އުރީދޫއިން މާލެއަށް 5ޖީގެ ހިދުމަތް ތައާރަފްކޮށްފި
20 ޑިސެމްބަރު 2020 | އާދީއްތަ 15:40އުރީދޫ 5ޖީގެ ހިދުމަތް ލޯންޗުކޮށްދެެއްވީ ސައިންސް އެންޑް ޓެކްނޮލަޖީ މިނިސްޓަރު މުހައްމަދު މަލީހު
އުރީދޫއިން ރާއްޖެއަށް 5ޖީ ގެ ހިދުމަތް ދިނުމަށް ބޭއްވި ހަފްލާގެ ތެރެއިން
އުރީދޫ މޯލްޑިވްސް އިން މާލެ ސިޓީއަށް 5ޖީ އަދި 5ޖީ ބްރޯޑްބޭންޑުގެ ހިދުމަތް ތައާރަފްކޮށްފިއެެވެ.
އާދިއްތަ ދުވަހު ބޭއްވި ހަފްލާއެއްގައި އުރީދޫ 5ޖީގެ ހިދުމަތް ލޯންޗުކޮށްދެެއްވީ ސައިންސް އެންޑް ޓެކްނޮލަޖީ މިނިސްޓަރު މުހައްމަދު މަލީހު ޖަމާލެވެ.
އުދީދޫގެ 5ޖީ ހިދުމަތާއެކު އިންޓަނެޓް އަދި ސެލިޔުލާ ހިދުމަތް މިހާރަށްވުރެ ފަސޭހަ ކަމާއެކުު، އަވަސްކަމާއެކު ލިބޭނެ ކަމަށް އުރީދޫ އިން ބުންޏެވެ.
އުރީދޫ މޯލްޑިވްސްގެ މެނޭޖިން ޑިރެކްޓަރު އަދި އެމްޑީ ނަޖީބް ހާން ވިދާޅުވީ ކޮވިޑް19ގެ ހާލަތާއެކު އޮންލައިންކޮށް ހޯދާ ހިދުމަތްތައް ގިނަވި ކަމަށާއި އިންޓަނެޓް ބޭނުންކުރާ މިންވަރު އިތުރުވި ކަމަށެވެ. އުރީދޫ އިން މަސައްކަތް ކުރާނީ އަބަދުވެސް ކަސްޓަމަރުންނަށް އެންމެ ރަނގަޅު ހިދުމަތް ފޯރުކޮށްދިނުމަށް ކަމަށް އޭނާ ވިދާޅުވިއެވެ. އޭނާ ވިދާޅުވީ މާލޭގެ ބައެއް ސަރަހައްދުތަކަށް މިހާރު މި ހިދުމަތް ލިބޭނެ ކަމަށެވެ. އަދި ކުރިއަށް އޮތްތަނުގައި މި ހިދުމަތް ލިބޭނެ އިތުރު ޑިވައިސްތައް ތައާރަފު ކުރާނެ ކަމަށެވެ.
5ޖީގެ ހިދުމަތަކީ 4ޖީ އަށްވުރެ 10 ގުނަ އަވަސް ޓެކްނޮލަޖީ އެކެވެ.
މި ރަސްމިއްޔާތުގައި އުރީދޫ އިން ވަނީ ރާއްޖެއަށް ފުރަތަމަ ފަހަރަށް 5ޖީ ބްރޯޑްބޭންޑު ހިދުމަތްވެސް ތައާރަފުކޮށްފައެވެ. މި ހިދުމަތް ތައާރަފުކޮށްދެއްވީ އިކޮނޮމިކް މިނިސްޓަރު ފައްޔާޒު އިސްމާއިލް އެވެ.
