އެލީ އާއި މަޙްލޫފުގެ ތަރާނާއިން ހިތްތަކާ ކުޅެލައިފި
އެތައް ހާސް ބަޔަކު ސޯޝަލް މީޑިއާގެ ޒަރީއާއިން ލަވަ ބަލާފައިވޭ
\"ކިޔާ ދޫތަކުން މިއީ\" ލަވައިގެ މަންޒަރެއް
ދިވެހިރާއްޖޭގެ ނަސްރުގެ ދުވެހުގެ މުނާސަބަތުގައި ޒުވާނުންގެ ވަޒީރު އަހްމަދު މަހުލޫފާއި، ދަރިކަނބަލުން ލައިބާ އަހުމަދު މަހުލޫފް ކިޔާފައިވާ "ކިޔާ ދޫތަކުން މިއީ" ލަވައިން ދިވެހިންގެ ހިތްތައް އަތުލައިފި އެވެ.
މިލަވައިގެ ޓްރެއިލާ ޓުވިޓާއިން ރިލީޒްކުރި ފަހުން ސޯޅަހާހަށް ވުރެ ގިނަ މީހުން ވަނީ ބަލާފައެވެ. ގިނަ ބަޔަކު ލަވައަށް ތައުރީފްކޮށް ވާހަކަދައްކާފައިވާއިރު ސާޅީސް ހާހަށް ވުރެ ގިނަ މީހުން ފޭސްބުކްއިން މިލަވަ ބަލާފައިވާއިރު ތޭރަ ހާސް މީހުން ވަނީ މިލަވަ ޝެއަރ ކޮށްފަ އެވެ.
ނަސްރުގެ ދުވަހު ރާއްޖެޓީވީގެ ފަށާއިރު ޕްރޮގްރާމްގައި މި ލަވަ ރިލީޒްކޮށްފައިވާއިރު، މިނިސްޓަރ މަޙްލޫފު ވިދާޅުވީ 'ޝަހީދުންގެ ޒިކުރާ' މި ލަވަ އަކީ ގައުމީ ލަވަތަކުގެ ތެރެއިން އެލީގެ ޝައުގުވެރިކަން އެންމެ ބޮޑަށް ދަމައިގަތް ލަވަ ކަމުގައެވެ. އަދި މި ލަވަ ރީތި ވުމުގެ ސަބަބުން ގިނަ ވަގުތު މި ލަވަ އަޑުއަހަމުން ގެންދިޔުމުގެ ނަތީޖާ އަކަށް ވެގެން ދިޔައީ ނަސްރުގެ ދުވަހަށް މިފަދަ ގޮތަކަށް މިލަވައިގެ ރީމޭކެއް ހެދުމަށްފަހު ނެރުމުގެ ހިޔާލު އައުން ކަމުގައިވެސް މިނިސްޓަރ ވިދާޅުވިއެވެ.
މިނިސްޓަރ މަހުލޫފު ވިދާޅުވި މި ލަވަ ކިޔާއިރު އެކަށީގެންވާ އިހުސާސްތަކާ އެކު ކިޔުމަށް ފަސޭހަ ކޮށްދިނުމުގެ ގޮތުން، އުމުރުން 7 އަހަރުގެ އެލީއަށް ނަސްރުގެ ދުވަސް ފާހަގަ ކުރާ ސަބަބު ކިޔައިދެއްވި ކަމުގައެވެ.
މި ލަވައިގެ މަސައްކަތް ކާމިޔާބު ކޮށް ނިންމާލެވުނީ ގިނަ ބައެއްގެ އެހީތެރިކަމާ އެއްބާރުލުމުގެ ސަބަބުން ކަމަށް މަހްލޫފް ވިދާޅުވިއެވެ. އެގޮތުން އެހީތެރިވި އެންމެހާ ފަރާތްތަކަށް މިނިސްޓަރ ވަނީ ހާއްސަ ޝުކުރެއް ދަންނަވާފައެވެ.
މިނިސްޓަރ ވިދާޅުވީ މިލަވަ ގިނަ ބަޔަކު ބަލައިގަންނާނެ ކަމަށް އުއްމީދު ކުރައްވާ ކަމަށެވެ.
މިނިސްޓަރ އުއްމީދު ކުރެއްވި ގޮތައް ދަރިކަނބަލުންނާއެކު ވިދާޅުވި މި ފުރިހަމަ ލަވަ އެތައް ހާސް ބަޔަކު ބަލައިގެންފިއެވެ.
