މަސްތުވާތަކެއްޗާ ގިނަ އަދަދެއްގެ ފައިސާއާއިއެކު މާފުށިން ދެމީހުން ހައްޔަރުކޮށްފި
20 ޖޫން 2017 | އަންގާރަ 15:03ހައްޔަރު ކުރީ 24 އަހަރުގެ ދެ ފިރިހެނުން
މާފުށިން ހައްޔަރުކުރި މީހުން އަތުން ފެނުނު ތަކެތި
މަސްތުވާތަކެއްޗާއި، ގިނަ އަދަދެއްގެ ފައިސާއާއިއެކު ކ. މާފުށިން ދެ ޒުވާނުން ހައްޔަރުކޮށްފިއެވެ.
ފުލުހުންގެ މީޑިއާ އޮފިސަރ ވިދާޅުވީ، ކ. މާފުށި ޕޮލިސް ސްޓޭޝަނާއި، ފުލުހުންގެ އިންޓެލިޖެންސް ގުޅިގެން މާފުށީގައި ހިންގި އޮޕަރޭޝަނެއްގައި، އަންގާރަ ދުވަހުގެ އިރުއޮއްސި 18:03 ހާއިރު، ހައްޔަރުކޮށްފައިވަނީ 24 އަހަރުގެ ދެ ފިރިހެނަކު ކަމަށެވެ.
މި މީހުން ހައްޔަރު ކުރިއިރު، މިމީހުންގެ އަތުން މަސްތުވާތަކެތި ކަމަށް ބެލެވޭ އެއްޗެއް ހުރި 2 ޖޫސްޕެޓީ ކޮތަޅާއި، 4 ރަބަރު ޕެކެޓްގެ އިތުރުން 1 ރަބަރުކޮޅު ފެނިފައިވާ ކަމަށެވެ. އަދި މީގެ އިތުރުން މި މީހުންގެ އަތުން ނަގުދު ފައިސާއިން ފަންސަވީސްހާސް ރުފިޔާވެސް ފެނިފައިވާ ކަމަށެވެ.
ފުލުހުން މި މައްސަލަ މިހާރު ތަހުގީގު ކުރަމުންދާއިރު، ދާދި ފަހުން ފުލުހުން ވަނީ ރާއްޖެ އެތެރެކުރަން އުޅުނު ގިނަ އަދަދެއްގެ މަސްތުވާތަކެތިވެސް ހައްޔަރުކޮށްފައެވެ.
