އެމް.އައި.ބީ.އިން "ގްލޯބަލް ޕޭ" ޚިދުމަތް ލޯންޗުކޮށްފި
31 އޯގަސްޓު 2021 | އަންގާރަ 07:34އިސްލާމިކް ބޭންކުން ދޭ ޚިދުމަތްތައް ފުޅާކުރުމަށް އެ ބޭންކުން ދަނީ ގިނަ މަސައްކަތްތަކެއް ކުރަމުން
މޯލްޑިވްސް އިސްލާމިކް ބޭންކް
މޯލްޑިވްސް އިސްލާމިކް ބޭންކް (އެމް.އައި.ބީ)އިން "ގްލޯބަލް ޕޭ" ޚިދުމަތް ލޯންޗުކޮށްފިއެވެ.
"އެމްއައިބީ ގްލޯބަލް ޕޭ" މި ގޭޓްވޭއިން ފައިސާގެ މުއާމަލާތްތައް ކުރުމަށް ބައިނަލްއަޤްވާމީ ކާޑުތައް ބޭނުންކުރެވޭނެކަމަށް މޯލްޑިވްސް އިސްލާމިކް ބެންކުން ބުނެއެވެ. އެމް.އައި.ބީ ގްލޯބަލް ޕޭގައި ބޭނުންކުރަނީ އީ- ކޮމާސްގެ ދާއިރާގައި ފުންނާބުއުސް ކުންފުންޏެއް ކަމަށްވާ މާސްޓަރކާޑް ޕޭމަންޓް ގޭޓްވޭ ސަރވިސްއެވެ. އެގޮތުން މި ގޭޓްވޭއަކީ ސެކިއުރިޓީގެ ގޮތުން ވަރުގަދަ ފީޗަރތަކެއް ހިމެނޭ ގޭޓްވޭއެއް ކަމަށް ވެސް އިސްލާމިކް ބޭންކުން މައުލޫމާތުދެއެވެ. މި ގޭޓްވޭ މެދުވެރިކޮށް މަހު ފީ ދައްކަންޖެހޭ ޚިދުމަތްދޭ ކުންފުނިތަކުން ކަސްޓަމަރު ވަކިވަކިން ކޮންމެ މަހަކު މެނުއަލީ ފައިސާ ދައްކަން ޖެހުމުގެ ބަދަލުގައި އޮޓަމެޓިކުން ކޮންމެ މަހެއްގެ ފީ ވެސް ކަސްޓަމަރުގެ އެކައުންޓުން ކެނޑޭގޮތް ހެދޭނެއެވެ.
އިސްލާމިކް ބޭންކުން ދޭ ޚިދުމަތްތައް ފުޅާކުރުމަށް އެބޭންކުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ދާދި ފަހުން ވަނީ ވިސާ ޑެބިޓް ކާޑު ވެސް ތައާރަފްކޮށްފައެވެ.
