"އިންޓްރޮޑަކްޓަރީ މީޑިއާ ޓްރޭނިންގ" ޕްރޮގްރާމް އެން.ޑީ.އޭގެ މުވައްޒަފުންނަށް ހިންގައިފި
މި ޕްރޮގްރާމް ޖުމުލަ 11 މުވައްޒަފުން ބައިވެރިވި
\"އިންޓްރޮޑަކްޓަރީ މީޑިއާ ޓްރޭނިންގ\" ޕްރޮގްރާމް
މިނިސްޓްރީ އޮފް ޖެންޑަރ ފެމިލީ، އެންޑް ސޯޝަލް ސަރވިސަސްގެ ފަރާތުން ނޭޝަނަލް ޑްރަގް އޭޖެންސީ (އެން.ޑީ.އޭ)ގެ މުވައްޒަފުންނަށް އަމާޒުކޮށްގެން "އިންޓްރޮޑަކްޓަރީ މީޑިއާ ޓްރޭނިންގ"ގެ ނަމުގައި ޕްރޮގްރާމެއް ހިންގައިފިއެވެ.
މޫކައި ސުއިޓްސްގައި ހޯމަ ދުވަހު ބޭއްވި މި ޕްރޮގްރާމަކީ ކައިމޫ ރިޒޯޓްސް އެންޑް ހޮޓެލްސްއާއި، މޯލްޑިވްސް ބްރޯޑްކާސްޓިންގ ކޮމިޝަނާއި، އިންފޮމޭޝަން ކޮމިޝަނަރުގެ އޮފީހާއި، ދިވެހިބަހުގެ އެކެޑަމީއާއި ކްލިކް ކޮލެޖްގެ އެހީތެރިކަމާއެކު ކުރިއަށް ގެންދިޔަ ޕްރޮގްރާމެކެވެ. މި ޕްރޮގްރާމް ފައްޓަވައިދެއްވީ އެން.ޑީ.އޭގެ ބޯޑުގެ ޗެއަރމަން ޢަބްދުލް ޙަމީދެވެ.
ޖުމުލަ 11 މުވައްޒަފުން ބައިވެރިވި މި ޕްރޮގްރާމް ވިލަރެސްކޮށްދެއްވީ މިނިސްޓަރ އޮފް ސްޓޭޓް ފޮރ ޖެންޑަރ، ފެމިލީ އެންޑް ސޯޝަލް ސަރވިސަސް ޢާއިޝަތު ރަޝީދާއި މިނިސްޓްރީގެ ޑިރެކްޓަރ ކޮމިއުނިކޭޝަން އިބްރާހީމް މުޙައްމަދެވެ. ސެޝަންތައް ނަންގަވައިދެއްވީ މޯލްޑިވްސް ބްރޯޑްކާސްޓިންގ ކޮމިޝަންގެ ރައީސް މަރިޔަމް ވަހީދާއާއި، އިންފޮމޭޝަން ކޮމިޝަނަރު ޙުސައިން ފިޔާޒް މޫސާއާއި، ދިވެހިބަހުގެ އެކެޑަމީގެ ޑިރެކްޓަރ ޝަހުމާ ޢަލީ އަދި ކްލިކް ކޮލެޖްގެ ބިޒްނަސް ޑެވަލޮޕްމަންޓް މެނޭޖަރ މުޙައްމަދު ރޯޝަންއެވެ.
ބައިވެރިންނަށް މަޢުލޫމާތު ދެވުނު ބައިތަކުގެ ތެރޭގައި އިންޓަވިއު ދިނުމުގެ ހަމަތަކާއި، މަޢުލޫމާތު ހޯދައި ލިބިގަތުމުގެ ޙައްޤާއި، ދިވެހިބަހުގެ ގަވާއިދުގެ އިތުރުން ޑިޖިޓަލް މާކެޓިންގ ހިމެނެއެވެ.
މި ޕްރޮގްރާމްގެ ނިންމުމުގެ ރަސްމިއްޔާތު ޝަރަފުވެރިކޮށްދެއްވީ ސިވިލް ސަރވިސް ކޮމިޝަންގެ ރައީސް މުޙައްމަދު ނާސިޙެވެ.
