ޝެއިހު އިމްރާނު އަބްދުﷲ ޖަލައްލުމަކީ ރައީސް އަބްދުﷲ  ޔާމީނު އަނެއްކާ ވެސް ހިންގި ފިނޑި އަމަލެއް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ރައިސް ނަޝީދު ކުރައްވާފައިވާ ޓްވީޓެއްގައި ބުނެފައި ވަނީ ޝެއިހު އިމްރާން ޖަލަށް އަނބުރާ ގެންދިއުމަކީ އަނެއްކާވެސް ރައީސް ޔާމީން ހިންގެވި ފިނޑި އަމަލެއް ކަމަށާއި މިކަމަކީ އިދިކޮޅު ފަރާތްތަކުގެ އަޑު ހުއްޓުވާލުމަށް ކުރައްވާ ކަމެއް ކަމަށެވެ.

މިފަދަ ފިއްތުންތަކާ އެކުވެސް ގުޅިފައިވާ ޕާޓީތަކުން ހިންގާ ހަރަކާތްތައް ވަރަށް ބާރަށް ކުރިއަށްދާނެ ކަމަށް ނަޝީދު ކުރި ޓްވީޓްގައި ބުނެފައި ވެ އެވެ.

ރައީސް ނަޝީދު މިފަދަ އިން ޓްވީޓްކުރައްވާފައިވަނީ އާދީއްތަ ދުވަހުގެރޭ ޝައިޚް އިމްރާން ކުއްލި ގޮތަކަށް އަނބުރާ ޖަލަށް ގެންގޮސްފައި ވަނިކޮށެވެ. މިކަމާ ގުޅިގެން ޝެއިހު އިމްރާނު ވަނީ ހަށިގަނޑު ޖަލަށް ލިޔަސް، އަޒުމާއި ދިވެހި ރައްޔިތުންގެ ގުރުބާނީ ޖަލަށް ނުލެވޭނެ ކަމަށް ބުނެ އެވެ

ޝައިޚް އިމްރާން އަނބުރާ ޖަލަށް ގެންގޮސްފައި މިވަނީ، ޓެރަރިޒަމްގެ މައްސަލައިގައި 12 އަހަރަށް ޖަލަށްލުމަށް ކްރިމިނަލް ކޯޓުން ކޮށްފައިވާ ޙުކުމަށް ހައިކޯޓުން އާދީއްތަ ދުވަހު ތާޢީދު ކޮށްފައިވަނިކޮށެވެ.

އިމްރާން ކުރިން އައްސޭރި ޖަލުގައި ހުރި ނަމަވެސް އިމްރާން މިފަހަރު ބަދަލުކުރެވިފައި ވަނީ މާފުށީ ޖަލަށެވެ.