ދެކުނުކޮރެއާގެ ކުރީގެ ރަައީސްއާ 14 ގަޑިއިރު ވަންދެން ސުވާލުކޮށްފި
22 މާރިޗު 2017 | ބުދަ 10:23ޕާކްގެ މައްޗަށް ތުހުމަތު ކުރެވުނު އެންމެހާ ކަންކަން އެކަމަނާ ދޮގުކުރައްވާ
ޕްރޮސިކިއުޓަރ އޮފީހަށް ވަޑައިގެންނެވުމަށް ފަހު ޕާކްވަނީ" ރައްޔިތުން ކިބައިން މައާފަށް އެދިވަޑައިވަޑައިގަންނަވާ ކަމަށް ވިދާޅުވެފައި
މަގާމުން ދުރުކުރެވިފައިވާ ދެކުނު ކޮރެއާގެ ރައީސް ޕާކްގިއުން ހައިއާ, އެ ގައުމުގެ ޕްރޮސިކިއުޓަރުން 14 ގަޑިއިރު ވަންދެން ސުވާލުކޮށްފިއެވެ.
ޕާކްގެ މައްޗަށް ތުހުމަތު ކުރެވުނު އެންމެހާ ކަންކަން އަންގާރަ ދުވަހު އޭނާ ދޮގުކުރައްވާފައިވާ ކަމަށް ޔޮނެޕް ނިއުސް އިން ރިޕޯޓްކޮށްފައި ވެއެވެ.
ޕާކްގެ ގާތް އެކުވެރިއެއް ކަމަށްވާ ޗޮއި ސޫން ސިލް އަށް ބޮޑެތި ކުންފުނިތަކުން ފައިސާ ލިބޭނެ ގޮތަށް އޭނާ އެދިގެން ޕާކް އެ ކުންފުނިތަކަށް ކަންކަން ފަހިކޮށްދީފައިވާ ކަމަށް ތުހުމަތު ކުރެވޭ މައްސަލައިގައި ޕާކްގެ މައްޗަށް ދައުވާ ކުރެވޭނެއެވެ.
ޗޮއިގެ މައްޗަށް ވަނީ ރިޝްވަތު ދިނުމާ ކޮރަޕްޝަނުގެ ދައުވާކޮށްފައެވެ.
ޕްރޮސިކިއުޓަރ އޮފީހަށް ވަޑައިގެންނެވުމަށް ފަހު ޕާކް ވަނީ ރައްޔިތުން ކިބައިން މައާފަށް އެދިވަޑައިވަޑައިގަންނަވާ ކަމަށާއި ތަހުގީގަށް ފުރިހަމައަށް އެއްބާރުލުން ދެއްވާނެ ކަަމަށް ވައުދުވެ ވަޑައިގަންނަވާފައެވެ.
ހެނދުނުން ފެށިގެން އިރުއޮއްސި އެތައް އިރެއް ވަންދެން ސުވާލު ކުރެވިފައިވާއިރު ހަނުހުުރުމުގެ ހައްގު އެކަމަނާ ބޭނުންކުރައްވާފައި ނުވާ ކަމަށް އޮފިޝަލުން ވިދާޅުވެއެވެ.
އެކަމަނާގެ ވަކީލް ވިދާޅުވީ ބަޔާންތަކުގެ ސައްހަކަން ބެލުމަށް ފަހު އެކަމަނާ ދޫކޮށްލާނެ ކަމަށެވެ.
އެ ކަމަނާ ހައްރުކޮށްފާނެތޯ ސުވާލުކުރުމުން ޕްރޮސިކިއުޓަރުން ވިދާޅުވެފައި ވަނީ ބޮޑަށް އަހަމިއްޔަތުކަން ދެކެނީ ސުވާލުކުރަން ކަމަށް އެގައުމުގެ މީޑިއާތަކުން ރިޕޯޓްކޮށްފައި ވެއެވެ.
ޕާކް ވެވަޑައިގެންފައި ވަނީ އެގައުމުގައި ޑިމޮކްރެޓިކް އިންތިޚާބަކުން ހޮވި ވަޑައިގެންނެވި ވެރިންގެ ތެރެއިން މަގާމުން ދުރުކުރެވޭ ފުރަތަމަ ރައީސް އަށެވެ.
ޕާކް ގިއުން ހައި މަގާމުން ދުރުކުރުމަށް ފެންނަ ކަމަށް ގާނޫނު ހަދާ މަޖިލީހުން ނިންމިއިރު ކޯޓް މަރުހަލާގައި ފަނޑިޔާރުންގެ ބެންޗުން ވެސް އިއްތިފާގުވެފައި ވަނީ އެ ނިންމުމަށް ތާއީދުކުރުމަށެވެ.
