ސްޓެލްކޯއަށް 8 މެގަވޮޓް ޖެނަރޭޓަރެއް ގެނެސްފި
22 ޖެނުއަރީ 2017 | އާދީއްތަ 12:03އާ ޖަނެރޭޓަރު މިއަހަރުގެ އެޕްރީލް މަހުގެ ތެރޭގައި ބޭނުން ކުރަން ފެށޭނެ
ސްޓެލްކޯ އަށް ގެނައި އާ ޖަނަރޭޓަރު
މާލޭގެ ކަރަންޓުގެ ހިދުމަތުގެ ފެންވަރު ރަނގަޅު ކުރުމަށްޓަކައި ސްޓެލްކޯ އިން އަށް މެގަވޯޓުގެ ޖެނަރޭޓަރެއް ހެނެސްފިއެވެ.
ސްޓެލްކޯގެ ސީނިއާ އިންޖިނިއާ އިބްރާހީމް ރައޫފް ވިދާޅުވީ މި ޖަނަރޭޓަރު މިރޭގެ ވަގުތެއްގައި ސްޓޭލްކޯގެ ސައިޓަށް ގެންގޮސް އިންސްޓޯލްކުރުމުގެ މަސައްކަތް ފަށާނެކަމަށެވެ.
ރައޫފް ވިދާޅުވީ މިއަހަރުގެ އެޕްރީލް މަހުގެ ތެރޭގައި މި ޖަނަރޭޓަރު ބޭނުންކުރަން ފެށޭނެ ކަމަށެވެ. މި ޖަނަރޭޓަރު ހިންގަން ފެށުމަށް ބޭނުންވާ ސާމާނުތައް ބެހެއްޓުމުގެ މަސައްކަތް މިހާރުވެސް ފަށައިގެން ކުރިއަށްދާކަން ރައޫފް ފާހަގަކުރެއްވިއެވެ.
ރައޫފް ވިދާޅުވީ އާ ޖެނަރޭޓަރާއެކު ސްޓެލްކޯ އިން މާލެއަށް ކަރަންޓް ފޯރުކޮށްދޭނީ 27 ޖަނަރޭޓަރާއެކު ކަމަށާއި އޭރުން ހޫނު މޫސުމުގައި މާލޭގައި ކަރަންޓް ކެނޑުމަށް ދިމާވާ މައްސަލަތަކަށް ވަރަށް ބޮޑު ހައްލެއް ލިބިގެންދާނެ ކަމަށް އޭނާ ވިދާޅުވިއެވެ.
