އެމްއައިބީގެ މުވައްޒަފުންނަށް ސީޕީއާރު/އޭއީޑީ ރިފްރެޝަރ ޕްރޮގްރާމެއް ހިންގައިފި
ޕްރޮގްރާމުގައި ކިޔަވައިދީފައިވަނީ އެމްއެންޑީއެފް މެޑިކަލް ކޯރއަށް ނިސްބަތްވާ ސިފައިން
އެމްއައިބީގެ މުވައްޒަފުންނަށް ހިންގި ސީޕީއާރު/އޭއީޑީ ރިފްރެޝަރ ޕްރޮގްރާމުގެ ތެރެއިން
މޯލްޑިވްސް އިސްލާމިކް ބޭންކުގެ މުވައްޒަފުންނަށް އެމްއެންޑީއެފް މެޑިކަލް ކޯރއިން ސީޕީއާރު/އޭއީޑީ ރިފްރެޝަރ ޕްރޮގްރާމެއް ހިންގައިފިއެވެ.
އެމްއެންޑީއެފް މެޑިކަލް ކޯރއާއި ކޮލެޖް އޮފް ޑިފެންސް އެންޑް ސެކިޔުރިޓީ ސްޓަޑީޒްއިން އިންތިޒާމުކޮށްގެން ނޮވެމްބަރު 12 ވަނަ ދުވަހު ހިންގި މި ރިފްރެޝަރ ޕްރޮގްރާމަކީ މީގެ 2 އަަހަރު ކުރިން އެމްއެންޑީއެފް މެޑިކަލް ކޯރއިން އެމްއައިބީގެ މުވައްޒަފުންނަށް ކުރިއަށް ގެންދިޔަ ސީޕީއާރު/އޭއީޑީ ކޯހާ ގުޅުވައިގެން ކުރިއަށް ގެންދިޔަ ޕްރޮގްރާމެކެވެ.
ކުރިން މި ކޯސް ފުރިހަކޮށްފައިވާ ފަރާތްތަކަށް އަމާޒުކޮށް ކުރިއަށް ގެންދިޔަ ރިފްރެޝަރ ޕްރޮގްރާމް ފުރިހަމަކުރި ފަރާތްތަކަށް ވަނީ ސީޕީއާރު/އޭއީޑީ ސެޓިފިކޭޝަން ކާޑުގެ ރިނިއުވަލްއެއް ލިބިގެންގޮސްފައެވެ.
މޯލްޑިވްސް އިސްލާމިކް ބޭންކުގެ 17 މުވައްޒަފުން ބައިވެރިވި މި ޕްރޮގްރާމުގައި ކިޔަވައިދީފައިވަނީ އެމްއެންޑީއެފް މެޑިކަލް ކޯރއަށް ނިސްބަތްވާ ސިފައިންނެވެ.
