ސްރީ ލަންކާގައި ކޮވިޑް-19 އަށް ޕޮޒިޓިވްވި މީހުންގެ އަދަދު 16،405 އަށް އަރައިފިއެވެ.

އެންމެ ފަހުގެ ރިޕޯޓްތައް ބުނާ ގޮތުން އެ ގައުމުން ފާއިތުވި 24 ގަޑިއިރު ތެރޭ އެގައުމުން ޕޮޒިޓިވް ވެފައިވަނީ 468 މީހުންނެވެ.

ލަންކާއިން ޕޮޒިޓިވްވި މީހުންގެ ތެރެއިން 12،694 މީހުންނަކީ މިނުވަންގޮޑާ-ޕެލިޔަގޮޑާ ކްލަސްޓަރއާ ގުޅުން ހުރި މީހުންނެވެ.

މިހާތަނަށް އެ ގައުމުގެ 26 ޑިސްޓްރިކްޓެއްގައި ވަނީ ބަލި ފެތުރިގެން ގޮސްފައެވެ. އޭގެ ތެރެއިން އެންމެ ގިނަ މީހުން ޕޮޒިޓިވްވެފައި ވަނީ ކޮލޮމްބޯ ޑިސްޓްރިކްޓުންނެވެ. ދެވަނައަށް އެންމެ ގިނަ މީހުން ޕޮޒިޓިވްވެފައި ވަނީ ގަމްޕަހަ ޑިސްޓްރިކްޓުންނެވެ.

ލަންކާގައި ބަލިން ފަސޭހަވި މީހުންގެ އަދަދު ވަނީ 11,324 އަރާފައެވެ. އެކްޓިވް ކޭސްގެ އަދަދު 5،081 އަށް ތިރިވެފައިވާއިރު، މި ވައިރަސްގެ ޖެހިގެން އެ ގައުމުން މިހާތަނަށް މަރުވީ 53 މީހެކެވެ.