ކޮވިޑް-19 ޖެހިގެން އިތުރު މީހަކު ނިޔާވެއްޖެ، މިއީ 64 ވަނަ މަރު
ނިޔާވެފައިވަނީ އުމުރުން ދުވަސްވީ މީހެއް
ޙުސައިން މަޚްތޫމް | 4 މާރިޗު 2021 | ބުރާސްފަތި 14:14
ހުޅުމާލެ މެޑިކަލް ފެސިލިޓީ
ކޮވިޑް-19ށް ފަރުވާ ހޯދަމުން ދިޔަ އިތުރު ދިވެއްސަކު ނިޔާވެއްޖެއެވެ.
ނިޔާވެފައިވަނީ އުމުރުން ދުވަސްވީ މީހެކެވެ. މިއާއެކު ރާއްޖޭގައި ނިޔާވި މީހުންގެ އަދަދު ވަނީ 64ށް އަރާފައެވެ.
އެޗްޕީއޭއިން ބުނީ ނިޔާވެފައިވަނީ ދަރުމަވަންތަ ހޮސްޕިޓަލުގެ ޑީއެޗް-11ގައި ފަރުވާ ދެމުންދިޔަ އުމުރުން 78 އަހަރުގެ ދިވެހި ފިރިހެނެއްކަމަށެވެ.
ބުރާސްފަތި ދުވަހު އިތުރު މީހަކު މި ބަލީގައި ނިޔާވެފައިވާއިރު، ނިޔާވި މީހުންގެ ތެރޭގައި ހިމެނެނީ 57 ދިވެހިންނާއި، ބަންގުލަދޭޝަށް ނިސްބަތްވާ 5 މީހަކާއި ފިލިޕީންސްގެ މީހެއްގެ އިތުރުން އިޓަލީ މީހެކެވެ.
