ސްރީ ލަންކާގައި ކޮވިޑް-19 ގެ ސަބަބުން އާދިއްތަ ދުވަހު އެކަނިވެސް ހަތް މީހަކު މަރުވެފައިވާކަމަށް އެގައުމުގެ ޑިރެކްޓަރ ޖެނެރަލް އޮފް ހެލްތް ސާރވިސް އިން ބުނެފިއެވެ.

އެއާއި އެކު ލަންކާގައި ވައިރަސްގެ ސަބަބުން މަރުވި މީހުންގެ ޖުމްލަ އަދަދު ވަނީ 116 އަށް އަރާފައެވެ.

އާދިއްތަ ދުވަހު މަރުވެފައިވާ މީހުންގެ ތެރޭގައި ހިމެނެނީ ކޮލޮމްބޯ 2 ން މަރުވީ އުމުރުން 50 އަހަރުގެ މީހަކާއި، ގޮތަޓުވާ އިން މަރުވި 48 އަހަރުގެ މީހަކާއި، މޮރަޓުވާއިން މަރުވި 73 އަހަރުގެ މީހެއް އަދި ޗިލާއު އިން މަރުވި 70 އަހަރުގެ މީހެކެވެ. މީގެ އިތުރުން އަކުރެއްސާއިން މަރުވި 51 އަހަރުގެ މީހަކާއި، ކޮލިމްބޯ 13 އިން މަރުވި 90 އަހަރުގެ މީހެއް އަދި މަރަދާނާ އިން މަރުވި 78 އަހަރުގެ މީހެކެވެ.

ލަންކާގައި މިހާތަނަށް ކޮވިޑް-19 ޖެހުނު މީހުންގެ އަދަދު ވަނީ 23،484 ށް އަރާފައެވެ.

މިވަގުތުވެސް އެކްޓިވް ކޭސްގެ ގޮތުގައި 6،366 ކޭސްއެއް ރިޕޯޓްކޮށްފައިވާއިރު 17،002 މީހަކު މިހާތަނަށް ވަނީ ބަލިން ފެސޭހަވެފައެވެ.

498 ފަރާތަަކަށް މިވަގުތުވެސް ހޮސްޕިޓަލުގައި ދަނީ ފަރުވާދެމުންނެވެ.