ހުކުރު 22 ޖެނުއަރީ 2021
4 ހުވަން
1442 ޖުމާދުލް އާހިރަތު 08
ފަތިސް 05:03
އިރުއަރާ 06:18
މެންދުރު 12:22
އަސްރު 15:41
އިރުއޮއްސޭ 18:17
އިޝާ 19:32
ކްރިމިނަލް ކޯޓް

ކްރިމިނަލް ކޯޓުގެ އިސްގާޒީ ކަމަށް އަހުމަދު ޝަކީލް އައްޔަންކޮށްފި

  • ފަނޑިޔާރުކަމުގައި 17 އަހަރުގެ ތަޖުރިބާ ލިބިވަޑައިގެން ހުންނެވި ބޭފުޅެއް
  • ކުރިން މަސައްކަތްކުރެއްވި ކޯޓުތަކުގެ ތެރޭގައި ޖުވެނައިލް ކޯޓާއި، ސިވިލް ކޯޓު އަދި ފެމިލީ ކޯޓާއި ކްރިމިނަލް ކޯޓު ހިމެނެ
  • ގާޒީ ޝަކީލް ވަނީ ވިލާ ކޮލެޖުން ބެޗްލަރ އޮފްޝަރީޢާ އަދި ޝަރީޢާ އިން މާސްޓަރސް ހާޞިލް ކުރައްވާފައިވޭ

ކ. މާލެ | 26 ނޮވެންބަރ 2020 | ބުރާސްފަތި 16:40 | 4,274

މިއަދު ޖޭއެސްސީގައި ބޭއްވި ރަސްމިއްޔާތެއްގައި ކްރިމިނަލް ކޯޓުގެ އިސްގާޒީ ކަމުގެ ފަތްކޮޅު އެކޯޓުގެ ގާޒީ އަހުމަދު ޝަކީލަށް އަރުވަނީ - ޖޭއެސްސީ

ކްރިމިނަލް ކޯޓުގެ އިސްގާޒީ ކަމުގެ މަގާމަށް އެ ކޯޓުގެ ގާޒީ އަހުމަދު ޝަކީލު އައްޔަން ކުރައްވައިފިއެވެ.

ޖުޑީޝަލް ސާވިސް ކޮމިޝަން (ޖޭއެސްސީ) އިން ބުރާސްފަތި ދުވަހު އާންމުކޮށްފައިވާ ނޫސްބަޔާނެއްގައި ބުނެފައިވަނީ، ގާޒީ އަހުމަދު ޝަކީލު ކްރިމިނަލް ކޯޓުގެ އިސްގާޒީ ކަމަށް އައްޔަން ކުރަން އެ ކޮމިޝަނުން ނިންމައި، މަގާމުގެ ފަތްކޮޅު އެރުވުމުގެ ރަސްމިއްޔާތު ބުރާސްފަތި ދުވަހު ޖޭއެސްސީގައި ބާއްވާފައިވާ ކަމަށެވެ. ގާޒީ ޝަކީލުއަށް މަގާމުގެ ފަތްކޮޅު އެރުވީ ޖޭއެސްސީގެ ރައީސް ހިސާން ހުސައިންއެވެ.

ގާޒީ އަހުމަދު ޝަކީލު ވަނީ ވިލާ ކޮލެޖުން ބެޗްލަރ އޮފްޝަރީޢާ އަދި ޝަރީޢާ އިން މާސްޓަރސް ހާޞިލް ކުރައްވާފައެވެ. މީގެ އިތުރުން އަޙްމަދު ޝަކީލަކީ ފަނޑިޔާރުކަމުގައި 17 އަހަރުގެ ތަޖުރިބާ ލިބިވަޑައިގެން ހުންނެވި ބޭފުޅެކެވެ. އޭނާ ކުރިން މަސައްކަތްކުރެއްވި ކޯޓުތަކުގެ ތެރޭގައި ޖުވެނައިލް ކޯޓާއި، ސިވިލް ކޯޓު އަދި ފެމިލީ ކޯޓާއި ކްރިމިނަލް ކޯޓު ހިމެނެއެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.