މިރޭ 12 ގެ ފަހުން ސިންކާއި ފާޚާނަ ބޭނުން ނުކުރަން އިލްތިމާސްކޮށްފި
11 ނޮވެމްބަރު 2020 | ބުދަ 17:50ސިންކާއި ފާޚާނަ ބޭނުން ނުކުރަން އިލްތިމާސްކުރީ ނަރުދަމާ ހޮޅި ގުޅާލުމުގެ މަސައްކަތް ކުރުމުންދާތީ
މާލޭ މަގުމަތި
ބުދަ ދުވަހުގެ ރޭ 12:00 އިން 02:00 އަށް މާފަންނުގެ ވަކި ސަރަހައްދެއްގައި ސިންކާއި ފާޚާނަ ބޭނުން ނުކުރަން މޯލްޑިވްސް ވޯޓަރ އެންޑް ސްވަރޭޖް ކޮމްޕެނީ (އެމްޑަބްލިއުއެސްސީ) އިން އިލްތިމާސް ކޮށްފި އެވެ.
އެމްޑަބްލިއުއެސްސީން ބުނީ މާލޭ ސިޓީ ކައުންސިލްގެ "ސްޓްރީޓް ސްކޭޕިން ޕްރޮޖެކްޓް" ގެ ދަށުން މިހާރު މަސައްކަތް ކުރަމުންދާ ކަނބާ އައިސާ ރަނި ހިނގުމުގައި ކުރިން އަޅާފައިއޮތް ނަރުދަމާ ހޮޅިއާއި މިހާރު އަލަށް އަޅާފައިވާ ނަރުދަމާ ހޮޅި ގުޅާލުމުގެ މަސައްކަތް ބުދަ ދުވަހުގެ ރޭ ކުރުމަށް ހަމަޖެހިފައިވާ ކަމަށެވެ.
އެހެންކަމުންބުދަ ދުވަހުގެ ރޭ 00:00 އިން 2:00 އަށް މުނިޔާ މަގާއި މަޖީދީ މަގާ ދޭތެރޭގައި ހިމެނޭ ކަންބާ އައިސާރަނި ހިނގުމުގައިވާ ގޭބީސީތަކުން އެގަޑީގައި ފާޚާނަ އަދި ސިންކް ބޭނުން ނުކުރުމަށް އިލްތިމާސް ކުރާކަމަށެވެ.
މިކަމުގެ ސަބަބުން ދިމާވެދާނެ ދަތިތަކަށް އެ ކުންފުނިން ވަނީ މަޢާފަށް އެދިފައެވެ.
