ހޯމަ 18 ޖެނުއަރީ 2021
13 އުތުރަހަޅަ
1442 ޖުމާދުލް އާހިރަތު 04
ފަތިސް 05:02
އިރުއަރާ 06:17
މެންދުރު 12:20
އަސްރު 15:40
އިރުއޮއްސޭ 18:15
އިޝާ 19:31
ޔޮވިޗް ފްރެންކްފަޓަށް ބަދަލުވުން

ޔޮވިޗް އަނބުރާ ފްރެންކްފަޓަށް

  • ޔޮވިޗް އަނބުރާ ފްރެންކްފަޓާ ގުޅުނީ ލޯނު އެއްބަސްވުމެއް ދަށުން
  • ޔޮވިޗް މީގެ ކުރިން ވަނީ ފްރެންކްފަޓުގައި ދެ ސީޒަން ހޭދަކޮށްފައި

ކ. މާލެ | 13 ޖެނުއަރީ 2021 | ބުދަ 18:03 | 2,067

މީގެ ކުރިން އެއިންޓްރެކްޓް ފްރެންކްފަޓަށް ކުޅުނު ސާބިއާގެ ޒުވާން ފޯވާޑް ލޫކާ ޔޮވިޗް - ގެޓީ އިމޭޖާސް

ލޯނު އެއްބަސްވުމެއްގެ ދަށުން ރެއާލް މެޑްރިޑަށް ކުޅެމުން އަންނަ ސާބިއާގެ ޒުވާން ފޯވާޑް ލޫކާ ޔޮވިޗް، އޭނާގެ ކުރީގެ ކުލަބު އެއިންޓްރެކްޓް ފްރެންކްފަޓާ ގުޅިއްޖެއެވެ.

ފްރެންކްފަޓް ދޫކޮށް 2019 ވަނަ އަހަރުގެ ޖޫން މަހު 60 މިލިޔަން ޔޫރޯއަށް ރެއާލާ ގުޅުނު ޔޮވިޗަށް އެ ޓީމުގައި އެންމެ އެދެވޭ ކުޅުމެއް ދެއްކިފައެއް ނުވެއެވެ. އެގޮތުން މިދިޔަ ދެ ސީޒަނުގައި އޭނާ ރެއާލަށް ކުޅެދީފައިވަނީ އެންމެ 32 މެޗެވެ. އަދި މި މެޗުތަކުގައި ޔޮވިޗަށް ކާމިޔާބުކުރެވިފައިވަނީ އެންމެ ދެ ލަނޑެވެ.

އެއާއެކު ރެއާލުން ވަނީ މި ސީޒަން ނިމެންދެން ލޯނު އެއްބަސްވުމެއްގެ ދަށުން ޔޮވިޗް ފްރެންކްފަޓަށް ދޫކޮށްފައެވެ. ސްކައި ސްޕޯޓްސްއަށް ދިން އިންޓަވިއުއެއްގައި ފްރެންކްފަޓުގެ ސްޕޯޓިންގ ޑިރެކްޓަރު ފްރެޑީ ބޮބިޗް ބުނީ މި ސީޒަން ނިމެންދެން ފްރެންކްފަޓަށް ޔޮވިޗް ގެންނަން ރެއާލާއެކު އެއްބަސްވުމަކަށް އާދެވިފައިވާ ކަމަށެވެ. އަދި މި ސީޒަނުގެ ނިޔަލަށް އޭނާ އެ ޓީމުގައި މަޑުކުރާއިރު، އެއްބެސްވުން ދާއިމީ ކުރުމާ މެދު ގޮތެއް ނިންމާނީ ސީޒަން ނިމުމުން ކަމަށްވެސް ވަނީ ބުނެފައެވެ.

މީގެ ކުރިން ބެންފީކާއަށްވެސް ކުޅުނު ޔޮވިޗް އެންމެ ފުރަތަމަ ފްރެންކްފަޓާ ގުޅުނީ ލޯނު އެއްބަސްވުމެއްގެ ދަށުން 2017 ވަނަ އަހަރުއެވެ. އެކަމަކު 2019 ވަނަ އަހަރުގެ އޭޕްރީލް މަހު ފްރެންކްފަޓުން ވަނީ ޔޮވިޗުގެ އެއްބަސްވުން ދާއިމީކޮށްފައެވެ. މީގެ ކުރިން ފްރެންކްފަޓުގައި ހޭދަކުރި ދެ ސީޒަނުގައި ޔޮވިޗް ވަނީ އެ ޓީމަށް 75 މެޗު ކުޅެދީ 36 ލަނޑު ކާމިޔާބުކޮށްފައެވެ. އަދި އޭނާ ވަނީ ފްރެންކްފަޓާއެކު ޖަރުމަން ކަޕުވެސް ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 5 ދުވަަސް ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.