ކ. މާލެ
|
4 ޖެނުއަރީ 2017 | ބުދަ 16:45
އެމްޑީޕީ ޖަލްސާއެއްގައި ޝިފާ ވާހަކަދައްކަވަނީ
އެމްޑީޕީ ޖަލްސާއެއްގައި ޝިފާ ވާހަކަދައްކަވަނީ
އަޒުމޫން އަހުމަދު
އެމްޑީޕީ
މާލޭގައި ދިރިނޫޅެވިގެން ގިނަ އާއިލާތަކެއް އަނބުރާ ވަނީ ރަށަށް ގޮސްފަ: ޝިފާ

މާލޭ ސަރަހަދަށް ބަދަލުވުމަށް ރައީސް އަބްދުﷲ ޔާމީން ގޮވާލަމުންދާއިރު، ދިރިއުޅުމުގެ ހަރަދު ބޮޑުވެ، މާލޭގައި ދިރިނޫޅެވިގެން ވަރަށް ގިނަ އާއިލާތައް އަނބުރާ އުފަން ރަށަށް ބަދަލުވެފައިވާ ކަމަށް މާލޭ ސިޓީ ކައުންސިލްގެ ޑެޕިއުޓީ މޭޔަރު ޝިފާ މުހައްމަދު ވިދާޅުވެއްޖެ އެވެ.

 

ރާއްޖެޓީވީގެ ފަލަ ސުރުހީ ޕްރޮގްރާމުގައި ވާހަކަ ދައްކަވަމުން ޝިފާ ވިދާޅުވި ގޮތުގައި މާލޭގައި ކިޔަވަމުންދާ ކުދިން ސްކޫލުން ވަކިކޮށްގެން ބައެއް އާއިލާތައް އަނބުރާ ރަށަށް ބަދަލުވަމުން ދަނީ ލިބޭ އާމްދަނީއަށް ވުރެ ކުރަން ޖެހޭ ހަރަދު ބޮޑުވެގެންނެވެ. ގިނަވެ ދިރިނޫޅެވިގެން ކަމަށެވެ. ޝިފާ ވިދާޅުވީ މާލެ ދޫކޮށްލުމަށް ފަހު، ރަށަށް ބަދަލުވި ނަމަވެސް، ގިނަ ރަށްރަށުގެ ތައުލީމީ ހާލަތު ރަނގަޅެއް ނޫން ކަމަށެވެ.

 

ޝިފާ ވިދާޅުވީ މި ސަރުކާރުން ޕްރައިވަޓައިޒޭޝަން ސިޔާސަތުގެ ދަށުން އަތޮޅުތެރެއަށް، ސަރުކާރުގެ އެހީތެރިކަމާއެކު ކޮލެޖްތަކަށް ޖާގަލިބި މަތީ ތައުލީމު ފެތުރިގެންދާނެ ކަމަށް ބައެއް މީހުން އުންމީދުކުރި ކަމަށެވެ. އެހެންނަމަވެސް އެކަންތައް އެގޮތަށް ނުހިނގާކަން ފާހަގަކުރައްވަމުން ޝިފާ ވިދާޅުވީ ޕީޕީއެމްގެ މަޖިލިސް މެމްބަރުން ބާރުގެ ބޭނުން ކުރައްވައިގެން ބޭނުންވާ ކޯހެއް އެ މަޖިލިސް މެމްބަރެއްގެ ދާއިރާއެއްގައި ހިންގަމުން އަންނަ ކަމަށެވެ.

މީގެ ސަބަބުން ރައްޔަތު މީހާ އަށް އޭނާގެ ދަރިން ގެންދަން ބޭނުންވާ އަމާޒެއް އެއްވެސް ގޮތެއްގައި އެނގިގެން ނުދާ ކަމަށާއި، ކުރިމަގު ބައްޓަން ކުރުމަށް އަޅަންޖެހޭ ގޯޅިއެއްވެސް ނޭނގޭ ކަމަށް ޝިފާ ވިދާޅުވި އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް