިޑް-19 ގެ ޓާސްކް ފޯހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވެއްޖެއެވެ.

ސިއްހީ ދާއިރާގައި މަސައްކަތް ކުރާ މީހުންނަށް ހާއްސަ އެލަވަންސް ޕޮލިސީއެއް އެކުލަވާލުމުގެ މަސައްކަތް ފަށައިގެން ކުރިޔަށްދާ ކަމަށް ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ތަރުޖަމާން މުހައްމަދު މަބްރޫކް އަޒީޒް ވިދާޅުވެއްޖެއެވެ.

ކޮރޯނާވައިރަސް (ކޮވިޑް-19) އިން ރަނގަޅުވެ، މެންޗެސްޓާ ޔުނައިޓެޑްގެ ކުރީގެ މިޑްފިލްޑަރު މައުރޯނޭ ފެލައިނީ ހޮސްޕިޓަލުން ދޫކޮށްލައިފި އެވެ.

ޗައިނާގެ ލުނެން އަށް މިހާރު ކުޅެމުން އަންނަ ފެލައިނީ ކޮވިޑް-19 އަށް ޕޮޒިޓިވްވީ މާޗު މަހުގެ 22 ވަނަ ދުވަހު އެވެ. އޭނާ މި ވައިރަހަށް ޕޮޒިޓިވްވެފައިވަނީ ރާއްޖޭގައި އުޅުމަށްފަހު އެނބުރި ގައުމަށް ދިޔަ ފަހުންނެވެ.

އުމުރުން 32 އަހަރުގެ ފެލައިނީ ކޮވިޑް-19 އަށް ޕޮޒިޓިވްވުމުން ވަނީ ޗައިނާގެ ޖިނާން ހޮސްޕިޓަލްގައި އެޑްމިޓްކޮށް ފަރުވާދީފައެވެ. އަދި ބަލިން ރަނގަޅުވުމާއެކު އޭނާ ވަނީ އަންގާރަ ދުވަހުގެ ވަގުތެއްގައި ހޮސްޕިޓަލުން ދޫކޮށްލާފައެވެ.

ހަލުވިކަމާއި އެކު ފެތުރުމެންދާ ކޮވިޑް-19 ފެތުރުން ކޮންޓްރޯލް ކުރުމުގެ ގޮތުން އަޅާ ފިޔަވަޅެއް ގޮތުން ރޯދަ މަހު އުުރުދުންގެ މިސްކިތްތަކުގައި ޖަމާޢަތުގައި ނަމާދުކުރުން މަނާކޮށްފިއެވެ.

އެމެރިކާގެ ހަ ލައްކަ މީހުންނަށް ކޮވިޑް-19 ޖެހި އޭގެ ތެރެއިން 25،000 މީހުން މަރުވެއްޖެއެވެ.

ކޮރޯނާވައިރަސް (ކޮވިޑް-19) އާ ގުޅިގެން އޭއެފްސީ ކަޕާއި އޭއެފްސީ ޗެމްޕިއަންސް ލީގުގެ މެޗުތައް މުއްދަތެއް ނެތް ގޮތަށް ފަސްކުރަން އޭޝިއަން ފުޓްބޯލް ކޮންފެޑެރޭޝަން (އޭއެފްސީ) އިން ނިންމައިފި އެވެ.

އޭއެފްސީން އެންމެ ފުރަތަމަ މިދިޔަ މަހުގެ 18 ވަނަ ދުވަހު ނިންމީ މި މަހު ކުޅެން ހުރި މެޗުތައް ފަސްކުރުމަށެވެ. އެކަމަކު އަންގާރަ ނެރުނު ބަޔާނެއްގައި ބުނެފައިވަނީ އަންނަ މަހާއި ޖޫން މަހު ވެސް މެޗުތައް ކުރިއަށްގެންދެވޭނެ މާހައުލެއް އޮންނާނެ ކަމަށް ނުބެލެވޭތީ، އޭއެފްސީ ކަޕާއި އޭއެފްސީ ޗެމްޕިއަންސް ލީގުގެ މެޗުތައް މުއްދަތެއް ނެތްގޮތަށް މެޗުތައް ފަސްކޮށްފައިވާ ކަމަށެވެ.

