މަސްތުވާތަކެއްޗާއެކު މާފުށިން މީހަކު ހައްޔަރުކޮށްފި
10 ޖޫން 2017 | ހޮނިހިރު 05:19ހައްޔަރުކުރީ 35 އަހަރުގެ ފިރިހެނެއް
މާފުށިން ފުލުހުންގެ ބެލުމުގެދަށަށް ގެންދިޔަ މަސްތުވާތަކެތި
ފުލުހުން ހިންގި އޮޕަރޭޝަނެއްގައި ގިނަ އަދަދެއްގެ މަސްތުވާތަކެއްޗާއި އެކު މީހަކު ހައްޔަރުކޮށްފިއެވެ.
ފުލުހުން ބުނީ ހުކުރު ދުވަހުގެ އިރުއޮއްސި 19:30 ހާއިރު ކ. މާފުށީގައި ފުލުހުން ހިންގި އޮޕަރޭޝަނެއްގައި ހައްޔަރުކޯށްފައިވަނީ 35 އަހަރުގެ ފިރިހެނެއް ކަމަށެވެ.
އޭނާ ހައްޔަރުކޮށް، ބެލި ބެލުމުން، އޭނާ އަތުން މަސްތުވާތަކެތި ކަމަށް ޝައްކު ކުރެވޭ އެއްޗެއް ހުރި 31 ރަބަރު ޕެކެޓު ވަނީ ފެނިފައެވެ.
މި މައްސަލަ ފުލުހުންގެ ޑްރަގް އެންފޯސްމަންޓް ޑިޕާޓްމަންޓް (ޑީއީޑީ) އިން މިހާރު ދަނީ ތަހުޤީޤު ކުރަމުންނެވެ.
މަސްތުވާތަކެއްޗާއި އެކު މާފުށިން މީހަކު ހައްޔަރުކޮށްފައިވާއިރު، ދާދި ފަހުން ފުލުހުން ވަނީ ރާއްޖެ އެތެރެކުރި ހަތް ކިލޯއަށް ވުރެ ގިނަ މަސްތުވާތަކެއްޗާ އެކު ތިން ބިދޭސީއަކުވެސް ހައްޔަރުކޮށްފައެވެ.
