އަންނަ އަހަރު ކުރީކޮޅު މޮޑަރނާ ވެކްސިންގެ 125 މިލިއަން ޑޯޒް ސަޕްލައިކުރާނެ
މީގެ ތެރެއިން 85 މިލިއަނާއި 100 މިލިއަނާ ދެމެދުގެ ޑޯޒު ސަޕްލައިކުރަން ހަމަޖެހިފައިވަނީ އެމެރިކާއަށް
ކޮވިޑަށް ވެކްސިން އުފެއްދުމަށް މަސައްކަތްކުރަމުން އަންނަ މޮޑާނާގެ އޮފީސް
މޮޑަރނާއިން ކޮވިޑް-19 އަށް އުފައްދަމުން އަންނަ ވެކްސިންގެ 100 މިލިއަނާއި 125 މިލިއަނާ ދެމެދުގެ ޑޯޒު ސަޕްލައި ކުރެވޭނެ ކަމަށް އެ ކުންފުނިން ބުނެފިއެވެ.
މޮޑަރނާއިން ބުނީ މީގެ ތެރެއިން 85 މިލިއަނާއި 100 މިލިއަނާ ދެމެދުގެ ޑޯޒު ސަޕްލައިކުރަން ހަމަޖެހިފައިވަނީ އެމެރިކާއަށް ކަމަށެވެ. އަދި ބާކީ 15 މިލިއަނާއި 25 މިލިއަނާ ދެމެދުގެ ޑޯޒް ލިބެންހުންނާނީ އެހެން ގައުމުތަކަށް ކަމަށް މޮޑަރނާއިން ބުނެއެވެ.
މޮޑަރނާއިން އަންދާޒާކުރަނީ އަންނަ އަހަރުގެ ފުރަތަމަ ކުއަރޓަރގައި 500 މިލިއަން ޑޯޒް އުފެއްދުމަށެވެ. އަދި އަންނަ އަހަރުގެ ތެރޭގައި އެއް ބިލިއަން ޑޯޒް އުފެއްދުމަށް އެ ކުންފުނިން އަންނަނީ މަސައްކަތްކުރަމުންނެވެ.
މޮޑަރނާއިން ކޮވިޑް-19 އަށް އުފައްދަމުން އަންނަ ވެކްސިނަކީ ނަތީޖާ ފެންނަ ވެކްސިނެއްކަން ވަނީ ހާމަވެފައެވެ. އެ ވެކްސިނުން ވައިރަހާ ދެކޮޅަށް އެންޓިބޮޑީ އުފައްދާކަންވަނީ ހާމަވެފައެވެ. ނަމަވެސް ދުވަސްވާވަރަށް އެންޓިބޮޑީ އުފައްދާ މިންވަރު ދަށަށްދާކަންވަނީ ހާމަވެފައެވެ. މޮޑަރނާގެ ވެކްސިންގެ އެންމެ ފަހުގެ ޑާޓާތައް އަދިވެސް ވަނީ ދަނީ ދިރާސާކުރަމުންނެވެ.
