ފަތުރުވެރިންނަށް ހިދުމަތްދޭ ތަންތަނުން އެސްއޯޕީއާއި ހިލާފުވާނަމަ ހުއްދަ ބާތިލްކުރަނީ
4 ނޮވެމްބަރު 2020 | ބުދަ 17:22ފަތުރުވެރިންނަށް ހިދުމަތްދޭ ތަންތަން އަލުން ހުޅުވުމަށް ނިންމާފައިވަނީ އެޗްޕީއޭގެ އުސޫލުތަކުގެ މައްޗަށް
އއ. ރަސްދޫއަށް ފަތުރުވެރިން އައުމުން މަރުހަބާ ކިޔަނީ
ފަތުރުވެރިންނަށް ހިދުމަތް ދިނުމަށް ހުއްދަ ދޫކޮށްފައި ހުރި ތަންތަނުން ސްޓޭންޑާޑް އޮޕަރޭޓިންގ ޕްރޮސީޖަރސް (އެސްއޯޕީ) އާއި ހިލާފުވާނަމަ ހުއްދަ ބާތިލުކުރާނެ ކަމަށް ޓޫރިޒަމް މިނިސްޓްރީން ބުނެފިއެވެ.
ޓޫރިޒަމް މިނިސްޓްރީން ނެރެފައިވާ ސާކިއުލާއެއްގައި ބުނެފައި ވަނީ ފަތުރުވެރިންނަށް ހިދުމަތްދޭ ތަންތަން އަލުން ހުޅުވުމަށް ނިންމާފައިވަނީ ހެލްތް ޕްރޮޓެކްޝަން އޭޖެންސީ (އެޗްޕީއޭ) އާއި އެ މިނިސްޓްރީން އެކުލަވާލާފައިވާ އުސޫލުތަކާއި އެއްގޮތަށް ކަމަށެވެ.
ސާކިއުލާގައި އިތުރަށް ބުނެފައިވަނީ ގައިޑް ލައިންތަކާއި އެެއްގޮތަށް ގިނަ ތަންތަނުން ހިދުމަތް ދެމުން އަންނައިރު، ބައެއް ތަންތަނުން ގައިޑް ލައިންތަކަށް އަމަލު ނުކުރާކަން ފާހަގަކުރެވިފައިވާ ކަމަށެވެ. އަދި ގައިޑް ލައިންތަކާއި އެއްގޮތަށް އަމަލު ކުރާ ފަރާތްތައް ފާހަގަކުރާ ކަމަށް ވެސް މިނިސްޓްރީން ނެރުނު ސާކިއުލާގައި ބުނެފައިވެއެވެ.
ޓޫރިޒަމް މިނިސްޓްރީން ބުނީ، އެފަދަ އެސްއޯޕީ ތަކާއި ގައިޑްލަންތައް އެކުލަވާލާފައިވަނީ އެތަން ތަނުގައި މަސައްކަތްކުރާ މުވައްޒަފުންނާއި ފަތުރުވެރިންގެ އިތުރުން މުޖުތަމައުގެ ސަލާމަތާއި ރައްކާތެރިކަމަށްޓަކައި ކަމަށެވެ. އަދި ސަލާމަތާއި ރައްކާތެރިކަމަށް އެފަދަ ގައިޑްލަންތަކަށް އަމަލު ކުރުން އެއީ މުހިންމު ކަމެއް ކަމަށް ވެސް މިނިސްޓްރީން އާންމުކޮށްފައިވާ ސާކިއުލާގައި ބުނެފައިވެއެވެ.