ސަރުކާރު ބަންދުކޮށް ސްކޫލް ބަންދު ކުރުމުން ހަވިރު ސަޔަށް ކެފޭތަކަށް އެއްވާނަމަ ދެން ހުރި ފިޔަވަޅުވެސް އަޅަން މަޖްބޫރު ވާނެ: މަބްރޫކް

ރާއްޖޭގައި ކޮމިއުނިޓީ ސްޕްރެޑެއް އުޅޭނެކަމަށް ގަބޫލެއް ނުކުރެވޭ: ޑރ. ނަޒްލާ

98,000 ދިވެހިންނަށް ބަލިޖެހޭނެކަމަށް އަންދާޒާ ކުރެވިފައިވޭ: މަބްރޫކް

60 - 70 އިންސައްތަ މީހުންނަށް ބަލިޖެހޭނެ ކަމަށް ލަފާ ކުރެވޭ

687،426 މީހުންގެ އާބާދީގެ 60 އިންސައްތަ އަކީ 412،455.6 މީހުން

687،426 މީހުންގެ އާބާދީގެ 70 އިންސައްތަ އަކީ 481،198.2 މީހުން

ރާއްޖޭގެ އާބާދީ (ފަތުރުވެރިންނާއި، ގަވާއިދާ ހިލާފަށް އުޅޭ ބިދޭސީން) 687،426 އަށް އަރާނެ (އަންދާޒާ ކުރެވޭ އަދަދު)

މާލޭގައި އެކަނި 46،627 މީހަކަށް ބަލި ޖެހޭނެ

- އެއްވެސް ކަމެއް ނުކޮށްފި ނަމަ - 544،535 މީހަކަށް ބަލި ޖެހެނޭ އަދި 10،891 މީހަކު މަރުވާނެ (37 ދުވަސް)

- ބޮޑެތި އެއްވުން ބާއްވާ ނަމަ - 337،913 މީހަކަށް ބަލި ޖެހޭނެ އަދި 7،767 މީހަކު މަރުވާނެ (74 ދުވަސް)

- ކެފޭ ރެސްޓޯރަންޓް ސެލޫން އަދީ ސްޕާ ހުޅުވާލައިވާނަމަ - 299،834 މީހަކަށް ބަލިޖެހޭނެ އަދި 6،896 މީހަކު މަރުވާނެ (85 ދުވަސް)

- ސަރުކާރު ހުޅުވާ ސްކޫލް ޔުނިވާރސިޓީ އަދި ހުޅުވާފައިވާނަމަ - 272،342 މީހަކަށް ބަލިޖެހޭނެ އަދި 6246 މީހަކު މަރުވާނެ (95 ދުވަސް)

- ސަރުކާރު އަދި ވިޔަފާރިތައް ހުޅުވިފައިވާ ނަމަ - 211،148 މީހުންނަށް ބަލި ޖެހޭނެ އަދި 4،856 މީހަކު މަރުވާނެ (124 ދުވަސް)

- ސަރުކާރު އެކަނި ހުޅުވާފައިވާނަމަ - 177،035 މީހަކު ބަލި ޖެހޭނެ އަދި 4،072 މީހަކު މަރުވާނެ (147 ދުވަސް)

- ސޯޝަލް ޑިސްޓޭންސިންގެ ފިޔަވަޅު އަޅާފައިވާނަމަ - 140،256 މީހަކު ޕޮޒިޓިވްވާނެ އަދި 3،226 މީހަކު މަރުވާނެ (173 ދުވަސް)

- ހާފް ލޮކްޑައުން، އައިސޮލޭޝަން، ކަރަންޓީން އަދި ސޯޝަލް ޑިސްޓޭންސިންގެ ފިޔަވަޅު އަޅާފައިވާނަމަ - 49،361 މީހަކު ބަލިޖެހޭނެ އަދި 494 މީހަކު މަރުވާނެ (394) ދުވަސް

