އައްޑޫ ސިޓީގައި ހިނގި ގްރޫޕް މާރާމާރީއެއްގައި އަދި އެއްވެސް މީހަކު ހައްޔަރު ކޮށްފައެއް ނުވޭ!
19 އޮކްޓޯބަރު 2020 | ހޯމަ 06:25ހާދިސާގެ ރިޕޯޓް ފުލުހުންނަށް ލިބިފައި ވަނީ ހޯމަ ދުވަހު މެންދަމު 12:38 ގައި
އައްޑޫ އިކުއިޓޯރިއަލް ހޮސްޕިޓަލް
އައްޑޫ ސިޓީގައި ހިނގި ގްރޫޕް މާރާމާރީއެއްގައި މީހަކު ޒަހަމް ކޮށްލާފައިވާއިރު މިހާތަނަށް އެއްވެސް މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ނުވާ ކަމަށް އެ އިދާރާއިން ބުނެފި އެވެ.
ކަތިވަޅީގެ ހަމަލާގައި ޒަޚަމްވި ޒުވާނާގެ އަތުގެ ދެ އިނގިލި ބުރިވެފައިވާއިރު، އުނަގަނޑާއި، ފަޔާއި ބުރަކަށްޓަށް ވެސް ހަމަލާދީ ޒަހަމްކޮށްލާފައިވާ ކަމަށް މައުލޫމާތު ލިބިފައިވެ އެވެ.
މިކަމާއި ގުޅޭގޮތުން މައުލޫމާތު ދެމުން ފުލުހުން ބުނީ އައްޑޫ ސީޓީ ހިތަދޫގެ ދެ ގްރޫޕެއްގެ ދެމެދުގައި ހިނގި މާރާމާރީއެއްގައި ތޫނު އެއްޗަކުން ހަމަލާދީ މީހަކު ޒަހަމް ކޮށްލާފައިވާ މައްސަލައެއް ހުށައަޅާފައިވާ ކަމަށާއި، މި ހާދިސާގެ ރިޕޯޓު ފުލުހުންނަށް ލިބިފައިވަނީ ހޯމަ ދުވަހުގެ މެންދަމު 12:28 ގައެވެ.
ފުލުހުން ބުނީ އަނިޔާ ލިބުނު މީހާއަށް އައްޑޫ އިކުއިޓޯރިއަލް ހޮސްޕިޓަލުގައި ފަރުވާ ދެމުންދާ ކަމަށެވެ. އަދި އެ މީހާއަށް ސީރިއަސް އަނިޔާތަކެއް ލިބިފައިވާ ކަމަށް ވެސް ވަނީ މައުލޫމާތު ދީފައެވެ.
