ރިސޯޓުގައި މަރުވި މީހާގެ މަރުގެ ތަހުގީގަށް ބްލަޑް ސާންޕަލް ނަގައިފި
ހެލެނގެލި އައިލެންޑް ރިސޯޓުގައި މަރުވީ 33 އަހަރުގެ ދިވެހި ފިރިހެނެއް
ހެލެނގެންލި ރިސޯޓްގައި މަރުވި މީހާ
ހެލެނގެލި އައިލެންޑް ރިސޯޓުގައި މަރުވެފާ އޮއްވާ ފެނުނު މީހާގެ މަރުގެ ހަގީގަތް ހޯދުމަށް ބްލަޑް ސާމްޕަލް ނަގާފައިވާ ކަމަށް ފުލުހުން ބުނެފި އެވެ.
ހެލެނގެލި އައިލެންޑް ރިސޯޓުގައި މަރުވީ 33 އަހަރުގެ ދިވެހި ފިރިހެނެކެވެ. އޭނާ މަރުވި ކަން އެނގިފައިވަނީ ނިދާ ނުހޭލައިގެން ބެލުމުން ކަމަށް މައުލޫމާތު ލިބެއެވެ. އަދި އޭނާގެ ހަށިގަނޑުގާ އެއްވެސް ޒަހަމެއް ލިބިފައިނުވާ ކަމަށް މައުލޫމާތު ލިބެއެވެ.
ފުލުހުން ބުނީ އެމީހާ މަރުވި ހާދިސާ ތަހްގީގު ކުރަމުންދާ ކަމަށާއި އޭނާ މިއަދު ވަޅުލުމަށް ހަމަޖެހިފައިވާ ކަމަށެވެ.
ރިސޯޓެއްގައި ނިދާފައި އޮއްވާ، މަރުވެފައި އޮއްވާ މީހަކު ފެނިފައިވާ އިރު ދާދިފަހުން މާލޭގައި ވެސް ވަނީ ނިދާފައި އޮއްވާ ދެމަފިރިން އެކުގައި މަރުވެފަ އެވެ. މިދެމަފިރިންގެ ހަށިގަނޑުގައިވެސް ޒަހަމެއް ނެތް އިރު މި މައްސަލަ ވެސް ފުލުހުން ދަނީ ތަހުގީގު ކުރަމުންނެވެ.
