ފުރަތަމަ ލެގުގައި ސެވިއްޔާއިން ބާސާ ބަލިކޮށްފި
ބާސާ އަތުން ސެވިއްޔާ މޮޅުވީ 2-0 ގެ ނަތީޖާއަކުން
ސެވިއްޔާ އާއި ބާސާ ބައްދަލުކުރި މެޗުގެ ތެރެއިން: މި މެޗުން ބާސާ މޮޅުވީ 2-0 ން
ސްޕެނިޝް ކަޕުގެ ސެމީފައިނަލް ފުރަތަމަ ލެގުގައި ބުދަ ދުވަހުގެރޭ ސެވިއްޔާއިން ބާސެލޯނާ ބަލިކޮށްފިއެވެ.
އަމިއްލަ ދަނޑުގައި ކުޅުނު މެޗުން ސެވިއްޔާ މޮޅުވީ 2-0 ގެ ނަތީޖާއަކުންނެވެ.
މި މެޗުގެ ފުރަތަމަ ހާފުގައި ދެ ޓީމުގެ ފަރާތުން ހަމަހަމަ ކުޅުމެއް ފެނިގެންދިޔައިރު، މެޗުގެ ކުރީކޮޅު ބާސާގެ ކެޕްޓަން ލިއޮނެލް މެސީއަށް ވަނީ ލީޑު ނަގަން ހުސް ފުރުސަތެއް ލިބިފައެވެ. އެކަމަކު ހުހަށްހުރެ މެސީ ފޮނުވާލި ބޯޅަ ސެވިއްޔާގެ ގޯލްކީޕަރު ޔާސީން ބޯނޯ ވަނީ ދިފާއުކޮށްފައެވެ. އޭގެ ފަހުން މެޗުގެ 25 ވަނަ މިނެޓުގައި ސެވިއްޔާއިން ލީޑު ނެގިއިރު، މި ލަނޑު އެ ޓީމަށް ކާމިޔާބުކޮށްދިނީ ޖޫލްސް ކޫންޑޭއެވެ.
އޭގެ ފަހުން ނަތީޖާ އެއްވަރުކުރުމަށް ބާސާއިން ކުރި މަސައްކަތް ކާމިޔާބުވެފައި ނުވާއިރު، ސެވިއްޔާއިން ލީޑު ފުޅާކޮށްފައިވަނީ މެޗު ނިމެން ފަސް މިނެޓަށް ވެފައި ވަނިކޮށެވެ. މި ލަނޑު އެ ޓީމަށް ކާމިޔާބުކޮށްދިނީ މިދިޔަ ހޫނު މޫސުމުގައި ބާސާ ދޫކޮށް ސެވިއްޔާއަށް ބަދަލުވި އިވާން ރަކިޓިޗެވެ.
ސެމީގެ ފުރަތަމަ ލެގުން ސެވިއްޔާ މޮޅުވިއިރު، ބާސާގެ ދަނޑުގައި ކުޅޭ ދެވަނަ ލެގުގެ މެޗު އޮންނާނީ އަންނަ މާޗު މަހުގެ ހަތަރުވަނަ ދުވަހުއެވެ.
