ބުދަ 02 ޑިސެންބަރު 2020
06 ދޮށަ
1442 ރަބީޢުލްއާޚިރު 16
ފަތިސް 04:40
އިރުއަރާ 05:56
މެންދުރު 11:59
އަސްރު 15:20
އިރުއޮއްސޭ 17:54
އިޝާ 19:11
ކޮވިޑް-19

މާފުށިން ކޮވިޑް-19 އަށް ޕޮޒިޓިވްވި ހުރިހާ ފަތުރުވެރިން ބަލިން ރަނގަޅުވެއްޖެ

  • ކޮވިޑަށް ޕޮޒިޓިވްވި 5 ފަތުރުވެރިންގެ ތެރެއިން އެންމެ ފަހު ފަތުރުވެރިޔާ އާދިއްތަ ބަލިން ރަނގަޅުވެއްޖެ
  • ރަށް އޮތީ މިހާރު އާންމުހާލަތުގައި
  • ރަށްރަށުގައި ހިންގާ ގެސްޓް ހައުސްތައް ބަންދުކޮށްފައިވަނީ މިދިޔަ މާޗު މަހުގެ 17 ވަނަ ދުވަހު

ކ. މާލެ | 21 ނޮވެންބަރ 2020 | ހޮނިހިރު 17:50 | 4,734

މާފުށިން ޕޮޒިޓިވްވި ހުރިހާ ފަތުރުވެރިން ބަލިން ރަނގަޅުވެއްޖެ - ގޫގްލް މެޕްސް

ކ. މާފުށިން ކޮވިޑް-19 އަށް ޕޮޒިޓިވްވި ހުރިހާ ފަތުރުވެރިން ބަލިން ރަނގަޅުވެއްޖެ ކަމަށް އެރަށު ކައުންސިލުން ބުނެފި އެވެ.

ރާއްޖެއެމްވީއަށް މައުލޫމާތު ދެއްވަމުން މާފުށި ކައުންސިލްގެ ރައީސް އުޘްމާން ރަޝީދު ވިދާޅުވީ އެ ރަށުން ކޮވިޑަށް ޕޮޒިޓިވްވި 5 ފަތުރުވެރިންގެ ތެރެއިން އެންމެ ފަހު ފަތުރުވެރިޔާ އާދިއްތަ ބަލިން ރަނގަޅުވެފައިވާ ކަމަށެވެ. އަދި ރަށް އޮތީ މިހާރު އާންމު ހާލަތުގައި ކަމަށް އޭނާ ވިދާޅުވި އެވެ.

ކޮވިޑް-19 އާއި ގުޅިގެން މީހުން ދިރިއުޅޭ ރަށްރަށުގައި ހިންގާ ގެސްޓްހައުސްތައް ބަންދުކޮށްފައިވަނީ މިދިޔަ މާޗު މަހުގެ 17 ވަނަ ދުވަހު އެވެ. ރާއްޖޭގައި އެންމެ ފުޅާ ދާއިރާއެއްގައި ގެސްޓްހައުސްގެ ވިޔަފާރި ހިންގަމުންދާ މާފުއްޓަށް އަލުން ގެސްޓްހައުސް ހުޅުވާލުމުގެ ހުއްދަ ދޫކޮށްފައިވަނީ އޮކްޓޯބަރ މަހުގެ 26 ވަނަ ދުވަހު އެވެ.

މާފުށިން އެންމެ ފުރަތަމަ ކޮވިޑްގެ ކޭސްއެއް ފެނިފައިވަނީ މިދިޔަ މަހުގެ 28 ވަނަ ދުވަހު އެރަށުގެ ފަތުރުވެރިޔަކު ކޮވިޑް-19 އަށް ޕޮޒިޓިވް ވުމާއި ގުޅިގެންނެވެ. އަދި ނޮވެމްބަރ މަހުގެ 12 ވަނަ ދުވަހާއި ހަމައަށް އެރަށުން ކޮވިޑް ކޭސް ފެނުނު މީހުންގެ އަދަދު ވަނީ ފަހަކަށް އަރާފައެވެ. އަދި މިކަމާގުޅިގެން އެ ރަށުން ނެގި ރެންޑަމް ސާމްޕަލްގެ ނަތީޖާތައް ވަނީ ނެގެޓިވް ވެފައެވެ.

ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުގައި ގެސްޓް ހައުސްތައް ހުޅުވާލި އެންމެ ގިނަ ފަތުރުވެރިން ޒިޔާރަތް މާފުއްޓަށެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ރިޒުނާ ޒަރީރު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.