24 ގަޑިއިރު ތެރޭގައި އިންޑިއާއިން 48،648 މީހުން ކޮވިޑަށް ޕޮޒިޓިވްވެއްޖެ
30 އޮކްޓޯބަރު 2020 | ހުކުރު 17:24ފާއިތުވެދިޔަ 24 ގަޑިއިރު ތެރޭގައި 563 މީހުން ވަނީ މި ބަލީގައި މަރުވެފައި
އިންޑިއާގައި ކޮވިޑް-19 ގެ ރެންޑަމް ސާމްޕަލިންގ ނަގަމުން ދަނިކޮށް
ފާއިތުވެދިޔަ 24 ގަޑިއިރު ތެރޭގައި އިންޑިއާއިން 48،648 މީހުން ކޮވިޑް-19 އަށް ޕޮޒިޓިވްވެފައިވާ ކަމަށް އިންޑިއާގެ ސިއްހަތާއި ބެހޭ ވުޒާރާއިން ބުނެފިއެވެ.
އިންޑިއާގެ ސިއްހަތާއި ބެހޭ ވުޒާރާއިން ހުކުރު ދުވަހު އާންމުކުރި ތަފާސް ހިސާބުތަކުން ދައްކާ ގޮތުގައި އެގައުމުން ފާއިތުވެދިޔަ 24 ގަޑިއިރު ތެރޭގައި 48،648 މީހުން ވަނީ ކޮވިޑަށް ޕޮޒިޓިވްވެފައެވެ. އެއާއިއެކު އިންޑިއާއިން ކޮވިޑަށް ޕޮޒިޓިވްވި މީހުންގެ އަދަދު 8.09 މިލިއަނަށް ވަނީ އަރައިފައެވެ.
އިންޑީއާގެ ސިއްހަތާއި ބެހޭ ވުޒާރާއިން އާންމުކުރި ތަފާސް ހިސާބުތައް ދައްކާ ގޮތުން ފާއިތުވެދިޔަ 24 ގަޑިއިރު ތެރޭގައި 563 މީހުން ވަނީ މި ބަލީގައި މަރުވެފައެވެ. އެއާއިއެކު މަރުވި މީހުންގެ އަދަދު ވަނީ 121،090 އަށް އަރައިފައެވެ.
އިންޑިއާ އަކީ އެމެރިކާއަށްފަހު މުޅި ދުނިޔެއިން އެންމެ ގިނަ މީހުން ޕޮޒިޓިވްވެފައިވާ ގައުމެވެ. އެމެރިކާއިން ބުރާސްފަތި ދުވަހު އެކަނިވެސް 91،000 އަށް ވުރެ ގިނަ މީހުން ވަނީ ކޮވިޑަށް ޕޮޒިޓިވްވެފައެވެ.
އިންޑިއާއިން މި ބަލިން ރަނގަޅުވި މީހުންގެ އަދަދު އުޅެނީ 7،376،961 އެވެ.
