އައިޖީއެމްއެޗުގެ "ޚިތާނީ މޫސުމް 2020" އަށް ނަން ނޯޓު ކުރުމުގެ މުއްދަތު އިތުރު ކޮށްފި
23 އޮކްޓޯބަރު 2020 | ހުކުރު 00:36ހިތާނީ މޫސުމް 2020 ކުރިޔަށް ގެންދާނީ ނޮވެމްބަރު 15 އިން 25 ޑިސެމްބަރުގެ ނިޔަލަށް
އައިޖީއެމްއެޗު \"ޚިތާނީ މޫސުމް 2020\"
އައިޖީއެމްއެޗު "ހިތާނީ މޫސުމް 2020" އަށް ނަންނޯޓު ކުރުމަށް ހުޅުވާލި ފުރުސަތުގެ މުއްދަތު އިތުރުކޮށްފިއެވެ.
އައިޖީއެމްއެޗުން ބުރާސްފަތި ދުވަހު ބުނީ އެ ހޮސްޕިޓަލުން "ހިތާނީ މޫސުމް 2020" ނަމުގައި މި އަހަރު ވެސް ހިތާނު ކުރުމުގެ ހިދުމަތް ދޭން ނިންމާފައިވާ ކަމަށެވެ. އަދި ނަން ނޯޓު ކުރުމަށް ކަނޑައަޅާފައިވާ ސުންގަޑި އޮކްޓޯބަރ 28 ވަނަ ދުވަހުގެ މެންދުރު 12 އާ ހަމައަށް އިތުރުކޮށްފައިވާ ކަމަށް ވަނީ ބުނެފައެވެ.
ހިތާނަ ކުރަން ނަން ނޯޓް ކުރުމާއި މައުލޫމާތު ސާފު ކުރުމުގެ ކަންކަން ހަމަޖައްސާފައި ވަނީ ދަރުމަވަންތަ ހޮސްޕިޓަލް (ޑީއެޗް) ގައެވެ. މި އަހަރުގެ "ހިތާނީ މޫސުމް 2020" ކުރިޔަށް ގެންދާނީ 15 ނޮވެމްބަރުުން ފެށިގެން 25 ޑިސެމްބަރު 2020 ގެ ނިޔަލަށެވެ.
އައިޖީއެމްއެޗްގެ އޮފިޝަލަކު ވިދާޅުވީ ކޮވިޑާ ގުޅިގެން މި އަހަރު އެހެނިހެން އަހަރުތަކެކޭ ތަފާތު ވާނެ ކަމަށެވެ. އެގޮތުން ރައްކާތެރިކަމުގެ ގިނަ ފިޔަވަޅުތަކާ އެކު މި އަހަރު ދުވާލެއްގެ މައްޗަށް ހިތާނަ ކުރެވޭނީ 12 ކުދިންނަށް ކަމަށެވެ. އަދި މީގެ އިތުރުން ކުދިންގެ ރައްކާތެރި ކަމަށް ނުހަނު އިސްކަން ދޭނެ ކަމަށް ވެސް ވަނީ ވިދާޅުވެފައެވެ.
