މާލޭ ލީގުގައި ހޯމަ ދުވަހުގެ ރޭ ޓީސީ ސްޕޯޓްސް ކްލަބުގެ މައްޗަށް ކުރި ހޯދައިގެން ނިއު ރޭޑިއަންޓް ސްޕޯޓްސް ކްލަބުން ޕޮއިންޓް ތާވަލުގެ އެއްވަނައަށް ޖެހިލައިފިއެވެ.

ތާވަލްގެ އެއްވަނައަށް ނިއުރޭޑިއަންޓުން ޖެހިލި މެޗުގެ ފުރަތަމަ ލަނޑު ފެނިގެންދިޔައީ މެޗުގެ 17 ވަނަ މިނެޓުގައި ސްޕެއިންގެ އެޑްރިއަން ގަލާޑޯގެ ފަރާތުންނެވެ. މި ލަނޑު ޖެހުމަށް ގަލާޑޯއަށް ފުރުސަތު ތަނަވަސްކޮށްދިނީ އަލީ ފާސިރު ސެންޓޭއެވެ.

ލަނޑު ޖެހުމަށްފަހު މާ ގިނައިރުތަކެއް ނުވެ، ފަލަމަސްގަނޑަށް އަނިޔާވެގެން ގާލާޑޯ ވަނީ ބަދަލުކޮށްފައެވެ. ފުރަތަމަ ހާފުގެ 26 ވަނަ ގަލާޑޯގެ ބަދަލުގައި ކުޅެން ނެރުނީ މިދުހަތު ފަހްމީ އެވެ.

ނިއުރޭޑިއަންޓުގެ ދެވަނަ ކާމިޔާބުކޮށްފައިވަނީ ބަދަލު ގަލާޑޯގެ ބަދަލު ކުޅެން ނުކުތް މިދުހަތުއެވެ، އޭނާ އެލަނޑު ޖަހާފައިވަނީ ދެވަނަ ހާފުގެ 13 ވަނަ މިނެޓްގައެވެ.

ދެވަނަ ލަނޑަށްފަހު ނިއުރޭޑިއަންޓުން ފެނުނީ ވަރަށް ބޮޑަށް ފަހަތަށް ޖެހިގެން ކުޅެމުންދިޔަތަނެވެ. އަދި ބައެއް ކުޅުންތެރިންގެ ފަރާތުން ވަރަށް ބޮޑަށް ވަރުބަލިކަން ފެނިފައިވެއެވެ.

ނިއުރޭޑިއަންޓުން ފަހަތަށް ޖެހިގެން ކުޅެންފެށުނުމުން އެކަމުގެ ފައިދާ ނަގައި ޓީސީން މެޗުގެ ކޮންޓްރޯލް ވަރަށް ބޮޑަށް ނެގިއެވެ. އަދި ފަހު ހާފުގެ ބޮޑުބައިގައި ގިނަ އިރު ބޯޅަ ހިފަހައްޓައިގެން ރަނގަޅަށް ކުޅުނީ ޓީސީންނެވެ.

އެގޮތުން ނިއުރޭޑިއަންޓުގެ ހާފަށް ބާރުބޮޑުކޮށް މެޗުގެ 67  ވަނަ މިނެޓުގައި ޓީސީގެ މަހުދީ ވަނީ ގޯލެއް ޖަހައި ނަތީޖާގެ ފަރަނގު ކުޑަކޮށްފައެވެ.

ޓީސީ އަށް ނަތީޖާ ހަމަހަމަ ކުރަން ރަނގަޅު ފުރުސަތެއް ލިބުނެވެ. 70 ވަނަ މިނެޓުގައި ގޯލް ކުރިމައްޗަށް ޓީސީގެ ސާމިރު ހުރަސްކޮށްލަދިން ބޯޅަ ކެޕްޓަން ނާފިއުއަށް ތިން ދަނޑިން އެތެރެކޮށްލެވޭ ގޮތެއް ނުވިއެވެ.

މީގެ އިތުރުން ނިއުރޭޑިއަންޓުގެ އަހުމަދު ސުހެއިލް (ބަމްޕުޗް) އާ އަހުމަދު ނުހާދު (ގުއްޕެ) އަށް ނަތީޖާ ބަދަލުކޮށްލަން ރަނުގެ ފުރުސަތެއް ލިބިފައިވެއެވެ.

ނިއު އެއް ވަނަ އަށް އެރީ ފަސް މެޗުން ހޯދި 12 ޕޮއިންޓާ އެކު އެވެ. ދެ ވަނައިގައި 10 ޕޮއިންޓާ އެކު ގްރީން ސްޓްރީޓްސް އޮތްއިރު ތިން ވަނައިގައި ނުވަ ޕޮއިންޓާ އެކު އޮތީ ދެ މެޗު މަދުން ކުޅެފައިވާ މާޒިޔާ އެވެ.