ކޮވިޑުގެ ކޭސްތަކެއް ފެނި ލަންކާގެ ޕާލިމެންޓު ބަންދުކޮށްފި

ސްރީލަންކާގެ ގާނޫނު ހަދާ މަޖިލީހުގެ މުވައްޒަފަކު ކޮވިޑް-19 އަށް ޕޮޒިޓިވްވެ ޑިސްއިންފެކްޓު ކުރަން ދެ ދުވަހުގެ މުއްދަތަށް ބަންދުކޮށްފި އެވެ.

ގާނޫނު ހަދާ މަޖިލީހުގެ ސެކެރެޓަރީ ޖެނެރަލް ވިދާޅުވީ، ދެ ދުވަހުގެ މުއްދަތަށް ޕާލިމެންޓު ބަންދުކުރަން ނިންމީ ފުލުހުންގެ އިންޗާޖެއްގެ ގޮތުގައި މަސައްކަތްކުރާ ސަބް އިންސްޕެކްޓަރެއްގެ އިތުރުން ބަދިގޭގެ މުވައްޒަފަކުގެ އިތުރުން ކެންޓީނުގެ މުވައްޒަފަކު ކޮވިޑަށް ޕޮޒިޓިވްވުމާއި ގުޅިގެން ކަމަށެވެ. އެހެންކަމުން ހޯމަ އަދި އަންގާރަ ދުވަހު ޕާލިމެންޓު ބަންދުވާނެއެވެ. އަދި ހުރިހާ މުވައްޒަފުންވެސް ގޭގައި މަޑުކުރަން ވަނީ އަންގާފައެވެ.

ލަންކާގެ ޕާލިމެންޓުން ކޮވިޑުގެ ކޭސްތަކެއް ފެނިފައިވަނީ އެ ގައުމުގައި ކޮވިޑު ހާލަތު ގޯސްވެ ކޭސްތަކުގެ އަދަދު އިތުރުވެފައި ވަނިކޮށެވެ. ކޭސްތަކުގެ އަދަދު ކުއްލިއަކަށް އިތުރުވުމާއި ގުޅިގެން ވެރިރަށް ކޮލަމްބޯގެ ޕެޓާ، ފޯޓްގެ އިތުރުން ބޮރެއްލާ ގައި ކާފިޔު ހިންގަން ވަނީ ފަށާފައެވެ. އެ ސަރަހައްދު ތަކުގެ ކާފިޔު އަށް ލުޔެއް ދޭން ނިންމާފައިވަނީ ތިން ދުވަހުން ތިން ދުވަހުން އިތުރަށް ބެލުމަށް ފަހުއެވެ.

މި ފަހުން ފެންނަ ކޭސްތަކުގެ ތެރެއިން އެންމެ ގިނައިން ރިޕޯޓް ކުރެވިފައިވާ ކޭސްތަކަކީ ކޮލަމްބޯ އޮންނަ ހުޅަނގު ޕްރޮވިންސްގެ ޕެލިޔަގޮޑައިގެ މަސް މާރުކޭޓްއާ ގުޅުން ހުރި ކްލަސްޓާތަކެެވެ. އެ މާރުކޭޓް އިން ބަލި ފެތުރޭ މިންވަރު ވަނީ އެހެން ސަރަހައްދުތަކާއި އަޅައިބަލާއިރު އިތުރުވެފައެވެ.

ލަންކާގެ ޗީފް އެޕިޑަމޮލޮޖިސްޓް ޑރ. ސުދަތް ސަމަރް ވީރާ ވިދާޅުވީ، އަދި މިހާތަނަށް ކޮމިއުނިޓީ ސްޕްރެޑެއް އޮތް ކަމަށް ގަބޫލުނުކުރެވޭ ކަމަށެވެ.

ލަންކާ އިން މިހާތަނަށް 7872 މީހަކަށް ވަނީ ކޮވިޑް ޖެހިފައެވެ. އޭގެ ތެރެއިން 3933 މީހަކު ވަނީ ބަލިން ރަނގަޅުވެ ހޮސްޕިޓަލުގެ ގެޔަށް ދޫކޮށްލާފައެވެ. މި ބަލި ޖެހިގެން ލަންކާއިން 16 މީހަކު ވަނީ މަރުވެފައެވެ.