ރާއްޖޭގައި ބޭއްވޭ އެންމެ ފުރަތަމަ ބައިނަލްއަގްވާމީ ބާސްކެޓްބޯޅަ މުބާރާތް، މިމަހުގެ 19 އިން 23 އަށް މާލޭގައި
"ފިފްތް ސްއުތް އޭޝިއަން ބާސްކެޓްބޯލް އެސޯސިއޭޝަން ޗެމްޕިއަންޝިޕް" 19 އިން 20 އަށް މާލޭގައި ބާއްވާގޮތަށް ހަމަޖެހިއްޖެ
އެމްބީއޭއިން ބޭއްވި ނޫސްވެރިންގެ ބައްދަލުވުމުގެ ތެރެއިން
ރާއްޖޭގައި ބޭއްވޭ އެންމެ ފުރަތަމަ ބައިނަލްއަގްވާމީ ބާސްކެޓް ބޯޅަ މުބާރާޓް ކަމަށްވާ "ފިފްތް ސައުތް އޭޝިއަން ބާސްކެޓްބޯލް އެސޯސިއޭޝަން ޗެމްޕިއަންޝިޕް" ޖުމްލަ 5 ގައުމަކާއެކު މިމަހު 19 ގައި ފަށާގޮތަށް ހަމަޖެހިއްޖެވެ.
މިމަހުގެ 19 އިން ފެށިގެން 23 ވަނަ ދުވަހުގެ ނިޔަލަށް ޒުވާނުންގެ މަރުކަޒުގެ އިންޑޯ ކޯޓުގައު ކުޅުމަށް ހަމަޖެހިފައިވާ މި މުބާރާތުގައި ބައިވެރިވެފައިވާ ގައުމަތަކަކީ އިންޑިއާ، ބަންގްލަދޭޝް، ސްރީލަންކާ، ނޭޕާލް އަދި ދިވެހި ރާއްޖެއެވެ.
މުބާރާތުގެ ކަންތައްތައް އިންތިޒާމްކޮށް ކުރިއަށް ގެންދިއުމަށްތަކާ ބާސްކެޓް ބޯޅަ އެސޯސިއޭޝަންގެ އެކްސްކްކޯގެ ފަރާތުން ވަނީ އޯގަނައިޒޭޝަން ކޮމިޓީއެށް އެކުލަވާލާފައެވެ. މި ކޮމިޓީގައި ހިމެނެނީ އެމްބީއޭގެ ވައިސް ޕްރެސިޑެންޓް ކަން އަދި ޖެނެރަލް ސެކެތްރީކަންވެސް ކޮށްފައިވާ އަބްދުﷲ އާމިރު އާއި، ސްޕޯޓްސް ކޯޕަރޭޝަންގެ ބޯޑު މެމްބާރު އިބްރާހިމް އާމިރު އާއި، އެމްބީއޭގެ ކުރީގެ ވައިސް ޕްރެސިޑެންޓް އަލީ ނަސީރު އާއި، ސްޕޯޓްސް ކައުންސިލްގެ ސެކެޓްރީ އަހުމަދު އިބްރާހިމް އާއި، މެމްއީސީގެ ގެނެރަލް ސެކެޓްރީ އަހުމަދު މަރުޒޫގްގެ އިތުރުން ކުރީގެ ރެފްރީ އަލީ ސަލީމް އެވެ.
މި ކޮމިޓީގެ ފަރާތުން ވާހަކަ ދައްކަމުން އެމްއޯސީގެ ގެނެރަލް ސެކެޓްރީ އަހުމަދު މަރުޒޫގް ވިދާޅުވީ، މި މުބާރާތަށް ތައްޔާރުވުމަށް ލިބިފައިވަނީ 10 ވަރަކަށް ދުވަސް ކަމަށާއި، އެހެންކަމުން މިއީ މި މުބާރުގެ ކަންތައްތައް އިނތިޒާމު ކުރުމުގައި ދިމާވި ވަރަށް ބޮޑު ގޮންޖެހުމެއް ކަމަށެވެ. ނަމަވެސް މުބާރާތުގެ ކަންތައްތައް މެނޭޖް ކުރާނެ ގޮތާމެދު މުހާރުވެސް މަޝްވަރާ ކުރެވެމުން ދާކަމަށާއި، ހުރިހާ ކަމަމެއްވެސް ފުރިހަމައަށް ނިންމާލުމަށް މަސައްކަތް ކުރާނެ ކަމަށްވެސް މަރުޒޫގް ވަނީ ވިދާޅުވެފައެވެ. އެގޮތުން މުބާރާތަށް ފުރިހަމަކުރަން ޖެހޭ ބައެށް ކަންތައްތައް މިހާރުވެސް އެކި މީހުންނަށް ބަހާލައިގެން ކުރިއަށް ގެންދާކަމަށް އޭނާ ވިދާޅުވި.
މުބާރާތުގައި ވާދަކުރާ ޓީމުތަށް މިމަހުގެ 13 ވަނަ ދުވަހު ރާއްޖެ އައުމަށް ހަމަޖެހިފައި ވާއިރު ސެކިއުރިޓީގެ ކަންތައްތައް ބެލަހައްޓަނެ ގޮތާމެދު މަޝްވަރާ ކުރެވެމުން ދާކަމަށް މްރުޒޫގް ވިދާޅުވިއެވެ.
ޕްރެސްގައި ވާހަކަ ދައްކަމުން އޯގަނައިޒޭޝަން ކޮމިޓީގެ ޗެއާމަން އާމިރު ވިދާޅުވީ، މި މުބާރާތަކީ ރާއްޖޭގައި ބޭއްވޭ އެންމެ ފުރަތަމަ ބާސްކެޓް ބޯޅައިގެ ބައިނަލްއަގްވާމީ މުބާރާތްކަމުން، މިއީ ރާއްޖޭގެ ބާސްކެޓް ބޯޅައަށް ލިބިގެންދާ ވަރަށް ބޮޑު ކުރިއެރުމެއް ކަމަށާ، އެހެންކަމިން މިމުބާރާތުގެ އެންމެހާ ކަންތައްތައް ފުރިހަމައަށް ގެންދިއުމަށްޓަކާ އެންމެ ފުރިހަމައަށް އެއްބާރުލުން ދެއްވާނެކަމަށެވެ.
ޕްރެސްގައި އިތުރަށް ވާހަކަ ދައްކަވަމުން މަރުޒޫގް ވިދާޅުވީ، މުބާރާތް އެންމެ ފުރިހަމަ ގޮތުގައި ކުރިއަށް ގެންދިއުމަށް އޯގަނައިޒޭޝަން ކޮމިޓީއިން މަސައްކަތް ކުރި ނަމަވެސް، ސަޕޯޓަރުންގެ އެއްބާރުލުން ނުލިބޭނަމަ މުބާރާޓް އެންމެ ފުރިހަމަ ވެގެން ނުދާނެ ކަމަށެވެ. މަރުޒޫގް ވަނީ ހުރިހާ ދިވެހި ސަޕޯޓަރުންނަށްވެސް ގައުމީ ޓީމަށް ހިތްވަރު ދިނުމަށްޓަކާ ކޯޓަށް އައިސް ސަޕޯޓް ދެއްވުމަށް އެދިފައެވެ.
