ކަނޑިންމަ ރިސޯޓުގައި ކޮވިޑް އޮތް މިންވަރު ބަލަން ދ. އަތޮޅު ހޮސްޕިޓަލުގެ ޓީމެއް ދަނީ
މަރުވީ އުމުރުން 60 އަހަރުގެ މީހެއް
ދ. އަތޮޅުގައި ހިންގަމުން އަންނަ ކަނޑިންމަ މޯލްޑިވްސް ރިސޯޓް
ދ. އަތޮޅުގައި ހިންގަމުން އަންނަ ކަނޑިންމަ ރިސޯޓުން މަރުވި މީހަކު ކޮވިޑް-19 އަށް ޕޮޒިޓިވްވުމާއި ގުޅިގެން އެ ރިސޯޓަށް ހެލްތް އިމެޖެންސީ އޮޕަރޭޝަން ސެންޓަރު (އެޗްއީއޯސީ) ގެ ޓީމެއް ދިއުމަށް ހަމަ ޖެހިއްޖެއެވެ.
ކަނޑިންމަ ރިސޯޓުން ބަލިވެގެން ހުކުރު ދުވަހު ހަވީރު ދ. އަތޮޅު ހޮސްޕިޓަލަށް ގެންދެވުނު ދިވެއްސަކު ވަނީ ހުކުރު ދުވަހުގެރޭ މަރުވެފައެވެ. އުމުރުން 60 އަހަރުގެ އެ މީހާގެ ގައިން ކޮވިޑުގެ އަލާމާތްތައް ހުރުމާއި ގުޅިގެން ހެދި ޓެސްޓުތަކުން އޭނާ ވަނީ ކޮވިޑް-19 އަށް ޕޮސިޓިވްވެފައެވެ.
އެޗްއީއޯސީ ގައި ހޮނިހިރު ދުވަހުގެރޭ ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު ޑރ. ނަޒްލާ ރަފީގް ވިދާޅުވީ، އެ ކޭސްއާއި ގުޅިގެން އެ ރިސޯޓުން އިތުރު ސާމްޕަލްތަކެއް ނަގާފައިވާ ކަމަށެވެ. އަދި އާދިއްތަ ދުވަހު ހެނދުނު ދ. އަތޮޅު ހޮސްޕިޓަލުގައި ޓީމެއް ކަނޑިންމަ އަށް ދިއުމަށް ހަމަޖެހިފައިވާ ކަމަށާއި، އެ ޓީމުން ގޮސް އެ ރިސޯޓުގައި ތިބި މީހުންގެ ތެރެއިން ބަލީގެ އަލާމާތްތައް ހުރި މީހުން ދެނެގަނެ އިތުރު މީހުންގެ ސާމްޕަލްތައް ނަގަން ހަމަޖެހިފައިވާ ކަމަށެވެ.
