ތުތި ބޯވަދިލަމަހުގެ މަސްވެރިކަމަށް ހުއްދަ ދެވޭނީ 30 އުޅަނދަށް: ފިޝަރީޒް
ތުތި ބޯވަދިލަމަހުގެ މަސްވެރިކަން ތަޢާރަފުކުރުމަކީ ސަރުކާރުގެ ވައުދެއް
ތުތިބޯވަދިލަމަސް (ޑައިމެންޑް ބެކް ސްކުއިޑް) - ޝުއައިބް މުހައްމަދު އިގްބާލް
ޑައިމަންޑް ބެކް ސްކުއިޑް ނުވަތަ ތުތި ބޯވަދިލަމަހުގެ މަސްވެރިކަމަށް ލައިސަންސް ދޫކުރެވޭނީ ގިނަވެގެން 30 އުޅަނދަށް ކަމަށް ފިޝަރީޒް މިނިސްޓްރީން ބުނެފިއެވެ.
ތުތި ބޯވަދިލަމަހުގެ މަސްވެރިކަން ރާއްޖެއަށް ތަޢާރަފްކުރުމަކީ ރައީސް އިބްރާހިމް މުހައްމަދު ސާލިހުގެ ރިޔާސީ ވައުދަކަށްވާއިރު، މި މަސްވެރިކަން ރާއްޖޭގައި ފުޅާކުރުމަށްޓަކައި ފިޝަރީޒް މިނިސްޓްރީން އަންނަނީ ގިނަ މަސައްކަތްތަކެއް ކުރަމުންނެވެ.
ތުތި ބޯވަދިލަމަހުގެ މަސްވެރިކަމުގެ މަސައްކަތަކަށް މިހާރުވެސް ގިނަ ބަޔަކު އެދެމުންދާއިރު، މިހާތަނަށް 15 އުޅަނދަކުން މި މަސްވެރިކަން ކުރުމަށް މިނިސްޓްރީގައި ރަޖިސްޓްރީ ކޮށްފައިވާ ކަމަށް ފިޝަރީޒުން ބުނެއެވެ.
ތުތި ބޯވަދިލަމަހުގެ މަސްވެރިކަން 2018 ވަނަ އަހަރުގެ ތެރޭގައި ރާއްޖޭގައި ފަށާފައިވާއިރު، މި މަސްވެރިކަން ކުރުމަށް ބޭނުން ކުރާ އާލާތް ދިގު މުއްދަތުގައި އަގު އަދާކުރާ ގޮތަށް ކުރާގޮތަށް މިއަހަރުގެ ކުރީކޮޅު ވަނީ ދޫކޮށްފައެވެ.
މި މަސްވެރިކަން ރާއްޖެއަށް ތައާރަފް ކުރުމާއި އެކު މިފްކޯއިން ވެސް ވަނީ މި ބާވަތުގެ މަސް ވިއްކަން ފަށާފައެެވެ.
