އަރްޔަންވެދާ ހާރބަލް ކޮސްމެޓިކްސްގެ ޝޯރޫމެއް މާލޭގައި ހުޅުވައިފި
އުފެއްދުންތައް ވިއްކުމުގެ ހުއްދަ އޮތް ހަމައެކަނި ފަރާތަކީ ނަބާތު
އަރްޔަންވެދާ ހާރބަލް ކޮސްމެޓިކްސް
އިންޑިޔާގެ މަޝްހޫރު ކޮސްމެޓިކް ބްރޭންޑެއް ކަމަށްވާ އަރްޔަންވެދާ ހާރބަލް ކޮސްމެޓިކްސްގެ ޝޯރޫމެއް މާލޭގައި ހުޅުވައިފި އެވެ.
އަރްޔަންވެދާގެ ކޮސްމެޓިކްސްގެ ހުރިހާ އުފެއްދުންތަކަށް ޚާއްސަކޮށް "ނަބާތު" ނަމުގައި ހުޅުވާފައިވާ މިފިހާރަ ހުންނާނީ ޗާންދަނީމަގު ޖަލާލުއްދީން މިސްކިތް ކުރިމަތިން އޮންނަ މަގު ޖޯޝީ ހިނގުމުގަ އެވެ.
ހަންގަނޑާއި އިސްތަށިގަނޑަށް ޚާއްސަ ފަތްޕިލާވެލީގެ އުފެއްދުމެއް ކަމަށްވާ އަރްޔަންވެދާއަކީ އިންޑިޔާގެ އިތުރުން ޔޫރަޕް އަދި އޭޝިއާގެ ގިނަ ޤައުމުތަކުގައި ގިނަ ބައެއްގެ މަޤްބޫލުކަން ލިބިފައިވާ އުފެއްދުންތަކެވެ.
އިންޑިޔާގެ މިއުފެއްދުންތައް ރާއްޖޭގެ ބާޒާރަށް ގެނެސްފައި މި ވަނީ، ރާއްޖޭގެ އަމިއްލަ ވިޔަފާރިއެއް ކަމަށްވާ "ނަބާތު" އާއި އިންޑިޔާގެ ކުންފުންޏެއް ކަމަށްވާ އަރްޔަންވެދާ ކޮސްމެސޫޓިކަލްސްއާ އެކު ވެފައިވާ ސޯލް ޑިސްޓްރިބިއުޓަރ އެއްބަސްވުމުގެ ދަށުންނެވެ.
މިއެއްބަސްވުމުގެ ދަށުން ރާއްޖޭގެ ހުރިހާ ސަރަޙައްދެއްގައި ވެސް އަރްޔަންވެދާގެ އުފެއްދުންތައް ވިއްކުމުގެ ހުއްދަ އޮތް ހަމައެކަނި ފަރާތަކީ ނަބާތު އެވެ.
އިންޑިޔާގެ އަރްޔަންވެދާ ކުންފުނީގެ ހުރިހާ އުފެއްދުމަކީ ވެސް، ޤުދުރަތީ މާއްދާތައް އެކުލަވާލައިގެން ތައްޔާރުކޮށްފައިވާ ފަތްޕިލާވެލީގެ އުފެއްދުންތަކެއް ކަމަށްވާއިރު މިއީ ހަންގަނޑާއި އިސްތަށިގަނޑުގައި ރީތިވުމަށް ބޭނުންކުރާ ކޮސްމެޓިކްސް އުފެއްދުތަކުގައި ޒަމާނުއްސުރެ ބޭނުންކުރާ ފަތްޕިލާވެލީގެ މާއްދާތަކަށް މިޒަމާނުގެ ސައިންސްގެ އަލީގައި ލިބިފައިވާ ކުރިއެރުންތައް ހިމަނައިގެން ތައްޔާރުކޮށްފައިވާ އުފެއްދުންތަކެކެވެ.
