ނ. އަތޮޅާއި އައްޑޫ ސިޓީއާއި ދެމެދުގެ އަތޮޅުތަކަށް ވައިޓް އެލާޓް ނެރެފި

ނ. އަތޮޅާއި އައްޑޫ ސިޓީއާއި ދެމެދުގެ އަތޮޅުތަކަށް ބޯކޮށް ވާރޭވެހޭނެ ކަމަށް ލަފާކޮށް، މޫސުމާބެހޭ ގައުމީ އިދާރާއިން އެ ސަރަހައްދުތަކަށް ވައިޓް އެލާޓް ނެރެފި އެވެ.

ބުރާސްފަތި ދުވަހުގެރޭ 22:00 އިން ފެށިގެން މެންދަމު 3:00 އާއި ހަމައަށް މި ސަރަހައްދުތަކަށް ވައިޓް އެލާޓް ނެރެފައިވާއިރު، މޫސުމާއި ބެހޭ ގައުމީ އިދާރާ އިން ވަނީ ކުރިއަށް އޮތް 24 ގަޑިއިރު ވެސް ރާއްޖޭގެ އެކިހިސާބަށް ވިއްސާރަކުރުމާއެކު ގުގުުރުން އެކަށީގެންވާ ކަމަށް ބުނެފަ އެވެ.

އަދި ދެކުނާއި މެދު ރާއްޖެތެރޭގެ ބައެއް ރަށްތަކަށް ބޯކޮށް ވާރޭވެހޭނެ ކަމަށް ލަފާ ކުރެވޭ ކަމަށްވެސް މޫސުމާބެހޭ ގައުމީ އިދާރާއިން ބުނެއެވެ.

މީގެ އިތުރުން އެ އިދާރާއިން ބުނީ އެ ހިސާބުތަކަށް ބޯކޮށް ވާރޭ ވެހުނު ނަމަވެސް ވައިގަދަ ނުވާނެ ކަމަށާއި، ނަމަވެސް ހުކުރު ދުވަހު ގަދައަށް ވައިޖެހޭނެ ކަމަށް ލަފާކުރެވޭ ކަމަށެވެ.

ރާއްޖޭގެ ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެ ވަރަކަށް ގަދަ ވާާނެ ކަމަށް ލަފާކުރެވޭއިރު، ރާޅުގެ އުސްމިން ހުންނާނެ ކަމަށް ލަފާކުރެވެނީ 2 ފޫޓާއި 4 ފޫޓާއި ދެމެދުގައި ކަމަށް ވެސް މެޓް އޮފީހުން މައުލޫމާތުދެ އެވެ.

މޫސުމާބެހޭ ގައުމީ އިދާރާއިން ވަނީ ބޯކޮށް ވާރޭވެހި ފެންބޮޑުވުމުގެ ސަބަބުން ހިނގާފާނެ ހާދިސާއަކުން ސަލާމަތްވެ ތިބުމަށް މި ސަރަހައްދުގެ ރަށްތަކުގައި ދިރިއުޅޭ ރައްޔިތުންނަށް އިލްތިމާސްކޮށްފަ އެވެ.