ރިސޯޓުތަކުން ޕޮޒިޓިވްވި 24 މީހުންނާއެކު ބުދަ ދުވަހު 110 ކޮވިޑް ކޭސް
10 މާރިޗު 2021 | ބުދަ 17:31މާލޭ ސަރަޙައްދުން ޕޮޒިޓިވްވި 84 މީހެއް ހިމެނޭ
ވަން އެންޑް އޮންލީ ރީތި ރަށް ރިސޯޓުގައި ވެކްސިން ޖަހަން ފެށުން- ރިސޯޓުތަކުން ފެންނަމުންދާ ކޭސްތައް އިތުރުވުމަކީ ބޮޑު ކަންބޮޑުވުމެއްގެ ގޮތުގައި ފަތުރުވެރިކަމުގެ ސިނާއަތުގައި އުޅުއްވާ ފަރާތްތަކުންވެސް ސ
ރާއްޖެއިން އިތުރު 110 މީހަކު ކޮވިޑް-19އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން އާންމުކޮށްފައިވާ ފަހުގެ ތަފާސްހިސާބުތައް ދައްކާ ގޮތުން ބުދަ ދުވަހު ރާއްޖެއިން ޕޮޒިޓިވްވި މީހުންގެ ތެރޭގައި މާލޭ ސަރަޙައްދުން ޕޮޒިޓިވްވި 84 މީހެއް ހިމެނެއެވެ. އަދި އަތޮޅުތަކުން ޕޮޒިޓިވްވި 2 މީހެއްގެ އިތުރުން، ރިސޯޓުތަކުން ޕޮޒިޓިވްވި 24 މީހެއްވެސް އޭގެ ތެރޭގައި ހިމެނެއެވެ. އެއާއެކު ރާއްޖެއިން މިހާތަނަށް ކޮވިޑަށް ޕޮޒިޓިވްވި މީހުންގެ ޖުމުލަ އަދަދު ވަނީ 21،144ށް އަރާފައެވެ.
ސަރުކާރުގެ 14 ފެސިލިޓީއެއްގައި ކޮވިޑް-19އަށް ޓެސްޓު ކުރަމުންދާއިރު، ފާއިތުވި 24ގަޑިއިރުވެސް ކޮވިޑް-19އަށް ޓެސްޓު ކުރުމަށް 2803 ސާމްޕަލް ނަގާފައިވެއެވެ. އެގޮތުން މިހާތަނަށް ރާއްޖެއިން ކޮވިޑަށް ޓެސްޓު ކުރުމަށް ނަގާފައިވާ ސާމްޕަލްތަކުގެ އަދަދުވެސް މިވަނީ 562،454ށް އަރާފައެވެ. އޭގެ ތެރެއިން ކޮމިއުނިޓީ ސްޕްރެޑް ސާމްޕަލްތަކުގެ ތެރެއިން 60 އިންސައްތައަށްވުރެ ގިނަ ސާމްޕަލްއާއި، ބަލި ކޮންޓްރޯލް ކުރުމަށް ކުރާ ކަންކަމުގެ ތެރެއިން ނަގާ ސާމްޕަލްގެ އިތުރުން، ރިސޯޓުތަކުގެ ޑިޕާޗަރ އަދި ކޭސް އިންވެސްޓިގޭޝަން ސާމްޕަލްތައްވެސް ޓެސްޓު ކުރަނީ އައިޖީއެމްއެޗުން ކަމަށް ހެލްތް އިމަރޖެންސީ އޮޕަރޭޝަންސް ސެންޓަރުން މައުލޫމާތު ދެއެވެ.
އެޗްޕީއޭގެ ތަފާސްހިސާބުތައް ދައްކާގޮތުން ރާއްޖޭގައި މިވަގުތުވެސް 164 މީހަކަށް ގެންދަނީ އެޑްމިޓްކޮށްގެން ފަރުވާދެމުންނެވެ. އަދި މިވަގުތުގެ އެކްޓިވް ކޭސްތަކުގެ ޖުމުލަ އަދަދަކީ 2539 އެވެ.
އޭގެ އިތުރުން، ރާއްޖެއިން މިހާތަނަށް މި ބަލި ޖެހިގެން ރަނގަޅުވެފައިވަނީ 18،534 މީހެކެވެ.
ފާއިތުވި 24 ގަޑިއިރުގެ ތެރޭގައި ރިސޯޓުތަކުން އެކަނިވެސް 24 މީހަކު ޕޮޒިޓިވްވެފައިވާއިރު، ރާއްޖޭގެ އިޤްތިސާދު ފުޅާކޮށް، ފަތުރުވެރިކަން އިތުރަށް ކުރިއެރުވުމަށްޓަކައި ރާއްޖެއިން ފެންނަމުންދާ ކޮވިޑް ކޭސްތަކުގެ އަދަދުތައް ދަށް ކުރުމަށް އެއްބާރުލުންދީ ފަރުދީ ޒިންމާ އަދާކުރެއްވުމަށް ކަމާބެހޭ ފަރާތްތަކުން ދަނީ ތަކުރާރުކޮށް އިލްތިމާސް ކުރަމުންނެވެ.
