ކުޅުދުއްފުށީ އާންމު ހާލަތަށް ގެނެސްފި
28 އޮކްޓޯބަރު 2020 | ބުދަ 17:46ރަށް މޮނިޓަރިންގެ ހާލަތަށް ގެނެވުނީ މިމަހު 17 ގައި
ހދ. ކުޅުދުއްފުށި
ހދ. ކުޅުދުއްފުށީގައި އިއުލާންކޮށްފައިވާ މޮނިޓަރިންގެ ހާލަތު އުވާލައިފިއެވެ.
ހެލްތް ޕްރޮޓެކްޝަން އެޖެންސީ އެޗްޕީއޭއިން ކުޅުދުއްފުށީގައި އިއުްލާންކޮށްފައިވާ މޮނިޓަރިންގެ ހާލަތު ބުދަ ދުވަހުގެ ރޭ އުވާލާފައި ވަނީ މޮނިޓަރިންގ ހާލަތު އިތުރަށް ދަމަހައްޓަން ޖެހޭ ސަބަބެއް މި ވަގުތު ނެތުމުންނެވެ. އަދި މޮނިޓަރިންގެ ހާލަތާއި ގުޅިގެން އަޅާފައިވާ ފިޔަވަވަޅުތައް ބުދަ ދުވަހުން ފެށިގެން ނިމުމަކަށް އަންނާނެ ކަމަށް އެޗްޕީއޭއިން މައުލޫމާތު ދެއެވެ.
ކުޅުދުއްފުށީ މޮނިޓަރިންގެ ހާލަތަށް ގެނެވިފައި ވަނީ މި ހިނގާ އޮކްޓޯބަރު މަހުގެ 17 ވަނަ ދުވަހުއެވެ. މޮނިޓަރިންގެ ހާލަތު އުވާލި ނަމަވެސް ހުރިހާ ފަރާތްތަކުން ވެސް ބަލިން ރައްކާތެރިވުމަށް ރައްކާތެރިކަމުގެ ފިޔަވަޅުތައް އެޅުމަށް ކުޅުދުއްފުށީ ކައުންސިލުން ވަނީ އިލްތިމާސްކޮށްފައެވެ.
