ޓްރީ ޓޮޕް ހޮސްޕިޓަލުން އެމްބާމިން ޚިދުމަތް އަލުން ދޭން ފަށައިފިއެވެ.

އެމްބާމިންއަކީ މީހާ މަރުވުމަށްފަހު ގައުމުން ބޭރަށް ހަށިގަނޑު ފޮނުވަންޖެހޭ ހާލަތްތަކުގައި ހަށިގަނޑު ހަލާކު ނުވާގޮތަށް ރައްކާ ކުރުމެވެ. އަދި މި ޚިދުމަތް ފޯރުކޮށްދެނީ މަރުވެފައިވާ މީހާގެ ހަށިގަނޑަށް ގެއްލުން ނުވާނެހެން ބައިނަލްއަގުވާމީ މިންގަނޑުތަކަށް ފެތޭގޮތަށް ސައިންސްގެ އެންމެ ފަހުގެ ޓެކްނީކްތައް ބޭނުންކޮށްގެން ސިއްހީ ދާއިރާގެ ބެސްޓް ޕެރެކްޓިސްތަކާއި އެއްގޮތަށެވެ. ޓްރީ ޓޮޕް ހޮސްޕިޓަލުގެ މޯޗަރީ ޚިދުމަތުގެ ދަށުން ރާއްޖޭގައި އަލަށް މި ޚިދުމަތް ތައާރަފްކޮށްފައި ވަނީ ޖޫން 2، 2019 ގައެވެ.

ރާއްޖޭގައި ފުރަތަމަ ފަހަރަށް އެމްބާމިން ޕްރޮސީޖާ ހަދާފައިވަނީ ވެސް ޓްރީ ޓޮޕް ހޮސްޕިޓަލުގައެވެ. ޓްރީ ޓޮޕް ހޮސްޕިޓަލުގައި ބައިނަލްއަގުވާމީ ގަވާއިދުތަކާއި އެއްގޮތްވާގޮތުގެ މަތީން މި ޚިދުމަތް ފޯރުކޮށްދެނީ ދުނިޔޭގެ ފެންވަރުގެ ލައިސެންސް ލިބިފައިވާ, ކަމުގެ ތަޖުރިބާކާރު މާހިރުންގެ ޓީމަކުން ކަމަށް އެ ހޮސްޕިޓަލުން ބުނެއެވެ.  

ޓްރީ ޓޮޕް ހޮސްޕިޓަލުގެ ހުރިހާ ޚިދުމަތް ތަކުގައިވެސް ބޭނުންކުރަނީ އެންމެ ޒަމާނީ ވަސީލަތްތަކާއި ޓެކްނޮލޮޖީކަމަށް އެ ހޮސްޕިޓަލުން ބުންޏެވެ.