ރަޝިޔާއިން މިއަހަރުގެ ފުރަތަމަ ހަމަސް ދުވަހު ވެކްސިންގެ 88 މިލިއަން ޑޯޒް އުފައްދާނެ
20 ފެބުރުއަރީ 2021 | ހޮނިހިރު 18:1659 މިލިއަން ޑޯޒް ބޭނުންކުރާނީ ރަޝިޔާގައި ކުރިޔަށްދާ ވެކްސިން ދިނުމުގެ ޕްރޮގްރާމަށް
ރަޝިޔާގައި ކުރިޔަށްދާ ވެކްސިން ދިނުމުގެ ޕްރޮގްރާމް
ރަޝިޔާއިން މިއަހަރުގެ ފުރަތަމަ ހަމަސް ދުވަހުގެ ތެރޭގައި ކޮވިޑަށް އުފައްދާފައިވާ ވެކްސިންތަކުގެ 88 މިލިއަން ޑޯޒް އުފައްދާނެކަމަށް އެގައުމުގެ ޑެޕިޔުޓީ ޕްރައިމް މިނިސްޓަރ ޓަޓިއަނާ ގޮލިކޮވާ ވިދާޅުވެއްޖެއެވެ.
ރަޝިޔާގެ ސްޓޭޓް ޓީވީގައި ވާހަކަދައްކަވަމުން ޓަޓިއަނާ ވިދާޅުވީ އޭގެތެރޭގައި ރަޝިޔާއިން އުފައްދާފައިވާ ސްޕަޓްނިކް-ވީ ވެކްސިންގެ 83 މިލިއަން ޑޯޒް ހިމެނޭކަމަށެވެ.
މީގެތެރެއިން 59 މިލިއަން ޑޯޒް ބޭނުންކުރާނީ ރަޝިޔާގައި ކުރިޔަށްދާ ވެކްސިން ދިނުމުގެ ޕްރޮގްރާމަށް ކަމަށް ޓަޓިއަނާ ވިދާޅުވިއެވެ. ރަޝިޔާއިން މިހާތަނަށް ވަނީ 11.1 މިލިއަން ވެކްސން ޑޯޒް އުފައްދާފައެވެ. މީގެތެރެއިން 7.9 މިލިއަން ޑޯޒް ބޭނުންކުރަމުން އަންނަނީ އެގައުމުގައި ކުރިޔަށްދާ ވެކްސިން ދިނުމުގެ ޕްރޮގްރާމަށެވެ.
މިއަހަރުގެ ފުރަތަމަ ތިން މަސް ދުވަހުގެ ތެރޭގައި 30.5 މިލިއަން ޑޯޒް އުފައްދާނެކަމަށް ޓަޓިއަނާ ވިދާޅުވިއެވެ.