- ފުލް ލޮކްޑައުން - 173 މީހަކަށް ބަލިޖެހޭނެ އަދި 4 މީހަކު މަރުވާނެ (293 ދުވަސް)

މަބްރޫކް ވިދާޅުވީ، ވޯލްޑް ބޭންކުންނާއި، ޔުނިސެފްގެ އިތުރުން އައިއެމްއެފުން އިތުރު ވެންޓިލޭޓަރު ތަކެއް ހަދިޔާ ކުރަން ހަމަޖެހިފައިވާ ކަމަށެވެ.

މިހާރު ކުރިޔަށްދާ ޕްރެސްކޮންފަރެންސް ގައި އެއްއީއޯސީގެ ތަރުޖަމާނު މަބްރޫކް ވިދާޅުވީ، އަންގާރަ ދުވަހު 340 ސާމްޕަލް ވަނީ ނަގާފައިވާ ކަމަށެވެ.

ހއ، ހދ އަދި ށ. އަތޮޅު - 9،938

ނ، ރ، ބ އަދި ޅ. އަތޮޅު - 11،356

ކ، އއ، އދ އަދި ވ. އަތޮޅު - 10،567

މ، ފ، ދ، ތ އަދި ލ. އަތޮޅު - 8،639

ގއ އަދި ގދ. އަތޮޅު - 4،996

ސ އަދި ޏ. އަތޮޅު - 6،378

ބަލި ފެތުރެން ފެށޭތަ 35 ދުވަހުގެ ތެރޭގައި އެކަނި 2500 މީހުންނަށް ބަލިޖެހޭނެ: ޑރ. ނަޒްލާ

ރާއްޖެއިން ކޮވިޑް-19 އަށް ފަރުވާދެމުން ގެންދިޔަ އިތުރު 2 ދިވެއްސަކު ބަލިން ރަނގަޅުވެފައިވާކަމަށް ހެލްތް ޕްރޮޓެކްޝަން އޭޖެންސީން ބުނެފި، އެއީ ވެލިދޫ އައިސޮލޭޝަންގައި ތިބި 2 މީހުން، އެ ދެ މީހުން ވަނީ ޑަބަލް ނެގެޓިވްވެފައި،

އިންޑިއާ:

ދެކުނު އޭޝިޔާގެ ޤައުމުތަކުގެ ތެރެއިން އަދިވެސް ވައިރަސްއަށް ޕޮޒިޓިވްވީ މީހުން އެންމެގިނައީ އިންޑިއާގައެވެ. އިންޑިއާގައި މިއަދު އެކަނިވެސް 88 މީހުން ވައިރަސްއަށް ޕޮޒިޓިވްވިއެވެ. މިއާއެކު އިންޑިއާގައި ވައިރަސްއަށް ޕޮޒިޓިވްވީ މީހުންގެ ޢަދަދުވަނީ 10,541 އަރާފައެވެ. އިންޑިއާގައި މިހާރުވެސް 8,978 މީހަކަށް ދަނީ ފަރުވާދެމުންނެވެ. އަދި ފަރުވާދެމުން ދަނިކޮށް 358 މީހުން ވަނީ މަރުވެފައެވެ.

ޕާކިސްތާން:

މިއަދު އެކަނިވެސް 220 މީހުން ވަނީ ވައިރަސްއަށް ޕޮޒިޓިވްވެ 3 މީހުން މަރުވިއެވެ. މިއާއެކު ޕާކިސްތާނުގައި ވައިރަސްޖެހުނު މީހުންގެ ޖުމުލަ އަދަދަކީ 5,716 އެވެ. އަދި މަރުވީ މީހުންގެ އަދަދަކީ 96އެވެ. މިހާރުވެސް 4,242 ފަރުވާއެބަދެއެވެ. މީގެތެރެއިން 46 މީހުންގެ ހާލު ސީރިއަސްކަމަށް ރިޕޯޓުތައް ބުނެއެވެ.

