މޯލްޑިވްސް އިސްލާމިކް ބޭންކް (އެމްއައިބީ) ގެ ވިސާ ޑެބިޓް ކާޑު ތަޢާރަފް ކޮށްފިއެވެ.
އެމްއައިބީން ތަޢާރަފް ކޮށްފައިވަނީ ވިސާ ޕްލެޓިނަމް އަދި ވިސާ ގޯލްޑް ޑެބިޓު ކާޑެވެ. މި ކާޑު ބޭނުންކޮށްގެން ރާއްޖޭގެ އެކި ހިސާބުތަކުގައި ބެހެއްޓިފައިވާ ވިސާ ގަބޫލު ކުރާ ހުރިހާ ޕީއޯއެސް އަދި އޭޓީއެމް މެޝިންތަކަކުން ޚިދުމަތް ހޯދޭނެ ކަމަށް އެމްއައިބީން މައުލޫމާތު ދެއެވެ.
ވިސާ ގޯލްޑް ކާޑާއިއެކު އެމްއައިބީއިން ވަނީ 'އެވްރީޑޭ ބެނެފިޓްސް' ގެ ނަމުގައި ޑިސްކައުންޓް ސްކީމްއެއް ތައާރަފްކޮށްފައެވެ. މިސްކީމުގެ ދަށުން ގިނަ އަދަދެއްގެ ފިހާރަތަކުން އެމްއަިބީގެ ކަސްޓަމަރުންނަށް ޑިސްކައުންޓް ލިބޭނެ ކަމަށް އެމްއއިބީން ބުނެއެވެ.
ވިސާ ޑެބިޓް ކާޑު ބޭނުންކޮށްގެން، ބޭރުގެ މުޢާމަލާތުތައް ކުރެވޭ ގޮތަށް އަދި ހަމަޖެހިފައެއް ނުވެއެވެ. އެހެން ނަމަވެސް އިޤްތިޞާދީ ހާލަތު ރަނގަޅު ވުމާއެކު މި ނިންމުމަށް ބަދަލު ގެންނަން ވިސްނާނެ ކަމަށް އެމްއައިބީން ބުނެއެވެ.
ރާއްޖޭގެ އެކި ސަރަހައްދުތަކުގައި ގާއިމު ކޮށްފައިވާ އެމްއައިބީގެ ގޮފިތަކުން، ޑެބިޓް ވިސާކާޑަށް އެދި މިހާރު ހުށަހެޅޭނެ ކަމަށް އެ ބޭންކުން މައުލޫމާތު ދެއެވެ.
