އަންގާރަ 18 ޖޫން 2019
02 އަދަ
1440 ޝައްވާލް 14
ފަތިސް 04:36
އިރުއަރާ 05:54
މެންދުރު 12:11
އަސްރު 15:35
މަޣްރިބް 18:20
އިޝާ 19:38
ކުޅިވަރު - ކޮޕާޑެލްރޭ

ކޮޕާޑެލްރޭ: ސެމީގައި ބާސާ އަދި އެތުލެޓިކޯ ބައްދަލުކުރަން ޖެހިއްޖެ

  • ބާސާ އާއި އެޓްލެޓިކޯ ބައްދަލުކުރާ ސެމީ ފައިނަލްގެ މެޗު އޮންނާނީ އަންނަ މަހުގެ 2 ވަނަ ދުވަހު

ލީވާން އަލީ
MrLeevaan

ކ. މާލެ 28 ޖެނުއަރީ 2017 | ހޮނިހިރު 10:15 1,392

ކޮޕާޑެލްރޭގެ ސެމީގައި ބައްދަލުކުރާނީ އެތުލެޓިކޯ އަދި ބާސާ - ޓްވިޓަރ

ކޮޕާޑެލްރޭގެ ސެމީ ފައިނަލުގައި ޗެމްޕިއަން ބާސެލޯނާ އަދި އެޓްލެޓިކޯ މެޑްރިޑް ބައްދަލުކުރަން ޖެހިއްޖެ އެވެ.

 

މުބާރާތުގެ ކުއާޓާ ފައިނަލް މެޗުތަކަށް ފަހު ސެމީ ފައިނަލްގައި ވާދަކުރާ ހަތަރު ޓީމުގެ މެދުގައި ނެގި ގުރުގައި ބާސާއާ ދެކޮޅަށް އެޓްލެޓިކޯ ނިކުންނައިރު، އަލަވޭސްއާ ދެކޮޅަށް ނިކުންނާނީ ވާދަވެރި ރެއާލް މެޑްރިޑް ކަޓުވާލުމަށް ފަހު ސެމީގެ ޖާގައެއް ހޯދި ސެލްޓަވިގޯ އެވެ.

 

ބާސާ އަދި އެޓްލެޓިކޯގެ ކުރިމަތިލުމާ ބެހޭ ގޮތުން ބާސާގެ މީޑްފިލްޑަރު ސާޖިއޯ ރޮބޭޓޯ ބުނީ އެޓްލެޓިކޯ އާއި ބާސާ މީގެ ކުރިން އެތައް ފަހަރަކު ވާދަކޮށްފައިވާ ކަމަށާއި، އެޓީމަކީ ކިހާ ފެންވަރެއްގެ ޓީމެއް ކަން ވަރަށް ރަނގަޅަށް އެނގޭ ކަމަށެވެ. އެގޮތުން މެޗު ފަސޭހަ ނުވާނެ ކަމަށްވެސް އޭނާ ވަނީ ބުނެފައެވެ.

 

އެޓްލެޓިކޯ މުބާރާތުގެ ސެމީ އަށް ދަތުރުކުރީ ކުއާޓާގައި 2-5 ގެ ތަފާތު ބޮޑު ނަތީޖާގެ އެގްރިގޭޓްއަކުން އެއިބާ ބަލިކުރުމަށް ފަހުއެވެ. ކޮޕާޑެލްރޭގައި އެޓްލެޓިކޯ މޮޅު ކުޅުމެއް ދައްކައި ސެމީން ޖާގަ ހޯދި ނަމަވެސް އެޓީމަށް އަދި މި ސީޒަނުގައި ސްޕެނިޝް ލީގުގައި މޮޅު ކުޅުމެއް ނުދެއްކެއެވެ.

 

ކޮޕާޑެލްރޭގައި އެޓްލެޓިކޯ އަދި ބާސާ ބައްދަލުކުރާ ސެމީ ފައިނަލްގެ މެޗު އޮންނާނީ އަންނަ މަހުގެ 2 ވަނަ ދުވަހު އެވެ. ފުރަތަމަ ލެގު ކުޅުމަށް ހަމަޖެހިފައިވަނީ އެޓްލެޓިކޯ ދަނޑުގައެވެ.

 

ސެމީގައި ސެލްޓަވިގޯ އަދި އަލަވޭސް ބައްދަލުކުރާ މެޗު އޮންނާނީ އަންނަ މަހުގެ 3 ވަނަ ދުވަހު އެވެ. ފުރަތަމަ ލެގު ކުޅުމަށް ހަމަޖެހިފައިވަނީ ސެލްޓަވިގޯ ދަނޑުގަ އެވެ.

 

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް