ދެވަނަ ޑޯޒް ޖެހި މީހުންގެ އަދަދު 29،000 ގާތަށް
ބުދަ ދުވަހު ފުރަތަމަ ޑޯޒް ޖަހާފައިވަނީ 1122 މީހުން
އައްޑޫ ސިޓީގައި ވެކްސިން ދިނުމުގެ ޕްރޮގްރާމްގެ ތެރެއިން
ކޮވިޑް-19ށް ދެވަނަ ޑޯޒް ޖެހި މީހުންގެ 28،970ށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން އެންމެ ފަހުން ހާމަކޮށްފައިވާ ތަފާސްހިސާބުތަކަށް ބަލާއިރު އޭޕްރީލްމަހުގެ 14 ވަނަ ދުވަހު ދެވަނަ ޑޯޒް ޖަހާފައިވަނީ 3601 މީހުންނެވެ. އޭގެތެރޭގައި ހިމެނެނީ މާލެ ސަރަހައްދުން ވެކްސިން ޖެހި 2421 މީހުންނާއި އަތޮޅުތަކުން ވެކްސިން ޖެހި 1180 މީހުންނެވެ.
ފުރަތަމަ ޑޯޒް ޖަހާފައިވަނީ 1122 މީހުންނެވެ. އެއީ މާލެ ސަރަހައްދުން 127 މީހުންނާއި އަތޮޅުތަކުން 995 މީހުންނެވެ. މިއާއެކު ފުރަތަމަ ޑޯޒް ޖެހި މީހުންގެ އަދަދު 274،782ށް ވަނީ އަރާފައެވެ.
ރަމަޟާން މަހު މާލެ ސަރަހައްދުގައި އަންނަނީ ރޭގަނޑު ގަޑީގައި ފުރަތަމަ ޑޯޒް އަދި ދެވަނަ ޑޯޒް ޖަހަމުންނެވެ. އެގޮތުން 7 ސެންޓަރަކުން އަންނަނީ ވެކްސިން ޖަހަމުންނެވެ.
ރާއްޖޭގައި މިހާރު އަންނަނީ ކޮވިޝީލްޑްގެ ދެވަނަ ޑޯޒް ޖަހަމުންނެވެ. އަދި ސިނޯފަރމްއާއި ފައިޒަރގެ ފުރަތަމަ ޑޯޒް އަންނަނީ ޖަހަމުންނެވެ.
ދެވަނަ ޑޯޒް ޖަހާ މީހުންނަށް ދޭނެ ލުއިތައް އެޗްއީއޯސީން ބުރާސްފަތި ދުވަހު ހާމަކުރާނެކަމަށް އެސެންޓަރުން ވަނީ ބުނެފައެވެ.
