އިބޫއަށް އަނިޔާވީ އަންހެނުންގެ ދަބަހުގައި އޮތް ކަޓަރަކުން!
މިމައްސަލަ ފުލުހުން ދަނީ އިތުރަށް ބަލަމުން
އެމްޑީޕީގެ މާމިގިލި ދާއިރާގެ ރައީސް އިބްރާހީމް ރަޝީދުގެ (މާމިގިލި އިބޫ)
ކުރީގެ ގްރޭޓާރ މާލެ އިންޑަސްޓްރިއަލް ޒޯންގެ މެނޭޖިންގ ޑިރެކްޓަރ އަދި އެމްޑީޕީގެ މާމިގިލި ދާއިރާގެ ރައީސް އިބްރާހީމް ރަޝީދުގެ (މާމިގިލި އިބޫ) އަށް ތޫނު އެއްޗަކުން އަނިޔާވީ، އޭނާގެ އަންހެނުންގެ އަތް ދަބަހުގައި އޮތް ކަޓަރު އެޅިގެން ކަމަށް އޭނާ ފުލުހުން ގާތުގައި ބުނެފިއެވެ.
ފުލުހުން މައުލޫމާތު ދިން ގޮތުގައި އާދިއްތަ ދުވަހުގެ ރޭ 22:51 ގައި ހިނގި މި ހާދިސާގައި އޭނާ އަށް ޒަޙަމް ފާހަގަވެފައިވަނީ އަންހެނުންނާއި އެކު ސައިކަލުގައި ދުއްވަނިކޮށް ކަމަށް އިބޫ ވަނީ ފުލުހުންނަށް މައުލޫމާތު ދީފައެވެ.
ޒަހަމަކާއެކު އޭޑީކޭގައި އޭނާއަށް ފަރުވާދެމުން އަންނައިރު ފުލުހުން ބުނެފައިވަނީ މި މައްސަލައާއި ގުޅިގެން އިތުރަށް ބަލަން ޖެހޭ ކަންކަން ބަލަމުންދާ ކަމަށެވެ.
އާދިއްތަ ދުވަހުގެ ރޭ ށ. ފޯކައިދޫއާއި އައްޑޫ ސިޓީގައި ވަނީ މާރާމާރީ ހިންގާފައެވެ. އަދި މި ހާދިސާތަކުގައި ޒަޚަމްވި މީހުންނަށް ވަނީ ސީރިއަސް އަނިޔާތަކެއް ލިބިފައެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުގައި އިބޫ އަށް އަނިޔާ ލިބިފައިވަނީ މޭކަށިގަނޑާއި ދިމާލުންނެވެ.