ބަންގްލަދޭޝް:

އެޤައުމުން މިއަދު އެކަނިވެސް 209މީހުން ވައިރަސްއަށް ޕޮޒިޓިވްވެ، 7 މީހުން މަރުވިއެވެ. މިއާއެކު ބަންގްލަދޭޝްގައި ވައިރަސް ޖެހުނު މީހުންގެ ޖުމުލަ އަދަދަކީ 1,012އެވެ އަދި މަރުވި މީހުންގެ އަދަދު ވަނީ 46އަށް އަރާފައެވެ. މިހާރުވެސް، 924 މީހަކަށް ދަނީ ފަރުވާދެމުންނެވެ.

އަފްޣާނިސްތާން:

އަފްޣާނިސްތާނުން މިއަދު 49 މީހުން ވައިރަސްއަށް ޕޮޒިޓިވްވެ، 2 މީހުން މަރުވިއެވެ. މިއާއެކު އެޤައުމުގައި ވައިރަސްއަށް ޕޮޒިޓިވްވީ މީހުންގެ އަދަދު ވަނީ 714އަރާފައެވެ. އަދި މަރުވީ މީހުންގެ އަދަދަކީ 23 އެވެ. އަދި 651 މީހަކަށް ދަނީ ފަރުވާދެމުންނެވެ.

ސްރީލަންކާ:

ސްރީލަންކާއިން މިއަދު ވައިރަސްއަށް ޕޮޒިޓިވްވެފައިވަނީ އެންމެ މީހެކެވެ. މިއަދު މީހަކު މަރެއް ނުވެއެވެ.

ސްރިލަންކާގައި ވައިރަސްއަށް ޕޮޒިޓިވްވީ މީހުންގެ އަދަދަކީ 218 އެވެ. އަދި މަރުވީ މީހުންގެ އަދަދަކީ 7 އެވެ.

އަދި 152 މީހަކަށް ދަނީ ފަރުވާ ދެމުންނެވެ.

ނޭޕާލް:

ނޭޕާލުން މިއަދު 2 މީހުން ވައިރަސްއަށް ޕޮޒިޓިވްވިއެވެ. މިއާއެކު އެޤައުމުން ވައިރަސް ޖެހުނު މީހުންގެ އަދަދުވަނީ 16 އަށް އަރާފައެވެ. އެޤައުމުން ވައިރަސް ޖެހިގެން އެއްވެސް މީހަކު މަރުވެފައެއް ނުވެއެވެ. 15 މީހަކަށް ދަނީ ފަރުވާދެމުންނެވެ.

ބޫޓާން:

ބޫޓާނުން މިހާތަނަށް ފެނިފައިވަނީ 5 ކޭސްއެވެ. އެއްވެސް މީހަކު މަރެއް ނުވެއެވެ. އަދި ދެމީހަކު ފަރުވާދީގެން ރަނގަޅުވެފައިވާއިރު ބާކީ 3 މީހުންނަށް އަދިވެސް ދަނީ ފަރުވާދެމުންނެވެ.

އެންމެ ފަހުގެ ޑޭޓާތައް ދައްކާގޮތުން މިއަދު އެކަނިވެސް ރަޝިޔާއިން2,774މީހުން ކޮވިޑް-19 އަށް ޕޮޒިޓިވްވިއެވެ. އަދި22މީހުން ވަނީ ފަރުވާދެމުން ދަނިކޮށް މަރުވެފައެވެ.

މިއާއެކު، ރަޝިޔާގައި ވައިރަސްއަށް ޕޮޒިޓިވްވީ މީހުންގެ ޖުމުލަ އަަދަދަކީ21,102އެވެ. އަދި މަރުވި މީހުންގެ އަދަދު ވަނީ170އަށް އަރާފައެވެ.

ރަޝިޔާގައި މިހާރުވެސް ދަނީ19,238މީހަކަށް ފަރުވާދެމުންނެވެ. މީގެތެރެއިން 8 މީހުންގެ ޙާލަތު ވަރަށް ސީރިއަސްކަމަށް ރިޕޯޓުތައް ބުނެއެވެ.