ރައީސް އޮފީހުގެ ޕޮލިސީ ސެކެރެޓަރީގެ މަގާމަށް ހަމްދާން އައްޔަން ކުރައްވައިފި
ކުރިން ހުންނެވީ ޑެޕިއުޓީ މިނިސްޓަރު ފެންވަރުގައި އަންޑަރ ސެކެރެޓަރީގެ މަގާމުގައި
ހަމްދާނަށް މަގާމުގެ ފަތްކޮޅު ދެއްވަނީ
ރައީސް އޮފީހުގެ ޕޮލިސީ ސެކެރެޓަރީގެ މަގާމަށް އަހުމަދު ހަމްދާން އައްޔަން ކުރައްވައިފިއެވެ.
ހަމްދާން އެ މަގާމަށް އައްޔަން ކުރެއްވީ ކުރިން އެ މަގާމުގައި ހުންނެވި އައިމިނަތު ޝައުނާ އެންވައިރަންމަންޓް މިނިސްޓަރަކަށް އައްޔަން ކުރެއްވުމާ ގުޅިގެންނެވެ. ހަމްދާން މީގެ ކުރިންހުންނެވީ، ޑެޕިއުޓީ މިނިސްޓަރު ފެންވަރުގައި އަންޑަރ ސެކެރެޓަރީގެ މަގާމުގައެވެ.
ހަމްދާން މިގެ ކުރިންވަނީ ބްރިޓިޝް ހައި ކޮމިޝަނުގެ ޕޮލިޓިކަލް އޮފިސަރު ކަމާއި، ޔޫއެންޑީޕީގެ ޕްރޮޖެކްޓް ކޯޑިނޭޓަރުކަންވެސް ކުރައްވާފައެވެ. ޔުނިވާސިޓީ އޮފް މެންޗެސްޓަރއިން މާސްޓަރ އޮފް އާރޓްސް (ޑިމޮކްރަސީ އެންޑް އިލެކްޝަންސް) ހާސިލްކުރައްވާފައިވެއެވެ. އަދި އޮސްޓްރޭލިއަން ނޭޝަނަލް ޔުނިވާސިޓީން ބެޗްލާ އޮފް އާރޓްސް (ޕޮލިސީ ސްޓަޑީސް) ހާސިލްކުރައްވާފައިވެއެވެ.
