މިހާތަނަށް 182 ގެސްޓްހައުސް ހުޅުވައިފި

ކޮވިޑް-19 އާ ގުޅިގެން ގެސްޓްހައުސްތައް ބަންދުކުރުމަށްފަހު ގެސްޓްހައުސް އަލުން ހުޅުވާލަން ހުއްދަދިންފަހުން މިހާތަނަށް 182 ގެސްޓްހއުސްއެއް ހުޅުވާފައިވާ ކަމަށް ޓޫރިޒަމް މިނިސްޓްރީން ބުނެފިއެވެ.

ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން މިހާތަނަށް ދިހަ އަތޮޅަކުން ވަނީ 168 ގެސްޓްހައުސްއެއް ހުޅުވާފައެވެ.

އޭގެ ތެރެއިން އެންމެ ގިނަ ގެސްޓްހައުސް އޮޕަރޭޓް ކުރަމުންދަނީ މާލެ އަތޮޅުގަ އެވެ. އެގޮތުން މާލެ އަތޮޅުގައި 81 ގެސްޓްހައުސްއެއް ހުޅުވާފައިވާ ކަމަށް ޓޫރިޒަމް މިނިސްޓްރީން ބުނެއެވެ.

މީގެ އިތުރުން ހއ، ނ، ބ، އއ، އދ، ވ، ގދ، ޏ އަދި ސ އަތޮޅުގައި ދަނީ ގެސްޓްހައުސްތައް ހިންގަމުންނެވެ.

ކޮވިޑް-19 އާގުޅިގެން ގެސްޓްހައުސްތައް ބަންދުކުރިއިރު 530 ގެސްޓްހައުސްއެއް ދިޔައީ ރާއްޖޭގައި ހިންގަމުންނެވެ.

ކޮވިޑާއ ގުޅިގެން ގެސްޓްހައުސްތައް ބަންދުކުރުމަށްފަހު އަތޮޅުތެރޭގެ ގެސްޓްހައުސްތައް ހުޅުވުމުގެ ހުއްދަ ދިނީ އޮކްޓޯބަރު 15 ގައެވެ. ގްރޭޓަރ މާލެ ސަރަހއްދުގެ ގެސްޓްހައުސްތައް ހުޅުވުމގެ ހުއްދަ ދިނީ މި މަހު 15ގަ އެވެ.